ព័ត៌មានអន្ដរជាតិ
លោក Pita និយាយរឿងលទ្ធិប្រជាធិបតេយ្យ ថៃ ក្រោយបាត់ឱកាសមាស ធ្វើជានាយករដ្ឋមន្ត្រី
មេដឹកនាំគណបក្សចលនាឆ្ពោះទៅមុខលោក Pita Limjaroenrat កាលពីថ្ងៃសុក្របានចេញមុខនិយាយអំពីស្ថានភាពប្រជាធិបតេយ្យនៅក្នុងប្រទេសថៃ ក្រោយពេលដែលបាត់បង់ឱកាសមាសក្នុងការក្លាយជានាយករដ្ឋមន្ត្រីទី ៣០ របស់ប្រទេស ។
ក្នុងនាមជាវាគ្មិនពិសេសនៅក្នុងកម្មវិធីតម្រង់ទិសសម្រាប់សិស្សនិស្សិតថ្មីនៅសាកលវិទ្យាល័យ Thammasat ពាក់ព័ន្ធនឹងប្រធានបទ “ប្រជាធិបតេយ្យ សេរីភាព និងយុត្តិធម៌”, លោក Pita បាននិយាយចំៗថា បច្ចុប្បន្នលទ្ធិប្រជាធិបតេយ្យនៅក្នុងប្រទេសថៃកំពុងដើរថយក្រោយ ហើយលោកថែមទាំងបានជំរុញឲ្យនិស្សិតសាកលវិទ្យាល័យវ័យក្មេង ជួយកំណត់អនាគតនៃប្រទេសរបស់ពួកគេផងដែរ ។
លោក Pita បានបញ្ជាក់នៅក្នុងព្រឹត្តិការណ៍នោះទៀតថា “ជាងពាក់កណ្តាលនៃបណ្តាប្រទេសនៅលើពិភពលោកមានលទ្ធិប្រជាធិបតេយ្យ ប៉ុន្តែលទ្ធិប្រជាធិបតេយ្យពិភពលោកកំពុងធ្លាក់ចុះយ៉ាងខ្លាំង ហើយបច្ចុប្បន្ននេះ យើងកំពុងស្ថិតនៅក្នុងពិភពលោកមួយដែលលទ្ធិប្រជាធិបតេយ្យ សេរីភាព និងយុត្តិធម៌កំពុងដើរថយក្រោយ” ។
មេបក្សវ័យ ៤២ ឆ្នាំរូបនេះបានចោទសួរថា “នៅពេលក្រឡេកមើលប្រទេសថៃវិញ តើលទ្ធិប្រជាធិបតេយ្យថៃសព្វថ្ងៃមានន័យថា សមាជិកព្រឹទ្ធសភាមួយក្រុមអាចបោះឆ្នោតប្រឆាំងបេក្ខជននាយករដ្ឋមន្ត្រីដែលប្រជាជនបោះឆ្នោតឲ្យមែនឬ? តើលទ្ធិប្រជាធិបតេយ្យពិតប្រាកដមានន័យថា មនុស្សទាំងអស់ស្មើភាពគ្នាមែនទេ? បើបែបនេះមែន ចុះហេតុអ្វីបានជាអំណាចរបស់ប្រជាជនត្រូវបានគេប្រឆាំង? ។ ដូច្នេះវាបានបង្ហាញឲ្យឃើញច្បាស់ណាស់ថា សេរីភាពនៃការបញ្ចេញមតិ និងលក្ខខណ្ឌរស់នៅរបស់ប្រជាជនកំពុងដើរថយក្រោយ” ។
លោក Pita សង្កត់ធ្ងន់ថា “ប្រទេសថៃត្រូវការមនុស្សជំនាន់ថ្មីដើម្បីកំណត់ឡើងវិញនូវលទ្ធិប្រជាធិបតេយ្យ សេរីភាព និងយុត្តិធម៌នៅក្នុងប្រទេស ដើម្បីសិក្សាពីអតីតកាល និងកំណត់អ្វីថ្មីៗសម្រាប់អនាគត ហើយនេះគឺជាថាមពលរបស់មនុស្សជំនាន់ថ្មី ហើយដល់ពេលដែលត្រូវគិតជាតិជាធំហើយ” ។
គួរបញ្ជាក់ថា លោក Pita បានបាត់បង់ឱកាសមាសដើម្បីក្លាយជានាយករដ្ឋមន្ត្រីបន្ទាប់របស់ប្រទេសថៃកាលពីថ្ងៃទី១៣ ខែកក្កដា ក្រោយពេលមេបក្សចលនាឆ្ពោះទៅមុខរូបនេះ មិនអាចទទួលបានសំឡេងគាំទ្រគ្រប់គ្រាន់ពីសមាជិកព្រឹទ្ធសភាដែលត្រូវបានតែងតាំងដោយយោធានោះទេ ដោយសារតែគោលបំណងកែប្រែច្បាប់ប្រមាថព្រះមហាក្សត្រ ៕
ប្រែសម្រួលដោយ ៖ ជីវ័ន្ត
ប្រភព ៖ Bangkok Post
ចុចអាន ៖ តើ បក្សភឿថៃ នឹងយកបក្សលោក ប្រាយុទ្ធ ចូលក្នុងក្រុមចម្រុះដើម្បីបង្កើតរដ្ឋាភិបាលថ្មីមែនឬ?
-
ជីវិតកម្សាន្ដ១ សប្តាហ៍ ago
ពិធីករម្នាក់ រងការរិះគន់យ៉ាងចាស់ដៃទង្វើខ្វះសីលធម៌ អង្គុយគងអន្ទាក់ខ្លាពេលសម្ភាសន៍អ្នកនិពន្ធ សុខ ចាន់ផល
-
ជីវិតកម្សាន្ដ២ ថ្ងៃ ago
ពូ ណុយ និង យ៉ែម ស្រីពេជ្រ ត្រៀមចូលរោងការដើមខែក្រោយ
-
ព័ត៌មានជាតិ៦ ថ្ងៃ ago
មន្ត្រីគាំទ្រគម្រោងព្រែកជីកហ្វូណនម្នាក់ ចោទសួរ The Cambodia Daily ហេតុអ្វីផ្សាយព័ត៌មានប្រឆាំងប្រយោជន៍ជាតិ?
-
ព័ត៌មានអន្ដរជាតិ៣ ថ្ងៃ ago
មូលហេតុ ៣ ដែលអធិរាជ ឈានឡុង នៃរាជវង្ស Qing បញ្ជាឲ្យកាត់ក្បាលគ្រូទាយល្បីម្នាក់
-
ព័ត៌មានជាតិ១៦ ម៉ោង ago
Breaking News! ព្រែកជីកហ្វូណនតេជោ នឹងបើកការដ្ឋានសាងសង់ផ្លូវការនៅ ខែសីហា
-
ជីវិតកម្សាន្ដ១ សប្តាហ៍ ago
តារារ៉េប Ricky ScoTt ទម្លាយរឿងនារីម្នាក់ត្រូវ Rappersល្បីឈ្មោះ២រូបបៀតបៀនផ្លូវភេទ
-
ព័ត៌មានអន្ដរជាតិ១ សប្តាហ៍ ago
៥០ ឆ្នាំមកនេះ បុរាណវិទូ ចិន នៅតែឈឺចាប់ ក្រោយកំណាយឃើញទ័ពដីឥដ្ឋអធិរាជ ឈិនស៊ី
-
ព័ត៌មានជាតិ៧ ថ្ងៃ ago
សត្វព្រៃដែលបាត់វត្តមានចាប់ពី ៣០ ឆ្នាំ ទើបប្រកាសថាផុតពូជពីដែនព្រៃធម្មជាតិ