ព័ត៌មានអន្ដរជាតិ

ពន្ធថ្មីរដ្ឋកាលីហ្វ័រញ៉ា ផ្តល់ធានារ៉ាប់រងសុខភាព រាប់ទាំងសេវាប្តូរភេទដល់យុវជន មិនថាអ្នកអន្តោប្រវេសន៍

បានផុស

២ years មុន

នៅ

ថ្ងៃចន្ទ ៨ មករា ២០២៤

ដោយ

គោលនយោបាយពន្ធថ្មីនៃរដ្ឋកាលីហ្វ័រញ៉ា សហរដ្ឋអាមេរិក នឹងផ្តល់ការធានារ៉ាប់រងសុខភាពជាច្រើនប្រភេទរាប់បញ្ចូលទាំងការវះកាត់ប្តូរភេទទៅដល់យុវជនក្នុងរដ្ឋផង និងទាំងយុវជនចំណូលថ្មីដែលធ្វើអន្តោប្រវេសន៍មកកាន់រដ្ឋនេះផងដែរ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមប្រភពព័ត៌មានពីមូលនិធិចំណាយពន្ធដារលើប្រព័ន្ធសុខាភិបាល នៃរដ្ឋកាលីហ្វ័រញ៉ា បានប្រកាសរ៉ាប់រងក្តោបទៅលើចំណាយរាប់ទាំងការវះកាត់ផ្លាស់ប្តូរភេទ ដោយមិនគិតបែងចែកថាប្រជាពលរដ្ឋក្នុងស្រុក ឬអ្នកអន្តោប្រវេសន៍ពីខាងក្រៅនោះឡើយ ។

ការប្រកាសនេះ គឺក្រោយពីទទួលបានការអនុញ្ញាត និងការចុះហត្ថលេខាអនុម័តយល់ស្របពីអភិបាលរដ្ឋកាលីហ្វ័រញ៉ាគឺលោក Gavimn Newsom ខណៈតម្លៃនៃការចំណាយក្នុងកម្មវិធីនេះ គឺប្រមាណជា ៣ ពាន់លានដុល្លារសហរដ្ឋអាមេរិក ។

ចំពោះរដ្ឋប៉ែកខាងលិចសហរដ្ឋអាមេរិកមួយនេះ គឺជារដ្ឋអាមេរិកដំបូងគេបង្អស់ដែលបានផ្តល់នូវការធានារ៉ាប់រងសុខភាពជូនដល់រាល់ប្រជាពលរដ្ឋ ពិសេសយុវជនទាំងអស់ដោយមិនគិតពីអ្នកចំណូលស្រុកថ្មីៗដោយគ្មានការអនុញ្ញាតតាមផ្លូវច្បាប់ក៏ដោយ ចាប់តាំងពីថ្ងៃទី១ ខែមករា ដើមឆ្នាំ២០២៤ នេះមក ហើយសេវានេះក៏នឹងមានអត្ថប្រយោជន៍ដល់ជនអន្តោប្រវេសន៍ប្រមាណ ៧ សែននាក់ សម្រាប់សុខាមាលភាពរបស់ពួកគេ ។

បើតាមខ្លឹមសារនៃគោលនយោបាយពន្ធថ្មីដែលរ៉ាប់រងលើសេវាសុខមាលភាពរាប់ទាំងសេវាការវះកាត់ផ្លាស់ប្តួរភេទ របស់ប្រជាពលរដ្ឋនៃរដ្ឋកាលីហ្វ័រញ៉ាបានឲ្យដឹងថា “ការយកចិត្តទុកដាក់លើសមភាពនៃការប្តូរភេទ ត្រូវបានរ៉ាប់រងដោយមូលនិធិ Medi-Cal ក្នុងករណីដែលចាំបាច់ត្រូវការសេវាវេជ្ជសាស្រ្ត ហើយការស្នើសុំផ្លាស់ប្តូរភេទ នឹងត្រូវយកចិត្តទុកដាក់ដោយអ្នកជំនាញ ក្នុងការផ្តល់សមភាពនៃការប្តូរភេទនេះ ក៏ដូចជាភាពចម្រុះនៃភេទក្នុងសង្គម ដែលត្រូវអនុវត្តតាមស្មារតីទទួលស្គាល់របស់រដ្ឋ” ៕

ប្រែសម្រួល៖ មាន រតនា

ប្រភព៖ Fox News , RT