កីឡា

សឿត បារាំង និយាយពីការប៉ះ Macarthur ថ្ងៃស្អែកខុសប្លែកពីការប៉ះ Shan និង Cebu

បានផុស

២ years មុន

នៅ

ថ្ងៃពុធ ២៥ តុលា ២០២៣

ដោយ

ក្លិបភ្នំពេញក្រោននឹងបើកទ្វារពហុកីឡដ្ឋានជាតិអូឡាំពិកទទួលក្រុមភ្ញៀវ Macarthur FC មកពីប្រទេសអូស្រ្តាលី ក្នុងវគ្គសន្សំពិន្ទុក្នុងពូល F ពានរង្វាន់ AFC Cup ដែលការប៉ះគ្នាក្រុមដែលចាញ់។

កីឡាករ សឿត បារាំង បានប្រាប់«កម្ពុជាថ្មី»ថា ៖«ការជួប Macarthur ខុសប្លែកពីការជួបក្រុម Cebu និងក្រុម Shan United។ ខ្ញុំគិតថា Macarthur ជាក្រុមខ្លាំងនៅក្នុងពូល។ កីឡាកររបស់ពួកគេមានទាំងសមត្ថភាពបូករួមជាមួយកាយសម្បទាល្អទៀត។ ជាពិសេសគេមានខ្សែប្រយុទ្ធឆ្នើមដែលមានបទពិសោធលេងនៅលីគកំពូលនៅប្រទេសបារាំងទៀត»។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រកួត២លើកក្នុងពូលរបស់ Macarthur ទទួលបានជ័យជម្នះទាំង២ប្រកួត និងស៊ុតចូលទីដៃគូបាន១១គ្រាប់ តែរបូតគ្រាប់បាល់២គ្រាប់ប៉ុណ្ណោះ។ ក្រុមអូស្ត្រាលីមួយនេះមានកីឡាករបរទេស៣រូបទេគឺខ្សែបម្រើម៉ិកស៊ិកកីឡាករ Ulises Dávila, អ្នកចាំទីប៉ូឡូញកីឡាករ Filip Kurto និងខ្សែប្រយុទ្ធបារាំងកីឡាករ Valère Germain ដែលជាខ្សែប្រយុទ្ធឆ្នើមធ្លាប់លេងនៅលីគកំពូលរបស់ប្រទេសបារាំងរយៈពេល១៣ឆ្នាំ។

កីឡាករ សឿត បារាំង បានបន្ថែមថា ៖«ប៉ះ Macarthur ជាការប្រកួតមួយដ៏សំខាន់ដែលពួកយើងត្រូវខិតខំស្វែងរកជ័យជម្នះ។ ជារឿងល្អមួយសម្រាប់ខ្ញុំក៏ដូចជាក្រុមទាំងមូលនៅពេលយើងជួបក្រុមដែលដែលមានកីឡាករកម្រិតខ្ពស់ធ្លាប់លេងនៅលីគកំពូលបារាំង ព្រោះយើងរៀនសូត្រអ្វីថ្មីពីក្រុមគេបាន»៕

អត្ថបទ៖ ផា រតនា