ទីម័រខាងកើតថ្កោលទោសយោធាមីយ៉ាន់ម៉ាចំពោះការបណ្តេញមន្ត្រីការទូតជាន់ខ្ពស់របស់ខ្លួនចេញពីប្រទេស

បន្ទាប់ពីយោធាមីយ៉ាន់ម៉ាបានបណ្តេញមន្ត្រីការទូតជាន់ខ្ពស់ (ភារធារី) របស់ទីម័រខាងកើតឱ្យចាកចេញពីប្រទេសមីយ៉ាន់ម៉ា រដ្ឋាភិបាលប្រទេសទីម័រខាងកើតបានធ្វើការរិះគន់មេដឹកនាំមីយ៉ាន់ម៉ាដោយនិយាយនៅក្នុងសេចក្តីថ្លែងការណ៍មួយដោយបានថ្កោលទោសចំពោះទង្វើទាំងនេះ។

អ្នកនយោបាយប្រទេសទីម័រខាងកើត តែងធ្វើការរិះគន់ដោយចំហចំពោះយោធាមីយ៉ាន់ម៉ា។ រដ្ឋមន្ត្រីសិទ្ធិមនុស្សរបស់រដ្ឋាភិបាលស្រមោលមីយ៉ាន់ម៉ាបាននិយាយនៅលើបណ្តាញសង្គម Facebook ថា ភារធារីទូតទីម័រខាងកើតត្រូវចាកចេញពីមីយ៉ាន់ម៉ានៅត្រឹមថ្ងៃទី១ ខែកញ្ញា ឆ្នាំ២០២៣។

ក្នុងការតវ៉ាប្រឆាំងនឹងរដ្ឋប្រហារឆ្នាំ២០២១ ប្រទេសជាច្រើនបានឱ្យភារធារីទូតធ្វើការជំនួសជាឯកអគ្គរដ្ឋទូតប្រចាំនៅមីយ៉ាន់ម៉ា។ ប៉ុន្តែទោះយ៉ាងណាក៏ដោយ គេកម្រនឹងឃើញយោធាបណ្តេញ ឬបដិសេធអ្នកការទូតទាំងនោះណាស់៕

ប្រែសម្រួល៖ គង់ សំអាន

ប្រភព៖ Mgronline

ចុចអាន៖ យោធា មីយ៉ាន់ម៉ា បណ្ដេញអ្នកការទូត ទីម័រខាងកើត ចេញពីប្រទេស

ចុចអាន៖ កូរ៉េខាងជើង ព្រមានជាថ្មីថា ការបញ្ជូន F-16 ទៅឲ្យអ៊ុយក្រែន នឹងនាំពិភពលោក ខិតកាន់តែជិតសង្គ្រាមនុយក្លេអ៊ែរ