Update៖មា្ចស់ផ្ទះចាក់សោចេញទៅលក់ដូរ ទូស្សេខ្សែភ្លើងឆេះខ្ទេច

ឆ្លងចរន្តអគ្គិសនីកើតចេញជាអគ្គីភ័យលេបត្របាក់ផ្ទះមួយខ្នងសាងសង់ពីថ្មខ្ទេចខ្ទីគ្មានសល់។ហេតុការណ៍នេះបានកើតឡើងកាលពីវេលាម៉ោង១៨និង៤៨នាទីយប់ថ្ងៃទី៨ ខែមករាត្រង់ចំណុចភូមិដើមស្លែង១ សង្កាត់ច្បារអំពៅទី២ ខណ្ឌច្បារអំពៅ រាជធានីភ្នំពេញដែលមានម្ចាស់ផ្ទះ ហុល ណាវី ភេទប្រុសអាយុ៤៦ឆ្នាំ មុខរបរលក់ដូរ។

បើតាមលោក យុិន វុធ ចៅសង្កាត់ច្បារអំពៅទី២ ដែលបានដឹកនាំកម្លាំងចុះទៅអន្តរាគមន៍ដល់ទីតាំងឆេះមុនដំបូងបានឲ្យកម្ពុជាថ្មីដឹងថា មុនពេលកើតហេតុ គឺម្ចាស់ផ្ទះបានចាក់សោផ្ទះហើយចេញទៅលក់ដូរបាត់។ ខណៈនៅពេលមានអគ្គីភ័យឆាបឆេះឡើងគឺម្ចាស់ផ្ទះពុំនៅនោះទេ។

លោក យុិន វុធ បានបញ្ជាក់ថាក្រោយអគ្គីភ័យកើតឡើងភ្លាមៗ  រថយន្តពន្លត់អគ្គីភ័យរបស់សាលាខណ្ឌច្បារអំពៅបានចេញមកអន្តរាគមន៍បាញ់ពន្លត់។  អគ្គីភ័យបានរលត់ទៅវិញនៅវេលាម៉ោង១៩និង២០នាទី​ ដោយខូចខាតផ្ទះ១ខ្នងទាំងស្រុង និងពុំមានរាលដាលដល់ផ្ទះអ្នកជិតខាងឡើយ។ ចំពោះទ្រព្យសម្បតិ្តដែលខូចខាតនៅក្នុងផ្ទះកើតគឺមិនទាន់ដឹងនៅឡើយព្រោះម្ចាស់ផ្ទះមិនបាននៅផ្ទះ៕

អត្ថបទ៖នរា