ជីវិតកម្សាន្ដ
រកចំណូលបានកាក់កបជាងគេ ទ្រព្យសម្បត្តិសុទ្ធ Kim Soo Hyun សរុបជាង ២២លានដុល្លារ
ទ្រព្យសម្បត្តិរបស់តារាសម្តែង Kim Soo Hyun ត្រូវបានគេប៉ាន់ប្រមាណថា មានតម្លៃប្រហែល ៣០ ពាន់លានវ៉ុន (២២ លានដុល្លារអាមេរិក) នេះបើយោងតាមការចេញផ្សាយរបស់ប្រព័ន្ធផ្សព្វផ្សាយទាំងកូរ៉េនិងបរទេស កាលពីថ្ងៃទី ២៥ ខែមេសា ឆ្នាំ២០២៤។
បច្ចុប្បន្ននេះ តារាសម្តែងប្រុសដ៏មានប្រជាប្រិយភាពរូបនេះមានអចលនទ្រព្យចំនួនបី រួមទាំងផ្ទះរបស់លោកផ្ទាល់នៅ Galleria Forêt ក្នុង Seongsu-dong ។ Kim Soo Hyun ដំបូងឡើយបានទិញលំនៅដ្ឋានទំហំ ២១៧ ម៉ែត្រការ៉េនេះក្នុងខែតុលា ឆ្នាំ ២០១៣ ក្នុងតម្លៃ ៤.០២ ពាន់លានវ៉ុន ( ៣ លានដុល្លារ)។ ចាប់តាំងពីពេលនោះមក តម្លៃរបស់ផ្ទះប្រណីតនោះបានកើនឡើងដល់ ១៣.៥ ពាន់លានវ៉ុន (៩.៨ លានដុល្លារ) ឯណោះ។
ដោយឡែក នៅក្នុងខែឧសភា ឆ្នាំ ២០១៤ តួឯកប្រុសក្នុងរឿង “សង្សារខ្ញុំជាមនុស្សភពផ្កាយ” ក៏បានទិញលំនៅដ្ឋានមួយកន្លែងទៀត ដែលមានទំហំ ១៧០ ម៉ែត្រការ៉េនៅឯ Seoul Forest Trimage ក្នុងតម្លៃ ៣.០២ ពាន់លានវ៉ុន (២.២ លានដុល្លារអាមេរិក)។ បន្ទាប់មកនៅក្នុងខែមករាឆ្នាំ២០២៤ តារាសម្តែងរូបនេះបានទិញផ្ទះឯកជនម្តងទៀត ក្នុងតម្លៃ ៨.៨ ពាន់លានវ៉ុន (៦.៤ លានដុល្លារអាមេរិក)។
យោងតាមតម្លៃទីផ្សារបច្ចុប្បន្ននៃអចលនទ្រព្យទាំងបី អចលនទ្រព្យរបស់ Kim Soo Hyun ត្រូវបានប៉ាន់ប្រមាណថាមានចំនួន ២៨ ពាន់លានវ៉ុន (២០ លានដុល្លារ) និងរហូតដល់ ៣០ពាន់លានវ៉ុន (២២ លានដុល្លារ) ផ្សេងទៀត។
យ៉ាងណាមិញ មិនមែនជារឿងចម្លែកទេ ដែលតារាប្រុសរូបនេះមានចំណូលក្រាស់ក្រែលលើសគេលើសឯង ក្នុងប្រទេសកូរ៉េខាងត្បូង។ នាយកវិទ្យាស្ថានស្រាវជ្រាវកេរ្តិ៍ឈ្មោះសាជីវកម្មកូរ៉េ លោក Koo Chang Hwan ធ្លាប់បានគូសបញ្ជាក់ពីភាពល្បីល្បាញរបស់ Kim Soo Hyun ជាមួយអ្នកទស្សនា ជាពិសេសតាមរយៈតួនាទីរបស់គាត់ក្នុងរឿង “Queen of Tears” ថា អារម្មណ៍វិជ្ជមានដែលទាក់ទងនឹងម៉ាកយីហោ រួមទាំងការរំភើបចិត្ត និងការទាក់ទាញដ៏កក់ក្តៅ ឆ្លុះបញ្ចាំងពីប្រជាប្រិយភាពដ៏យូរអង្វែងរបស់បុរសសង្ហារូបនេះ ឲ្យស្ថិតក្នុងចំណោមទស្សនិកជនរាប់ម៉ឺននាក់៕
អត្ថបទ៖ សាង ស្រីល័ក្ខ
ចុចអាន៖Kim So Hee ប្រកាសចូលនិវត្តន៍ ហើយនឹងរៀបការជាមួយអ្នកជំនួញអាយុលើសពី ១៥ ឆ្នាំ
-
ជីវិតកម្សាន្ដ៣ ថ្ងៃ ago
ពេជ្រ ចរណៃ រក្សាបានរាង និងសម្រស់ស្អាត មិនចាញ់តារាបរទេស
-
ព័ត៌មានជាតិ៥ ថ្ងៃ ago
គេហទំព័រ Weather៖ សប្តាហ៍នេះ កម្ពុជា នឹងក្តៅខ្លាំង ឈានដល់កម្រិតគ្រោះថ្នាក់ ៤០អង្សាសេ
-
សន្តិសុខសង្គម១ សប្តាហ៍ ago
មកដឹងពីចម្លើយសារភាពរបស់ជនដៃដល់ដែលចាក់សម្លាប់នារីរងគ្រោះក្នុងបុរីឈូកវ៉ា២
-
ព័ត៌មានជាតិ៤ ថ្ងៃ ago
កម្ពុជានឹងធ្លាក់ភ្លៀង ៤០% នាដើមរដូវវស្សាឆ្នាំនេះ ខណៈក្រសួងប្រកាសឱ្យប្រុងប្រយ័ត្នបាតុភូត ផ្គរ រន្ទះ និងខ្យល់កន្ត្រាក់
-
ព័ត៌មានជាតិ៤ ថ្ងៃ ago
តុលាការ បញ្ជាឱ្យចាប់ខ្លួនជនត្រូវចោទ ចោម ខ្វាន់ ពីបទរំលោភលើទំនុកចិត្តអ្នកដទៃ
-
សេចក្ដីជូនដំណឹង៤ ថ្ងៃ ago
អ្នកឧកញ៉ា ឡេង ណាវ៉ាត្រា បញ្ជាក់ច្បាស់ៗការដោះដូរ ផ្ទះយកដី គឺសម្រាប់តែអតិថិជនស្ម័គ្រចិត្ត ដែលពួកគាត់មានតម្រូវការចាំបាច់ចំណែកគម្រោង បុរី នៅតែប្រកាន់គោលជំហរបញ្ចប់ការដោះស្រាយជូនអតិថិជនទាំងស្រុងដដែល
-
សេចក្ដីជូនដំណឹង៥ ថ្ងៃ ago
ចូលឆ្នាំខ្មែរបានសប្បាយជួបជុំហើយ បានទាំងរង្វាន់ពីគ្រុឌឈ្នះផ្អើលពេញភូមិ
-
ជីវិតកម្សាន្ដ៥ ថ្ងៃ ago
តួអាសអាភាស Shu Qi ប្រារព្ធខួបអាពាហ៍ពិពាហ៍ ៨ ឆ្នាំជាមួយស្វាមីយ៉ាងផ្អែមល្ហែម