Connect with us

ព័ត៌មានអន្ដរជាតិ

តម្លៃមាសពិភពលោកឡើងដល់កម្រិតខ្ពស់បំផុតមិនធ្លាប់មាន​

បានផុស

នៅ

តម្លៃមាសកាលពីថ្ងៃចន្ទបានឡើងដល់កម្រិតខ្ពស់បំផុតមិនធ្លាប់មានដល់ ២,១០០ ដុល្លារក្នុងមួយអោន ខណៈដែលការលើកឡើងរបស់ប្រធានធនាគារកណ្តាលរបស់សហរដ្ឋអាមេរិកលោក Jerome Powell បានបង្កើនទំនុកចិត្តដល់ពាណិជ្ជករថា ធនាគារអាចនឹងកាត់បន្ថ​យអត្រាការប្រាក់នៅឆ្នាំក្រោយ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅដើមវគ្គជួញដូរកាលពីព្រឹកថ្ងៃចន្ទ មាសបានកើនឡើងដល់កម្រិតខ្ពស់បំផុតមិនធ្លាប់់មានគឺមានតម្លៃជាង ២,១១១ ដុល្លារក្នុងមួយអោន ។ ចំណែកក្រុមហ៊ុនមាសអាមេរិក US Gold Futures បានកើនឡើងជិត ១ ភាគរយដល់តម្លៃ ២,១០៧.៥០ ដុល្លារ ។

ចំណែកការកើនឡើងតម្លៃនាពេលនេះ គឺត្រូវបានជំរុញដោយហានិភ័យភូមិសាស្ត្រនយោបាយ ហើយពាណិជ្ជករបានដាក់តម្លៃយ៉ាងចាស់ដៃ ដោយរំពឹងថា ការកាត់បន្ថយអត្រាការប្រាក់នឹងកើតមានឡើង ចាប់ពីខែមីនាឆ្នាំក្រោយទៅ ។

ដោយឡែក តម្លៃដុំមាសបានកើនឡើងជិត ១៦ ភាគរយ ចាប់តាំងពីដើមខែតុលា ពាក់ព័ន្ធទៅនឹងការផ្ទុះជម្លោះរវាងអ៊ីស្រាអែល និងក្រុមហាម៉ាស ប៉ុន្តែចាប់តាំងពីពេលនោះមក វាក៏មានការប្រែប្រួលទៅវិញ ដោយសារតែធនាគារកណ្តាលអាមេរិក នឹងផ្លាស់ប្តូរទៅរកការបន្ធូរបន្ថយរូបិយវត្ថុនៅដើមឆ្នាំក្រោយ ។

គួរបញ្ជាក់ថា កាលពីសប្តាហ៍មុន លោក Powel បានលើកឡើងថា អត្រាការប្រាក់គោលរបស់ធនាគារកណ្តាល គឺមានលំនឹងល្អទៅតាមការរឹតបន្តឹង ហើយការចំណាយកាន់តែទាបលើការកម្ចីប្រាក់ ជាធម្មតាមានសញ្ញាវិជ្ជមានសម្រាប់ដុំប្រាក់ដែលមិនផ្ដល់ការប្រាក់ ៕

ប្រែសម្រួល៖ នាង រតនៈ

ប្រភព៖ CNA

Helistar Cambodia - Helicopter Charter Services
Sokimex Investment Group
Sokha Hotels

ព័ត៌មានពេញនិយម