កម្រឃើញ ទីបំផុត ទិនហ្វី ព្រមបង្ហាញមុខមាត់ពិត នៅអាយុ ៦៣ ឆ្នាំ

ចាប់តាំងពីប្រឡូកអាជីពសម្ដែង ជិត៤០ឆ្នាំ ស្ដេចកំប្លែងដ៏ល្បីល្បាញនិងមានកេរ្តិ៍ឈ្មោះទូទាំងពិភពលោក Stephen Chow ដែលទស្សនិកជននិយមហៅហាតួ ទិនហ្វី កម្រនឹងបង្ហាញមុខមាត់ពិតឲ្យគេឯងបានឃើញលោកថា តើប្រែរូបរាងទៅជាយ៉ាងណាហើយ ក្រោយពុំសូវបង្ហាញខ្លួនជាតារាសម្ដែងដូចមុន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាក់ស្ដែង កាលពីពេលថ្មីៗនេះ លោកស្រាប់តែបង្ហាញមុខមាត់ពិត ឲ្យមហាជនបានច្បាស់កាន់តែច្បាស់ ក្នុងពេលដែលតារាជើងចាស់ហុងកុង បានបង្ហោះរូបថតជាមួយតារាចម្រៀងប៉ុប Jay Chou ។ ទោះបីជាគាត់បានពាក់មួក ហើយគ្រាន់តែបង្ហាញសក់ពណ៌សបន្តិចក៏ដោយ ក៏វាមិនបានបិទបាំងភាពទាក់ទាញក្នុងនាមជាតារាឆ្នើមនោះទេ។

តាមរយៈរូបភាពដែលលោកថតជាមួយតារាចម្រៀង Jay Chou នាំឲ្យមនុស្ស​ម្នាជាច្រើន​បាន​បញ្ចេញ​មតិ​ថា ថ្វីដ្បិតែគាត់​ចាស់មានសក់ស្កូវមែនពិត តែមើលៗយូរៗទៅស្ដេចកំប្លែងដ៏មានទេពកោសល្យរូបនេះកាន់​តែ​សង្ហា​តាម​អាយុ។ វាពិបាកក្នុងការជឿថា គាត់មានអាយុ ៦៣ ឆ្នាំ​ ព្រោះរូបរាងរបស់គាត់នៅតែមិនផ្លាស់ប្តូរ។

យ៉ាងណាក៏ដោយ ដូចដែលទស្សនិកជនជាច្រើនបានដឹងស្រាប់ហើយថា Stephen Chow គឺកម្រនឹងបង្ហាញរូបរាងបច្ចុប្បន្នឲ្យគេឃើញណាស់ បើទោះបីជាស្ថិតនៅក្រោយឆាកសម្ដែងក្ដី។ ជារឿយៗ លោកតែងតែងពាក់មួកបិទបាំងមុខមាត់ពិត ដែលនោះធ្វើឲ្យអ្នកគាំទ្រលោកពិបាកវាស់ស្មានថា តួកំប្លែងដ៏ក្រមិចក្រមើមនេះមានសភាពយ៉ាងណាទៅហើយ ក្នុងពេលដែលតារាប្រុសស្រី ដែលស្រករនឹងលោក ក៏មានអាយុជ្រេនិងរូបរាងចាស់ទៅតាមវ័យអស់ហើយ៕

អត្ថបទ៖ សាង ស្រីល័ក្ខ

ចុចអាន៖តួ លី លាន​ជា ទទួល​ការ​វះ​កាត់​ដុំ​សាច់ក្នុងវ័យ៦២ឆ្នាំ បានដោយជោគជ័យ