អាមេរិក លក់គ្រាប់កាំភ្លើងធំក្នុងទំហំទឹកប្រាក់ ១៤៧.៥ លានដុល្លារឲ្យ អ៊ុយក្រែន ចំពេលមានសង្គ្រាមនៅហ្គាហ្សា

ប្រធានាធាធិបតីសហរដ្ឋអាមេរិកលោក ចូ បៃដិន កាលពីពេលថ្មីៗនេះបានអនុម័តការលក់គ្រាប់កាំភ្លើងធំប្រភេទ ១៥៥ មិល្លីម៉ែត្រ និងគ្រឿងសឹកផ្សេងទៀតក្នុងទំហំទឹកប្រាក់ប្រមាណ ១៤៧.៥ លានដុល្លារ ចំពេលមានសង្គ្រាមកំពុងឆេះរោលរាលនៅក្នុងតំបន់ហ្គាហ្សា ។

ទន្ទឹមនោះ នេះគឺជាលើកទី ២ ហើយដែលរដ្ឋបាលរបស់លោក Biden អនុម័តកញ្ចប់ជំនួយយោធាបន្ទាន់ទៅឲ្យអ៊ីស្រាអែល ដោយមិនឆ្លងកាត់ការត្រួតពិនិត្យពីសំណាក់សភា ខណៈគ្រាប់កាំភ្លើងធំទាំងនោះនឹងត្រូវយកចេញពីឃ្លាំងស្តុកអាវុធរបស់អាមេរិកផ្ទាល់តែម្ដង ។

ទន្ទឹមនោះ ការសម្រេចលក់គ្រាប់កាំភ្លើងធំនៅពេលនេះ គឺដោយសារតែអាមេរិកមានការប្តេជ្ញាចិត្តចំពោះសន្តិសុខរបស់អ៊ីស្រាអែល ហើយនេះក៏ជាសារៈសំខាន់ចំពោះផលប្រយោជន៍ជាតិរបស់សហរដ្ឋអាមេរិកផងដែរ ដើម្បីជួយអ៊ីស្រាអែលក្នុងការអភិវឌ្ឍ និងរក្សានូវសមត្ថភាពការពារខ្លួនក្នុងកម្រិតដ៏ខ្លាំងក្លាមួយ ។

គួរបញ្ជាក់ថា ការផ្ទុះសង្គ្រាមជាថ្មីរវាងអ៊ីស្រាអែល និងក្រុមហាម៉ាសបានចាយពេលជិត ៣ ខែមកហើយ បន្ទាប់ពីក្រុមប្រដាប់អាវុធប៉ាឡេស្ទីនមួយនេះបានបាញ់រះគ្រាប់រ៉ុកកែតស្រោចដូចទឹកភ្លៀង និងការវាយឆ្មក់ឆ្លងព្រំដែនចូលមកទឹកដីអ៊ីស្រាអែលកាលពីថ្ងៃទី៧ ខែតុលា ដោយបានសម្លាប់មនុស្សជិត ១,២០០ នាក់ ដែលភាគច្រើនជាជនស៊ីវិល ។

ចាប់តាំងពីព្រឹត្តិការណ៍ ៧ តុលានោះមក សង្គ្រាមក៏កាន់តែក្ដៅដូចបាយពុះ ក្រោយពេលដែលអ៊ីស្រាអែលបើកការវាយប្រហារមិនប្រណីដៃតាមផ្លូវអាកាស និងដីគោកទៅលើតំបន់ហ្គាហ្សា ដោយក្នុងនោះបានសម្លាប់ប្រជាជានប៉ាឡេស្ទីនជាង ២១,៥០០ នាក់ និងជិត ៥៦,០០០ នាក់រងរបួស ខណៈពលរដ្ឋប្រមាណ ២.៣ លាននាក់កំពុងខ្វះជំនួយមនុស្សធម៌ ៕

ប្រែសម្រួលដោយ ៖ ជីវ័ន្ត

ប្រភព ៖ Anadolu

ចុចអាន ៖ តើប្រទេសណាឆ្លងឆ្នាំសកលមុនគេ ហើយដែនដីណាលាឆ្នាំចាស់ក្រោយគេ?