ព័ត៌មានអន្ដរជាតិ
ហុងគ្រី ត្រៀមផ្ដល់សច្ចាប័នឲ្យ ស៊ុយអែត ចូលជាសមាជិក ណាតូ
ប្រទេសហុងគ្រីនៅថ្ងៃចន្ទនេះរំពឹងនឹងផ្តល់សច្ចាប័នឲ្យអ៊ុយក្រែនចូលជាសមាជិកអង្គការណាតូ បន្ទាប់ពីដំណើរទស្សនកិច្ចរបស់នាយករដ្ឋមន្ត្រីស៊ុយអែតទៅកាន់ហុងគ្រីកាលពីថ្ងៃសុក្រសប្ដាហ៍មុន ។ នេះបើយោងតាមការចេញផ្សាយរបស់សារពត៌មាន CNA នៅថ្ងៃទី២៦ ខែកុម្ភៈនេះ ។
ការបោះឆ្នោតរបស់សភាហុងគ្រីរំពឹងថានឹងដំណើរការទៅដោយរលូន បន្ទាប់ពីដំណើរទស្សនកិច្ចរបស់នាយករដ្ឋមន្ត្រីស៊ុយអែត Ulf Kristersson កាលពីថ្ងៃសុក្រសប្ដាហ៍មុន អំឡុងពេលដែលប្រទេសទាំងពីរបានចុះហត្ថលេខាលើកិច្ចព្រមព្រៀងអាវុធ ដែលនឹងបញ្ចប់ការពន្យារពេលជាច្រើនខែក្នុងការផ្លាស់ប្តូរគោលនយោបាយសន្តិសុខរបស់ប្រទេសស៊ុយអែត ។
ខណៈពេលដែលហ្វាំងឡង់បានក្លាយជាសមាជិកណាតូកាលពីឆ្នាំមុន ស៊ុយអែតនៅតែរង់ចាំការផ្ដល់សច្ចាប័នពីប្រទេសតួកគី និងហុងគ្រី ដែលប្រទេសទាំងពីររក្សាទំនាក់ទំនងល្អជាមួយរុស្ស៊ីជាងសមាជិកដទៃទៀតនៃសម្ព័ន្ធភាពដឹកនាំដោយសហរដ្ឋអាមេរិកមួយនេះ ។
កន្លងមកតតួកគីបានបដិសេធមិនផ្តល់សច្ចាប័នលើសមាជិកភាពរបស់ប្រទេសស៊ុយអែតនោះឡើយ ដោយទាមទារឲ្យមានសកម្មភាពតឹងរ៉ឹងប្រឆាំងនឹងពួកសកម្មប្រយុទ្ធមកពីគណបក្សពលករឃឺដ (PKK) ប៉ុន្តែបន្ទាប់មកតួកគីក៏បានផ្តល់សច្ចាប័នជាមួយនឹងការយល់ព្រមពីសហរដ្ឋអាមេរិកក្នុងការលក់យន្តហោះចម្បាំង F-16 ទៅកាន់ទីក្រុងតួកគី ។
កាលពីមុនៗមក ការយល់ព្រមរបស់ហុងគ្រីមិនទាន់សូវច្បាស់ប៉ុន្មានទេ ដោយសារទីក្រុង Budapest ភាគច្រើនបញ្ចេញកំហឹងរបស់ខ្លួនជុំវិញការរិះគន់របស់ស៊ុយអែតអំពីទិសដៅនៃការអភិវឌ្ឍន៍លទ្ធិប្រជាធិបតេយ្យក្រោមការដឹកនាំរបស់នាយករដ្ឋមន្ត្រីជាតិនិយម Viktor Orban ប៉ុន្តែបន្ទាប់ពីការយល់ព្រមផ្តល់សច្ចាប័នរបស់តួកគី ហាក់ផ្ដល់សញ្ញាភ្លើងខៀវឲ្យស៊ុយអ៊ែត ។
គួរបញ្ជាក់ថា ស៊ុយអែតបានបង្កើនកិច្ចសហប្រតិបត្តិការជាមួយសម្ព័ន្ធភាពក្នុងប៉ុន្មានទសវត្សរ៍ថ្មីៗនេះ ដោយរួមចំណែកដល់ប្រតិបត្តិការនៅកន្លែងនានាដូចជា អាហ្វហ្គានីស្ថាន ដើម្បីធ្វើឲ្យការរៀបចំផែនការការពារជាតិ និងកិច្ចសហប្រតិបត្តិការណាតូកាន់តែមានប្រសិទ្ធភាព ។
ទន្ទឹមនោះ ប្រទេសស៊ុយអែតក៏នាំយកធនធានដូចជា នាវាមុជទឹកទំនើបៗ និងកងនាវាដ៏ធំនៃយន្តហោះចម្បាំង Gripen ដែលផលិតក្នុងស្រុកចូលទៅក្នុងសម្ព័ន្ធភាពណាតូផងដែរ ស្របពេលប្រទេសនេះក៏កំពុងបង្កើនការចំណាយយោធា ដែលឈានដល់កម្រិត ២ ភាគរយនៃ GDP របស់ណាតូនៅឆ្នាំនេះដូចគ្នា ៕
អត្ថបទ៖ ប៊ុន សុភាព
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៧ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
សន្តិសុខសង្គម១៨ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ជីវិតកម្សាន្ដ៧ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ