ព្រឹត្តិការណ៍​ដ៏​អស្ចារ្យ! ​ដើម្បី​អបអរ​សាទរ​ខួប​អនុស្សាវរីយ៍​លើក​ទី​៧០​ នៃ​ការ​បង្កើត​ទំនាក់​ទំនង​ការទូត​រវាង​កម្ពុជា-ជប៉ុន

ព្រឹត្តិការណ៍​ផ្លាស់​ប្តូរ​វប្បធម៌ប្រពៃណី ដើម្បីអបអរសាទរខួបអនុស្សាវរីយ៍លើកទី៧០ នៃ​ការ​បង្កើត​ទំនាក់​ទំនង​ការ​ទូត​រវាង​កម្ពុជា-ជប៉ុន នាំ​យក​នូវ​ទស្សនីយភាព​ដ៏​អស្ចារ្យ​ និង​ជា​ព្រឹត្តការណ៍​សិល្បៈ​ដ៏​ធំមួយ​ដោយ​មាន​សិល្បករ-សិល្បការិនី កម្ពុជា និង ជប៉ុន សម្តែងចំនួន ២០០នាក់ ប្រព្រឹត្តនៅថ្ងៃទី ០២ និង០៣ ខែធ្នូ ឆ្នាំ២០២៣ នៅ​ឯ​បរិវេណ​ខាង​ជើង នៃ​ប្រាសាទ​បាយ័ន ខេត្ត​សៀមរាប។

ព្រឹត្តិការណ៍​ផ្លាស់​ប្តូរវប្បធម៌ប្រពៃណីនេះ គឺ​ជា​ការ​សហការរៀបចំរវាង សមាគម​ជន​ជាតិ​ជប៉ុន​នៅ​កម្ពុជា និង​សហភាពសហព័ន្ធយុវជនកម្ពុជាខេត្តស្វាយរៀង និង​ទទួល​ការ​គាំទ្រ​ ដោយ​ ក្រសួង​វប្បធម៌ ​និង​វិចិត្រសិល្បៈ និង​អាជ្ញាធរជាតិអប្សរា និង​សហការផ្សព្វផ្សាយដោយទូរទស្សន៍បាយ័ន។

ជាមួយគ្នានេះដែល ព្រឹត្តិការណ៍ដ៏អស្ចារ្យនេះនឹងនាំយកនូវការសម្ដែង វង់ភ្លេង របាំ ល្ខោន និង​ទស្សនីយភាព​ដ៏​អស្ចារ្យ រវាងសិល្បករ សិល្បការិនី កម្ពុជា និងជប៉ុន មានដូចជា (មានការ​សម្ដែង​រហូត​ដល់ ១៣ផ្ទាំងទស្សនីភាព)៖

– ការសម្តែងវង់ភ្លេងខ្មែរចម្រុះ (កម្ពុជា)

– ការសម្តែង Classic/distant sound of deer (ជប៉ុន)

– ការសម្តែង Reison Kuroda/Smoke (ជប៉ុន)

– ការសម្តែង Dai Fujikura / Ai for sho (ជប៉ុន)

– ការសម្តែង Motoharu Kawashima / Aison-ritsu Doufu (ជប៉ុន)

– ការសម្តែង Classic / Dragonfly (Kse Diev) (ជប៉ុន)

– ការសម្តែង Yu Kuwabara / title, trio (ជប៉ុន)

– ការសម្តែងរបាំព្រះរាជទ្រព្យ (កម្ពុជា)

– ការសម្តែងល្ខោនខោល (កម្ពុជា)

– ការសម្តែងរបាំប្រពៃណីចម្រុះ (កម្ពុជា)

– ការសម្តែង Noh (ជប៉ុន)

– ការសម្តែង Gagaku (ជប៉ុន)

– ការសម្តែងចម្រៀងជុំគ្នារវាងសិល្បករ សិល្បការិនី កម្ពុជា-ជប៉ុន។

ព្រឹត្តិការណ៍នេះ នឹងសម្ដែងជូនដល់ភ្ញៀវកិត្តិយស និង​ទស្សនិកជន​​ទស្សនាដោយសេរី នៅថ្ងៃទី ០២ និង០៣ ខែធ្នូ ឆ្នាំ២០២៣ ចាប់ពីម៉ោង ៥៖០០នាទីល្ងាច រហូតដល់ម៉ោង ៩៖០០នាទីយប់ នៅ​ឯបរិវេណ​ខាងជើង នៃ​ប្រាសាទបាយ័ន ខេត្តសៀមរាប។