ជីវិតកម្សាន្ដ

ម្ចាស់ពាន Mister Glam ពេជ្រ ទិព្វវិបុល ប្តេជ្ញានាំយកវប្បធម៌ អរិយធម៌កម្ពុជាទៅកាន់ឆាកអន្តរជាតិ

បានផុស

២ years មុន

នៅ

ថ្ងៃអង្គារ ៣១ តុលា ២០២៣

ដោយ

ក្រោយទទួលបានជ័យជំនះបុរសឯកនៃកម្មវិធីប្រកួត Mister Glam Cambodia 2023 លោក ពេជ្រ ទិព្វវិបុល បានប្រកាសជំហររបស់ខ្លួន ហើយសន្យាថានឹងខិតខំប្រឹងប្រែងឲ្យអស់ពីសមត្ថភាព ដើម្បីនាំប្រទេសកម្ពុជាដ៏ល្អមួយនេះទៅកាន់ឆាកអន្តរជាតិនៃ Mister Glam International 2023។

ជាមួយគ្នានៃការប្រកាសប្ដេជ្ញាដោយភាពជឿជាក់នេះដែរ លោក ពេជ្រ ទិព្វវិបុល បានអរគុណចំពោះការគាំទ្រពីសំណាក់មហាជនខ្មែរពិសេសអ្នកនិយមតាមដានកម្មវិធីប្រកួតមួយនេះផងដែរ។

លោកនិយាយថា «ជាដំបូងខ្ញុំបាទសូមអរគុណដល់អ្នកមានគុណរបស់ខ្ញុំទាំងពីរ ដែលបានចិញ្ចឹមបីបាច់ថែរក្សាកូន បង្រៀនកូន ឲ្យក្លាយជាមនុស្សរឹងមាំមានការតស៊ូតាំងពីតូចមក»។

ពេជ្រ ទិព្វវិបុល បានបន្តថា «សូមអរគុណចំពោះក្តីស្រលាញ់របស់បងប្អូនក្រុមការងារ Mister Glam ដែលតែងតែផ្តល់កម្លាំងចិត្ត ផ្តល់ចំណេះដឹង ចែករំលែកបទពិសោធន៍ ពេលវេលាល្អៗដោយមិនខ្លាចនឿយហត់។ មួយវិញទៀត អរគុណដល់មិត្តរួមការងារ មិត្តភក្តិបងប្អូនអ្នកគាំទ្រនាពេលកន្លងមក មានអ្នកទាំងអស់គ្នា ទើបខ្ញុំមានថ្ងៃនេះ»។

ម្ចាស់ពាន Mister Glam ពេជ្រ ទិព្វវិបុល បញ្ជាក់ថា “ខ្ញុំបាទសូមសន្យាថានឹងខិតខំប្រឹងប្រែងឲ្យអស់ពីសមត្ថភាពដើម្បីនាំប្រទេសកម្ពុជាដ៏ល្អមួយនេះទៅកាន់ឆាកអន្តរជាតិនៃ Mister Glam International 2023 សង្ឃឹមថាពុកម៉ែបងប្អូននៅតែបន្តការគាំទ្រមកដល់រូបខ្ញុំបាទផង ខ្ញុំពិតជាត្រូវការអ្នកទាំងអស់គ្នាដើម្បីរួមដំណើរមួយនេះជាមួយនឹងខ្ញុំណាស់»។

សូមបញ្ជាក់ថា លោក ពេជ្រ ទិព្វវិបុល បន្ទាប់ពីក្លាយជាម្ចាស់ពានក្នុងការប្រកួតយ៉ាងស្វិតស្វាញនៃកម្មវិធី Mister Glam Cambodia 2023 គឺលោកមានតួនាទីតំណាងឲ្យកម្ពុជា ដើម្បីចេញទៅប្រកួតលើឆាកអន្តរជាតិក្នុងប្រទេសហ្វីលីពីននាពេលឆាប់ៗខាងមុខនេះ៕

អត្ថបទ៖ ចាន់រ៉ា