បុរសចង់បានបេះដូង Matt គ្រាន់តែមាន ៣ ចំណុចសាមញ្ញប៉ុណ្ណោះ

ថ្វីត្បិតពេលនេះ តារាសម្ដែង Matt Peeranee នៅមិនទាន់បើកបេះដូងទទួលយកស្នេហាថ្មី ក្រោយបែកបាក់ជាមួយពោះម៉ាយហាយសូរ Songkran ប៉ុន្តែជីវិតប្រចាំថ្ងៃរបស់នាងហាក់មានភាពរីករាយជាខ្លាំង ស្របពេលដែលតារាស្រីរូបនេះបានបង្ហើបពីលក្ខណៈបុរសក្នុងក្ដីស្រមៃប្រាប់ទស្សនិកជន។

បន្ទាប់ពីប្រកាសខ្លួននៅទំនេរ ទស្សនិកជនជាច្រើនតែងតែតាមសួរនាំ Matt តើពេលណានាងព្រមសាងទំនាក់ទំនងថ្មី ហើយក៏ចង់ខ្លាំងផងដែរថា តើបុរសប្រភេទណាដែលនាងប៉ងជាគូអនាគត?

ឆ្លើយតបទៅនឹងចម្ងល់ទាំងនេះ ​តារាស្រីវ័យ ៣៤ឆ្នាំ បានចេញមុខផ្ដល់បទសម្ភាសន៍ក្នុង​កម្មវិធី WOODY FM ថា បច្ចុប្បន្នខ្លួននៅមិនទាន់គិតគូចង់បានអ្នកស្អំបេះដូងនៅឡើយ ប៉ុន្តែនាងមានបុរសក្នុងក្ដីស្រមៃរបស់នាងចង់ប្រាប់អ្នកគាំទ្រ។ តាមពិតបុគ្គលិកលក្ខណៈបុរសដែលអាចក្លាយជាគូអនាគតរបស់ Matt គ្រាន់តែមាន ៣ចំណុចយ៉ាងសាមញ្ញ​ប៉ុណ្ណោះគឺ គាត់ជាមនុស្សមានរបៀបរៀបរយពោលគឺចេះរៀបចំខ្លួន ឆ្លាត និងជាមនុស្សចាស់ទុំអាចដឹកនាំនាងបាន។

ដោយឡែកចំពោះចម្ងល់ដែលថា ពេលណានាងនឹងទទួលយកអ្នកថ្មី Matt នៅតែប្រកែកថាមិនទាន់គិត ព្រោះខ្លាចខកចិត្តដូចពេលមុន៕

ប្រែសម្រួល៖ សន្យា

ចុចអាន៖ Matt បង្អួតជីវិតរីករាយ ក្រោយបែកផ្លូវជាមួយពោះម៉ាយ ​Songkran

ចុចអាន៖ ឌីជេ សូដា ឆ្លើយតបនឹងមតិផ្លែផ្កាថា នាងស្លៀកពាក់សិចស៊ីពេក ទើបគេហ៊ានស្ទាបដើមទ្រូង