ព័ត៌មានជាតិ
រដ្ឋមន្រ្តីក្រសួងដែនដី បង្ហាញស្ថានភាពការអភិវឌ្ឍវិស័យសំណង់នៅកម្ពុជា
ថ្លែងនៅក្នុងវេទិការដ្ឋនិងឯកជនស្តីពី «ការអភិវឌ្ឍនគរូបនីយកម្មកម្ពុជា-ជប៉ុន» កាលពីព្រឹកមិញនេះ ដែលមានការចូលរួមពីអនុរដ្ឋមន្រ្តីក្រសួងដីធ្លី ហេដ្ឋារចនាសម្ព័ន្ធ ដឹកជញ្ជូន និងទេសចរណ៍នៃប្រទេសជប៉ុន លោក សាយ សំអាល់ រដ្ឋមន្រ្តីក្រសួងដែនដី នគរូបនីយកម្មនិងសំណង់បានបង្ហាញពីស្ថានភាពការអភិវឌ្ឍវិស័យសំណង់នៅកម្ពុជារយៈពេល ១០ ខែ ឆ្នាំ២០២៣។
លោករដ្ឋមន្រ្តីបានលើកឡើងថា វិស័យអចលនទ្រព្យនិងសំណង់បានក្លាយជាសសរស្តម្ភស្នូលដែលជំរុញកំណើនសេដ្ឋកិច្ចកម្ពុជា។ ជាក់ស្តែងទុនវិនិយោគក្នុងវិស័យសំណង់ក្នុងរយៈពេលជាង ២២ ឆ្នាំ (ឆ្នាំ២០០០ ដល់ខែកក្កដា ឆ្នាំ២០២៣) មានជាង ៧៤ ២៨៤ លានដុល្លារ។
យ៉ាងណាមិញ បើតាមលោករដ្ឋមន្រ្តីវិស័យសំណង់នៅកម្ពុជាបានរងផលប៉ះពាល់ពីវិបត្តិសកល ដោយរយៈពេល ១០ ខែឆ្នាំ២០២៣ ការវិនិយោគវិស័យសាងសង់មានប្រមាណ ១៤៩ លានដុល្លារ បើធៀបរយៈពេលដូចគ្នានៅឆ្នាំ ២០២២ មានប្រមាណជាង ២៣១ លានដុល្លារថយចុះ ៣៥,១៦%។
ដោយឡែកជុំវិញការរៀបចំវេទិការដ្ឋនិងឯកជនក្រោមប្រធានបទ «ការអភិវឌ្ឍនគរូបនីយកម្មកម្ពុជា-ជប៉ុន» ដែលធ្វើឡើងនៅព្រឹកមិញនេះនៅក្រសួងដែនដី នគរូបនីយកម្មនិងសំណង់ លោករដ្ឋមន្រ្តីបានគូសបញ្ជាក់ថា រាជរដ្ឋាភិបាលបានផ្តល់អាទិភាពទៅលើការពង្រឹងការគ្រប់គ្រងនិងការធ្វើទំនើបកម្មនគរូបនីយកម្ម ដោយផ្តោតការយកចិត្តទុកដាក់ខ្ពស់លើការពង្រីកទីក្រុង និងការអភិវឌ្ឍទីក្រុងថ្មីបន្ថែមនៅតាមបណ្តារាជធានី-ខេត្ត ការបង្កើតសួនសាធារណៈ និងឧទ្យាន្តបៃតង ដើម្បីធានាសុវត្ថិភាព សោភណភាព បរិស្ថានរស់នៅល្អ និងសុខុមាលភាពសម្រាប់ការរស់នៅ និងប្រសិទ្ធភាពក្នុងការអភិវឌ្ឍសេដ្ឋកិច្ច-សង្គម តាមគោលការណ៍ទីក្រុងឆ្លាតដោយជំរុញការអភិវឌ្ឍ និងពង្រឹងការអនុវត្តគោលនយោបាយ ច្បាប់ និងលិខិតបទដ្ឋានគតិយុត្ត បទដ្ឋានបច្ចេកទេស ការកសាងផែនការរៀបចំដែនដី ប្លង់គោល ផែនការប្រើប្រាស់ដី ផ្សារភ្ជាប់យុទ្ធសាស្រ្តសេដ្ឋកិច្ចនិងហិរញ្ញវត្ថុទីក្រុងជាមួយការអនុវត្តនិងអភិវឌ្ឍនគរូបនីយកម្ម។
តាមរយៈការរៀបចំវេទិការដ្ឋ-ឯកជនលើកទី៤ស្តីពី “ការអភិវឌ្ឍនគរូបនីយកម្មកម្ពុជា-ជប៉ុន” លោករដ្ឋមន្រ្តីរំពឹងថា នឹងជំរុញបង្កើតឱកាសធុរៈកិច្ចនិងវិនិយោគពីប្រទេសជប៉ុនមកប្រទេសកម្ពុជាជាពិសេសលើវិស័យសំណង់។
លោករដ្ឋមន្រ្តីលើកទឹកចិត្តដល់ធុរជននិងក្រុមហ៊ុនជប៉ុន ចាប់ឱកាសចូលមកវិនិយោគឬចាប់ដៃគូវិនិយោគជាមួយក្រុមហ៊ុនកម្ពុជា ដើម្បីទទួលបាននូវផលប្រយោជន៍នានាពីរដ្ឋាភិបាលកម្ពុជា ក៏ដូចជាបានចូលរួមចំណែកអភិវឌ្ឍប្រទេសកម្ពុជា៕
-
សេចក្ដីជូនដំណឹង៤ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៣ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៥ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៦ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សេដ្ឋកិច្ច១ សប្តាហ៍ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
ព័ត៌មានអន្ដរជាតិ១ សប្តាហ៍ agoលោក ត្រាំ ទ្រាំលែងបាន ជះសម្តីធ្ងន់ៗ ដាក់លោក ណេតាន់យ៉ាហ៊ូ ដែលបំផ្លាញផ្លូវទៅរកសន្តិភាព
-
សន្តិសុខសង្គម៤ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ១ សប្តាហ៍ agoពូទីន ចំណាយជាង ២៦ពាន់លានដុល្លារ ស្វែងរកវិធីពន្យារជីវិត