KPT+
មេរៀនជីវិតសំខាន់ៗ ៤ ដែលគ្រប់គ្នាអាចរៀនពីភាពយន្ត Kung Fu Panda
Kung Fu Panda គឺជាខ្សែភាពយន្តជីវចលដែលបង្រៀនមេរៀនពីជីវិតគួរឱ្យចាប់អារម្មណ៍ជាច្រើន ដែលបានបង្កប់នៅក្នុងសាច់រឿង។
ខាងនេះជាសំដីមានឥទ្ធិពលចំនួន ៤ របស់តួអង្គនីមួយៗក្នុងភាពយន្តនេះ ៖
១. ចេះរស់នៅក្នុងបច្ចុប្បន្នភាព
Ooguay ៖ “ ម្សិលមិញជាប្រវត្តិសាស្ត្រ ថ្ងៃស្អែកជាអាថ៌កំបាំង ប៉ុន្តែថ្ងៃនេះជាអំណោយ។ នោះហើយជាមូលហេតុដែលគេហៅថាបច្ចុប្បន្ន” ។ អ្វីដែលសំខាន់មិនមែនជាអ្វីដែលធ្លាប់កើតឡើង ឬរឿងដែលនឹងកើតឡើងនោះទេ។ ចូរចាត់ទុកពេលវេលានីមួយៗជាអំណោយ ហើយរស់នៅក្នុងជីវិតមួយពេញលេញដែលកំពុងជួប។
២. កុំគេចបញ្ហា
Ooguay៖ “ មនុស្សគ្រប់គ្នាតែងតែជួបជោគវាសនាផ្សេងគ្នា នៅលើផ្លូវរបស់ខ្លួនម្នាក់ៗ” ។ ហើយមនុស្សគ្រប់គ្នា ក៏មានបញ្ហាផ្សេងគ្នា ទៅតាមផ្លូវនោះ។ គ្រប់គ្នាមិនអាចចៀសបានទេនូវឧបសគ្គជីវិត។
ហេតុដូច្នេះហើយ ប្រសិនបើអ្នកយល់ថាខ្លួនឯងមានបន្ទុក មិនចង់ដោះស្រាយ ព្រោះគិតថាខ្លួនឯងដូចមានសម្ពាធលើសគេ វាមិនមែនជាអ្វីដែលត្រូវធ្វើទេ។ នរណាៗក៏មានសម្ពាធរបស់គេ ហេតុនេះកុំគេចវេស! រៀនប្រឈម រៀនដោះស្រាយទៅ។
៣. ការតាំងចិត្តនាំមកនូវការសម្រេច
Tigress៖ “ មានគេនិយាយថា អ្នកចម្បាំងនាគអាចដើរបានច្រើនខែដោយមិនហូបអ្វី និងអាចមានជីវិតដោយពឹងលើទឹកសន្សើមនៃស្លឹកជីងហ្គូកូ ” ។
Po៖ “ ខ្ញុំគិតថារាងកាយរបស់ខ្ញុំមិនទាន់ដឹងថា ខ្ញុំជាអ្នកចម្បាំងនាគនៅឡើយទេ។ វានៅត្រូវការថាមពលច្រើនជាងទឹកសន្សើមនិងទឹកផ្លែឈើទៅទៀត”។
ជាការពិត ស្ដាប់ទៅដូចជាពិបាកបន្តិច ដើម្បីអាចរស់បានដោយមិនចាំបាច់ហូបអ្វីសោះ។ ប៉ុន្តែ នៅពេលស្ថិតក្នុងពេលវេលាដ៏លំបាកបំផុត ទោះមិនហូបអ្វីសោះ ក៏យើងអាចរស់បាន ដោយសារអ្វី? ដោយសារការតាំងចិត្តជម្នះនោះឯង។
៤. គ្រប់គ្នាអាចក្លាយជាវីរបុរស
Po៖ តួអង្គ Po តែងគិតថាខ្លួនគេមិនមានអំណោយទានឬទេពកោសល្យអ្វីឡើយ។ គេខ្វះទំនុកចិត្ត ហើយត្រូវទ្រាំនឹងពាក្យសំដីមើលងាយរបស់ក្រុមមិត្តជាញឹកញាប់។ លើសពីនេះទៀត គេក៏ត្រូវឆ្លងកាត់ការហ្វឹកហាត់ក្បាច់គុនដែលនាំឱ្យគេមិនអាចទទួលទានអាហារដូចទម្លាប់ញ៉ាំច្រើន។
យ៉ាងណានៅចុងបញ្ចប់ Po បានស្រាយអាថ៌កំបាំងនៃសៀវភៅនាគ បន្ទាប់ពីជួបជាមួយឪពុក។ ឪពុករបស់ Po បានព្យាយាមលើកទឹកចិត្ត Po ដោយប្រាប់គេនូវគ្រឿងផ្សំសម្ងាត់នៃស៊ុបគុយទាវរបស់គ្រួសារនោះគឺ គ្មានអ្វីទាំងអស់ ! គាត់បានពន្យល់ថា អ្វីៗក្លាយជារឿងពិសេស ពីព្រោះមនុស្សជឿថាពួកគេពិសេស។
បន្ទាប់ពីនោះ Po បានដឹងថា ខ្លួនគេពិតជាអាចធ្វើជាមនុស្សអស្ចារ្យម្នាក់បានមែន ប្រសិនបើគេជ្រើសរើសជឿលើខ្លួនឯង។ នៅទីបំផុតគេ ពិតជាអ្នកចម្បាំងនាគមែន៕
ប្រែសម្រួល៖ សាង ស្រីល័ក្ខ
ចុចអាន៖ មេរៀនជីវិតល្អៗពីភាពយន្តភាគ “Crash Landing On You” សម្រាប់យុវវ័យ
-
ព័ត៌មានជាតិ៧ ថ្ងៃ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៥ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានជាតិ១ សប្តាហ៍ agoកម្ពុជារឹតបន្តឹង និងទប់ស្កាត់សំណល់អេឡិចត្រូនិក ខណៈអាស៊ីអាគ្នេយ៍កំពុងក្លាយជាគោលដៅថ្មី
-
ព័ត៌មានអន្ដរជាតិ៣ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ១ សប្តាហ៍ agoវិនិយោគិនបរទេសដកខ្លួនពីទីផ្សារថៃ ខណៈវិបត្តិថាមពលគំរាមកំហែងសេដ្ឋកិច្ច
-
ព័ត៌មានជាតិ៦ ថ្ងៃ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
ព័ត៌មានអន្ដរជាតិ២ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
សន្តិសុខសង្គម២២ ម៉ោង agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ