ជីវិតកម្សាន្ដ

ទិនហ្វី យកកីឡាការិនីចាំទីចិនមួយរូប មកសម្ដែងក្នុងរឿង “បាល់ទាត់សៅលីង” វគ្គ២

បានផុស

២ years មុន

នៅ

ថ្ងៃចន្ទ ១១ មីនា ២០២៤

ដោយ

Zhao Lina ដែលត្រូវបានទស្សនិកជនជាច្រើនដាក់នាមឲ្យនាងថា អ្នកចាំទីដ៏ស្រស់ស្អាតបំផុតរបស់ប្រទេសចិន អាចនឹងលេចមុខសម្តែងក្នុងខ្សែភាពយន្ត ដែលដឹកនាំរឿងហុងកុង Stephen Chow ឬទិនហ្វី។ នេះបើយោងតាមការចុះផ្សាយរបស់កាសែត Mp Weekly កាលពីថ្ងៃទី១០ ខែមីនា ឆ្នាំ២០២៤។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីដើមខែមីនា អ្នកចាំទីវ័យ៣៣ឆ្នាំរូបនេះ បានធ្វើដំណើរទៅទីក្រុងហុងកុងដើម្បីជួបជាមួយតារាជើងចាស់ទិនហ្វី ដើម្បីពិភាក្សាអំពីសក្តានុពលនៃការចូលរួមរបស់នាងនៅក្នុងខ្សែភាពយន្តមួយដែលមានចំណងជើងថា “Shaolin Women’s Soccer” ឬ “បាល់ទាត់សៅលីង” ។

ក្នុងពេលជាមួយគ្នានោះដែរ អ្នកគាំទ្រនៅលើ Weibo បានបង្ហាញការទន្ទឹងរង់ចាំសម្រាប់ការសហការគ្នារវាង Chow និង Zhao ខណៈពេលដែលកំពុងស្វែងរកសំណាញ់សម្រាប់ក្រុមជម្រើសជាតិរបស់នាង នៅក្នុងការប្រកួតអន្តរជាតិសំខាន់ៗ។

ទោះបីជាយ៉ាងណាណាក៏ដោយ អាជីពបាល់ទាត់ដ៏អស្ចារ្យរបស់ Zhao Lina មានរយៈពេល១៨ ឆ្នាំ ហើយនៅឆ្នាំ ២០២៣ នាងបានប្រកាសចូលនិវត្តន៍ពីកីឡានេះ។ ចាប់តាំងពីពេលនោះមក នាងបានចូលប្រឡូកក្នុងវិស័យសិល្បៈ ដោយចូលប្រឡូកក្នុងការងារផ្សេងៗ។ នាងបានចូលប្រឡូកក្នុងសិល្បៈជាមួយនឹងការចេញវីដេអូចម្រៀង ចូលរួមក្នុងកម្មវិធីពិត “Ride the Wind” ធ្វើការជាតារាបង្ហាញម៉ូដ ថតស្ពតពាណិជ្ជកម្ម និងបានចូលប្រឡូកក្នុងវិស័យសម្តែង ដោយបានបង្ហាញខ្លួនជាលើកដំបូងនៅក្នុងរឿងភាគទូរទស្សន៍ “Hear What You Say” នៅក្នុងខែមករា។

ទោះបីជាចាកចេញពីកីឡាបាល់ទាត់ក៏ដោយ អតីតកីឡាការិនីរូបនេះ នៅតែរក្សានូវចំណង់ចំណូលចិត្តដែលមិនផ្លាស់ប្តូរសម្រាប់ការប្រកួតរបស់នាងជាបន្តបន្ទាប់។ នាងប្រាថ្នាចង់ចូលរួមចំណែកក្នុងភាពយន្តដែលបង្ហាញពីជីវិតរបស់កីឡាករបាល់ទាត់នារី ហើយថែមទាំងបានបង្ហាញពីបំណងចង់បង្ហាញពីការស្រឡាញ់កីឡាក្នុងចំណោមកុមារីនៅតាមជនបទទៀតផង។

ដោយឡែក សារព័ត៌មាន Ifeng ក៏បានរាយការណ៍ថា Zhao Lina ទទួលបានការសរសើរចំពោះការដើរម៉ូដលើឆាក បើទោះបីជាជាពីមុនគឺជាអតីតអ្នកចាំទីឆ្នើមរបស់ប្រទេសចិនក្ដី ប៉ុន្តែនៅពេលប្រឡូកក្នុងវិស័យភាពយន្តនិងម៉ូដនាងនៅតែមានមនុស្សលើកដម្ដើង និងសរសើរដដែល៕