ជីវិតកម្សាន្ដ

Rosé បង្ហោះរូបមួយសន្លឹក លុបពាក្យចចាមអារ៉ាមវះកាត់ត្របកភ្នែក

បានផុស

២ years មុន

នៅ

ថ្ងៃព្រហស្បតិ៍ ១៥ សីហា ២០២៤

ដោយ

Rosé បានបញ្ចប់ភាពចម្រូងចម្រាសនាពេលថ្មីៗនេះ តាមរយៈរូបភាពមួយសន្លឹកប៉ុណ្ណោះ។ ក្នុងនោះនាងបានចែករំលែករូបថតថ្មីមួយចំនួនកាលពីថ្ងៃចន្ទ ដោយមិនមានការបញ្ចេញយោបល់អ្វីឡើយ។

**រូបភាពដែលនាងបង្ហោះបង្ហាញសម្រស់ធម្មជាតិគ្មានលាក់បាំង**

នៅក្នុងរូបភាពទាំងនេះ គេឃើញសមាជិកក្រុម BLACKPINK ធ្វើដំណើរតាមយន្តហោះដោយបញ្ចេញទម្រង់មុខពីធម្មជាតិ ទោះបីជាមានអ្នកគាំទ្រមួយចំនួនប៉ាន់ស្មានថាអាចធ្វើការវះកាត់ត្របកភ្នែកពីរជាន់ក៏ដោយ។

ជាពិសេសចាប់តាំងពីខែមុនមក រូបថតរបស់ Rosé បានបង្កឲ្យមានប្រតិកម្មផ្សេងៗពីអ្នកគាំទ្រ ដោយមានមតិជាច្រើនសុទ្ធតែបញ្ចេញមតិស្របគ្នាថា នាងមើលទៅហាក់ដូចជាត្រូវបានវះកាត់ត្របកភ្នែកពីរជាន់ ហើ់យទម្រង់នេះក៏បង្ហាញភាពខុសប្លែកពីគេ ម្យ៉ាងទៀត ពួកគេច្បាស់ណាស់នាងពិតជាមានត្របកភ្នែកពីរជាន់មែន។

ទន្ទឹមនោះទៀតដែរ តារាចម្រៀងវ័យ២៧ឆ្នាំរូបនេះក៏បានបង្ហោះរូបថតពីកម្មវិធីចុះហត្ថលេខារបស់អ្នកគាំទ្រដែលបានធ្វើឡើងកាលពីថ្ងៃមុន។ រូបរាងកាន់តែច្បាស់នៃភ្នែករបស់នាងនៅក្នុងរូបថតទាំងនោះ បាននាំឲ្យមានការរំពឹងទុកជាថ្មី អំពីការវះកាត់ដែលអាចកើតមានផងដែរ។

ទោះជាយ៉ាងណាក៏ដោយ រូបថតស្និទ្ធស្នាលដែលបានបង្ហោះកាលពីថ្ងៃច័ន្ទ បានបង្ហាញយ៉ាងច្បាស់នូវរូបរាងភ្នែករបស់នាងដែលមិនផ្លាស់ប្តូរ ដោយបានដោះស្រាយភាពចម្រូងចម្រាសយ៉ាងមានប្រសិទ្ធភាពបំផុត។

សូមបញ្ចាក់ថា Rosé បានប្រារព្ធខួបលើកទី៨ របស់ BLACKPINK ជាមួយនឹងការផ្សាយផ្ទាល់កាលពីសប្តាហ៍មុន។ ព្រឹត្តិការណ៍នេះបានទាក់ទាញចំណាប់អារម្មណ៍យ៉ាងខ្លាំង ដែលបង្ហាញពីការជួបជុំគ្នាឡើងវិញរបស់ក្រុមទាំងមូល បន្ទាប់ពីបែកគ្នាមួយរយៈ។ កាលពីសប្តាហ៍មុននាថ្ងៃសុក្រ នាងក៏បានចូលរួមក្នុងសន្និសីទសារព័ត៌មានសម្រាប់ខ្សែភាពយន្ត BLACKPINK WORLD TOUR [BORN PINK] IN CINEMAS នៅ Times Square ក្នុង Yeongdeungpo ទីក្រុងសេអ៊ូល ខណៈដែលកាលបង្ហាញខ្លួនរបស់នាងម្ដងៗតែងតែតុបតែងកាយខុសប្លែកពីគ្នាសឹងចំណាំមិនស្គាល់៕