ចារកម្មកូរ៉េខាងត្បូង៖ Hacker កូរ៉េខាងជើងលួចទិន្នន័យវ៉ាក់សាំងពីក្រុមហ៊ុន Pfizer

យោងតាមមន្រ្តីស៊ើបការណ៍សម្ងាត់កូរ៉េខាងត្បូងបានឲ្យដឹងថា ប្រទេសកូរ៉េខាងជើងបានប៉ុនប៉ង Hack បច្ចេកវិទ្យាវ៉ាក់សាំងកូវីដពីក្រុមហ៊ុនឱសថអាមេរិក Pfizer។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បច្ចុប្បន្ននេះ គេនៅមិនទាន់ដឹងច្បាស់ទេថាតើទិន្នន័យអ្វីដែលត្រូវបានលួច។

ទីភ្នាក់ងារព័ត៌មានក្នុងស្រុក Yonhap បានរាយការណ៍ថា ទីភ្នាក់ងារស៊ើបការណ៍ជាតិរបស់កូរ៉េខាងត្បូង បានធ្វើសេចក្តីរាយការណ៍ជាលក្ខណៈឯកជនដល់សមាជិកសភា អំពីការវាយប្រហារនេះ។

ស្របពេលជាមួយគ្នានោះ ទូរទស្សន៍ BBC បានសុំការអត្ថាធិប្បាយពី Pfizer ប៉ុន្តែក្រុមហ៊ុនមិនទាន់ឆ្លើយតបនៅឡើយទេ។

ប្រទេសកូរ៉េខាងជើង មិនទាន់បានរាយការណ៍ពីការឆ្លងជំងឺកូវីដ១៩សូម្បីតែមួយករណី។

ទោះបីជាយ៉ាងណាក៏ដោយ ប្រទេសនេះនឹងទទួលបានវ៉ាក់សាំង AstraZeneca-Oxford ចំនួនពីរលានដូសនៅក្នុងរយៈពេលប៉ុន្មានសប្តាហ៍ខាងមុខនេះ។

ប្រទេសកូរ៉េខាងជើងបានបិទព្រំដែនរបស់ខ្លួនកាលពីខែមករាឆ្នាំមុន ពោលគឺភ្លាមៗបន្ទាប់ពីវីរុសកូរ៉ូណាបានចាប់ផ្តើមផ្ទុះឡើងនៅក្នុងប្រទេសចិន៕

ប្រែសម្រួលដោយ៖ Vann Vann

ប្រភព៖ BBC

ចុចអាន៖ មានប្រទេស និងដែនដីប៉ុន្មានហើយទទួលការចាក់វ៉ាក់សាំងកូវីដ

ចុចអាន៖ WHO ប្រកាសដំណឹងល្អអំពីជំងឺ កូវីដ១៩