អ្នកកាសែតប៉ាឡេស្ទីន​ ១២នាក់ ត្រូវបានសម្លាប់ដោយសារការវាយប្រហាររបស់អ៊ីស្រាអែល

យោងតាមការចុះផ្សាយរបស់សារព័ត៌មាន Al Jazeera រាយការណ៍ថា អ្នកកាសែតប៉ាឡេស្ទីន ១២នាក់ ត្រូវបានសម្លាប់ដោយការវាយប្រហាររបស់អ៊ីស្រាអែល ចាប់តាំងពីផ្ទុះសង្រ្គាម កាលពីថ្ងៃទី៧ ខែតុលា ឆ្នាំ២០២៣។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមសាក្សីនៅកន្លែងកើតហេតុបានឱ្យដឹងថា យ៉ាងហោចណាស់អ្នកកាសែត ម្នាក់បានស្លាប់ និង ៦នាក់បានរងរបួស រួមទាំងអ្នកសារព័ត៌មាន Al Jazeera ពីរនាក់ និងអ្នកកាសែត Reuters ផងដែរ នៅក្នុងការបាញ់ផ្លោងដោយកងកម្លាំងអ៊ីស្រាអែលនៅភាគខាងត្បូងតំបន់ហ្គាហ្សា ហើយអ្នកស្លាប់ចុងក្រោយនេះបានធ្វើឱ្យចំនួនអ្នកកាសែតស្លាប់កើនឡើងរហូតដល់ ១២នាក់ រាប់តាំងចាប់ផ្ដើមផ្ទុះជម្លោះមក។

បណ្តាញសារព័ត៌មាន Al Jazeera បាននិយាយនៅក្នុងសេចក្តីថ្លែងការណ៍មួយថា កងកម្លាំងអ៊ីស្រាអែលបានព្យាយាមបំបិទប្រព័ន្ធផ្សព្វផ្សាយដោយកំណត់គោលដៅលើអ្នកកាសែត ដោយលើកនេះគ្រាប់ផ្លោងរបស់ពួកគេបានបាញ់ទៅលើក្រុម Al Jazeera និងអ្នកសារព័ត៌មានផ្សេងទៀត។

ក្រុមអ្នកសារព័ត៌មានជាច្រើនបានថ្កោលទោសការកំណត់គោលដៅរបស់អ៊ីស្រាអែល ហើយបានពណ៌នាការសម្លាប់របស់អ្នកកាសែតថាជា “ឧក្រិដ្ឋកម្មដោយចេតនា” ៕

ប្រែសម្រួល៖ សន្យា

ប្រភព៖ RT

ចុចអាន៖ អ៊ីស្រាអែល វាយឆ្មក់អាកាស សម្លាប់មនុស្សជាង ៧០នាក់ នៅ ហ្គាហ្សាភាគខាងត្បូង