លើកនេះ ទស្សនិកជនមិនចាប់អារម្មណ៍រូបសិចស៊ីរបស់ Matt បែរនាំគ្នាផ្ដោតលើដៃបុរសម្នាក់

តាំងពីចែកផ្លូវជាមួយមិត្តប្រុសអ្នកជំនួញហាយសូរមក តារាសម្ដែង Matt Peeranee រឹតតែស្អាតខ្លាំងឡើងមួយកម្រិតទៀត និងតែងតែបញ្ចេញនូវភាពសិចស៊ីញឹកញាប់នៅក្នុងដំណើរកម្សាន្តទាំងក្នុង និងក្រៅប្រទេសរបស់នាង។

ជីវិតរបស់ Matt បច្ចុប្បន្នហាក់មានភាពស្រស់ស្រាយសប្បាយចិត្ត ដោយនាងឧស្សាហ៍នាំខ្លួនឯងដើរលេង ទោះបីជាគេជម្រុញឱ្យសាងទំនាក់ទំនងស្នេហ៍ថ្មី​ នាងតែងតែបដិសេធ និងប្រកាសជាសារធារណៈថា ខ្លួនមិនទាន់ជាប់ជំពាក់បេះដូងជាមួយបុរសណានៅឡើយ។

ប៉ុន្តែទោះបីជា Matt ប្រកាសខ្លួនបែបនេះ ទស្សនិកជននៅមិនទាន់អស់ចិត្តនោះទេ ជាពិសេសក្រោយរូបភាពថ្មីចុងក្រោយរបស់នាងបានចែករំលែកនៅលើបណ្ដាញសង្គម អ្នកគាំទ្រសង្ស័យថា តារាស្រីវ័យ ៣៤ឆ្នាំ មុខតែមានទំនាក់ទំនងស្នេហ៍ថ្មីជាក់ជាមិនខាន។

ក្រៅពីបញ្ចេញសម្រស់យ៉ាង​ឆើតឆាយ​នៅមាត់​ឆ្នេរជាមួយនឹងឈុតប៊ីគីនីប៉ុន្មានសន្លឹក ទស្សនិកជនសង្កេតឃើញរូបភាពនៅក្នុងផ្ទៃទឹកសមុទ្ររបស់ Matt ហាក់​មានភាពផ្អែមល្ហែមជាមួយនឹងបុរសម្នាក់ ដោយសារមានដៃរបស់បុរសបានអង្អែលថ្ពាល់របស់នាង មើលទៅពិតជារ៉ូមែនទិកខ្លាំង។ រូបមួយសន្លឹកនេះធ្វើឱ្យទស្សនិកជនផ្អាកចំណាប់អារម្មណ៍លើភាពហឹររបស់ Matt បែរជានាំគ្នាអន្ទះសារចង់ដឹងដៃបុរសអាថ៌កំបាំងជានរណា តើអាចជាគូស្នេហ៍របស់ Matt ដែរឬទេ?

ប្រែសម្រួល៖ សន្យា

ចុចអាន៖​ បុរសចង់បានបេះដូង Matt គ្រាន់តែមាន ៣ ចំណុចសាមញ្ញប៉ុណ្ណោះ

ចុចអាន៖ ស្ដាប់ចម្លើយសារភាពជនសង្ស័យលូកស្ទាបដើមទ្រូង ឌីជេ ​សូដា មហាជនសម្ដែងការហួសចិត្ត