ព័ត៌មានអន្ដរជាតិ

ភេទទី៣ ថៃ និងហ្វីលីពីន ប៉ះគ្នាមួយប្រាវផ្អើលពេញកណ្ដាលក្រុងបាងកក

បានផុស

២ years មុន

នៅ

ថ្ងៃអង្គារ ៥ មីនា ២០២៤

ដោយ

ករណីប៉ះទង្គិចគ្នាដោយហិង្សារវាងក្រុមយុវជនភេទទី ៣ ថៃ និងហ្វីលីពីននៅទីក្រុងបាងកកប្រទេសថៃ បណ្តាលឲ្យមានការរិះគន់ ក៏ដូចជាប្រកាន់ជំហរជាតិនិយមនៅលើបណ្តាញសង្គមទាំងប្រទេសថៃ និងហ្វីលីពីន ។ នេះបើតាមការចុះផ្សាយរបស់សារព័ត៌មាន Khaosod ប្រទេសថៃ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រភពព័ត៌មានដដែលបានឲ្យដឹងថា រឿងហេតុប៉ះទង្គិចរវាងភេទទី ៣ ថៃ និងហ្វីលីពីននោះកើតឡើងនៅផ្លូវ Sukhumvit Soi 11 កណ្តាលក្រុងបាងកក ហើយហេតុការណ៍នេះបានបង្កឲ្យមានរបួសស្នាមដល់ភាគីទាំងសងខាងផងដែរ ។

តាមរបាយការណ៍បឋមរបស់ប៉ូលិសបានឲ្យដឹងថា ក្រុមភេទទី ៣ ហ្វីលីពីនមានគ្នាសរុប ២០ នាក់ ហើយត្រូវឡោមព័ទ្ធជុំវិញដោយក្រុមភេទទីថៃសឹងខ្ទង់រយនាក់នៅខាងមុខសណ្ឋាគារមួយកន្លែងនៅផ្លូវខាងលើ ។ នៅវេលាម៉ោងប្រមាណ ៣ និង ៣០ នាទីយប់ ស្ថានការណ៍នៅសណ្ឋាគារកាន់តែតឹងតែង ដោយតម្រូវឲ្យមានអន្តរាគមពីប៉ូលិសអាជ្ញាធរក្នុងតំបន់ ចូលមកដើម្បីការពារជនភេទទី ៣ ជាជនជាតិហ្វីលីពីន ទន្ទឹមនឹងពេលក្រុមភេទទី ៣ ថៃដែលខឹងសម្បារខ្លាំងព្យាយាមសម្រុកវាយលើភាគីភេទទី ៣ ហ្វីលីពីននោះ ដោយភ្ជាប់នឹងសម្រែកដូចជា “ទីនេះគឺថៃ” និង “ចេញទៅ” ។

@khaosodenglish
At 3.30 a.m. Tuesday, Thai police escorted the Filipino transgenders and asked the crowd not to get violent, but the Thai transgenders rushed forward and attacked the Filipino people relentlessly. The Thai side stated previously that at 5 a.m. on Monday, 20 Filipinos attacked four Thais and published video footage to spread ridicule on social media. #filipino #thai #transgender #sukhumvit11
♬ original sound – Khaosod English – Khaosod English

យ៉ាងណាស្ថានភាពមិនមានការថមថយបន្តិចឡើយ នៅពេលប៉ូលិសចូលមកឃាត់ និងការពារជនជាតិហ្វីលីពីនជាបណ្តោះអាសន្នដើម្បីការពារកុំឲ្យមានអំពើហិង្សាកើតឡើងបន្ថែម ។ ដោយគេឃើញកំហឹងរបស់ជនជាតិថៃនៅតែបន្ត ដោយមានទាំងការគប់ដបទឹកសុទ្ធ ក៏ដូចជាសម្រុកបន្តការវាយប្រហារទៅក្រុមជនភេទទី ៣ ហ្វីលីពីនជាដើម ។

ទោះជាយ៉ាងណា មេបញ្ជាការប៉ូលិសក្នុងតំបន់ លោក Witawat Chinkam ដែលដឹកនាំកម្លាំងប៉ូលិសគ្រប់គ្រងស្ថានការណ៍កើតឡើងខាងលើបានឲ្យដឹងថា នាពេលនេះអាជ្ញាធរសមត្ថកិច្ចកំពុងសាកសួរទៅលើភាគីប៉ះទង្គិចគ្នាទាំងសងខាងនោះ ។

ការសន្និដ្ឋានជាបឋមពីក្រោយហេតុការនេះ គឺជាប៉ះទង្គិចគ្នានៃរឿងលក់សេវាផ្លូវភេទនៅតំបន់ខាងលើនោះ ប៉ុន្តែយ៉ាងណាមិញ ខាងប៉ូលិសក៏កំពុងរង់ចាំព័ត៌មានផ្ទៀងផ្ទាត់បន្ថែមពីខាងការិយាល័យអន្តោរប្រវេសន៍ ដើម្បីពិនិត្យមើលប្រវត្តិភាគីខាងក្រុមភេទទី ៣ ហ្វីលីពីន ដើម្បីដោះស្រាយ និងអនុវត្តនីតិវីធីបន្ត ៕