ក្នុងពេលមួយយប់ រុស្ស៊ី បាញ់ទម្លាញ់យន្តហោះគ្មានមនុស្សបើករបស់ អ៊ុយក្រែនអស់ ៣១គ្រឿង

ក្រសួងការពារជាតិបាននិយាយនៅថ្ងៃពុធ ទី៤ ខែតុលា ថា ក្នុងមួយយប់រុស្ស៊ីបានបាញ់ទម្លាក់យន្តហោះគ្មានមនុស្សបើកដែលបាញ់បង្ហោះដោយអ៊ុយក្រែនចំនួន ៣១គ្រឿង នៅលើតំបន់ Belgorod, Bryansk និង Kursk ជាប់ព្រំដែនអ៊ុយក្រែន។ យ៉ាងណាមិញក្នុងហេតុការណ៍នេះពុំមានជនរងគ្រោះនោះទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយឡែក កងកម្លាំងអ៊ុយក្រែនបានបាញ់គ្រាប់បែកចង្កោម នៅតាមភូមិជាច្រើន ក្នុងតំបន់ភាគខាងត្បូងនៃទីក្រុង Bryansk នៃប្រទេសរុស្ស៊ី។ នេះបើតាមអភិបាលខេត្តលោក Alexander Bogomaz បាននិយាយនៅលើបណ្ដាញ Telegram ។ លោក​បាន​បន្ថែម​ថា មិន​មាន​អ្នក​រង​របួស​ក្នុង​ការ​វាយ​ប្រហារ​នោះ​ទេ បើ​ទោះ​ជា​ផ្ទះ​ជា​ច្រើន​ត្រូវ​បាន​រង​ការ​ខូច​ខាត។

ចំពោះរបាយការណ៍នេះ អ្នកកាសែតមិនអាចសុំការអត្ថាធិប្បាយពីរដ្ឋាភិបាលក្នុងទីក្រុងកៀវនៅឡើយទេ។ ចំណែកគ្រាប់បែកចង្កោមដែលអ៊ុយក្រែនកំពុងប្រើ គឺបានមកពីអាមេរិក ហើយប្រទេសនេះបានសន្យាថានឹងប្រើវាដើម្បីកម្ចាត់ការប្រមូលផ្តុំទាហានសត្រូវ។

ងាកទៅមន្ត្រីរុស្ស៊ីនៅទីក្រុង Bryansk និងតំបន់ផ្សេងទៀតដែលជាប់ព្រំដែនអ៊ុយក្រែនបានចោទប្រកាន់កងកម្លាំងប្រដាប់អាវុធរបស់អ៊ុយក្រែនម្តងហើយម្តងទៀតអំពីការបាញ់ផ្លោងមិនរើសមុខ ទើបបានជាខ្លួនចាំបាច់ត្រូវតបត៕

ប្រែសម្រួល៖ សន្យា

ប្រភព៖ Reuters

ចុចអាន៖ ណាតូ ព្រមានថា មហាអំណាចយោធាលោកខាងលិច ជិតអស់គ្រាប់ឲ្យអ៊ុយក្រែនហើយ ព្រោះប្រទេសខ្លះ​ ជួយឡើងអស់ពីខ្លួន

ចុចអាន៖ អាល្លឺម៉ង់ ត្រៀមបញ្ជូនទ័ព ៤០០០នាក់ ទៅក្បែរ រុស្ស៊ី