ព័ត៌មានជាតិ

ឯកឧត្ដម ហ៊ុន ម៉ានី បន្តដឹកនាំកិច្ចប្រជុំជាមួយថ្នាក់ដឹកនាំ នៃក្រុមការងារ ស.ស.យ.ក តាមបណ្ដាវិស័យ លើកទី ២ ចំនួន ១៧

បានផុស

២ years មុន

នៅ

ថ្ងៃអង្គារ ២៣ កក្កដា ២០២៤

ដោយ

កាលពីរសៀលថ្ងៃទី ២២ ខែកក្កដា ឆ្នាំ ២០២៤ ឯកឧត្ដម ហ៊ុន ម៉ានី ប្រធានសហភាពសហព័ន្ធយុវជនកម្ពុជា បានបន្តដឹកនាំកិច្ចប្រជុំជាមួយថ្នាក់ដឹកនាំ នៃក្រុមការងារក្នុងរចនាសម្ព័ន្ធ ស.ស.យ.ក តាមបណ្ដាវិស័យ លើកទី ២ ចំនួន ១៧ (ក្នុងចំណោម ៣៤ វិស័យ) នៅមជ្ឈមណ្ឌលម៉ានី អគារ The Kampus។

កិច្ចប្រជុំនេះមានការអញ្ជើញចូលពីសំណាក់ ឯកឧត្ដម លោកជំទាវ លោក លោកស្រី ប្រធាន អនុប្រធាន ស.ស.យ.ក តាមបណ្ដាវិស័យសរុបចំនួន ៤០ រូប ផងដែរ។

ក្រោយពីស្តាប់នូវរបាយការណ៍របស់ក្រុមការងារវិស័យទាំង ១៧ រួចមក ឯកឧត្ដម ហ៊ុន ម៉ានី បានថ្លែងអំណរគុណ និងកោតសរសើរដល់ថ្នាក់ដឹកនាំ សមាជិក-សមាជិកា នៃក្រុមការងារវិស័យទាំងអស់ ដែលបានបំពេញសកម្មភាពការងារ បើទោះបីជាមានការមមាញឹកពីការងារស្នូលយ៉ាងណាក្ដី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ឯកឧត្ដម បានបន្តថា ការមកជួបជុំគ្នារបស់ ស.ស.យ.ក ក្នុងឯកសណ្ឋានតែមួយ នាឱកាសនេះ បានបង្ហាញពីការបន្តរក្សាកេរដំណែលរបស់ថ្នាក់ដឹកនាំ ដែលជាយុវជនជំនាន់មុន។ ជាទីបញ្ចប់ អង្គប្រជុំបានឯកភាពក្នុងការរៀបចំធ្វើជាប្រចាំ ដើម្បីជាវេទិការំលឹកបេសកកម្មដែលយើងត្រូវបន្តរួមគ្នា ក៏ដូចជាធ្វើការចែករំលែកបទពិសោធគ្នាទៅវិញទៅមកផងដែរ។

សូមជម្រាបថា កាលពីថ្ងៃទី ១៩ ខែកក្កដា ឆ្នាំ ២០២៤ កន្លងមកនេះ ឯកឧត្ដម ហ៊ុន ម៉ានី បានដឹកនាំកិច្ចប្រជុំជាមួយក្រុមការងារថ្នាក់ដឹកនាំ ស.ស.យ.ក វិស័យចំនួន ១៧ វិស័យ រួចមកហើយ ដោយសរុបទាំងពីរជំនួបនេះ មានវិស័យចំនួន ៣៤ បានចូលរួមប្រជុំ៕