ព័ត៌មានអន្ដរជាតិ
តម្លៃប្រេងធ្លាក់ចុះជាថ្មី
តម្លៃប្រេងបានធ្លាក់ចុះកាលពីថ្ងៃសុក្រ ដែលជាថ្ងៃបញ្ចប់ការជួញដូរប្រចាំសប្ដាហ៍ ខណៈផលិតកម្មប្រេងឆៅនៅឈូងសមុទ្រម៉ិកស៊ិករបស់សហរដ្ឋអាមេរិកបានបន្តដំណើរការឡើងវិញ ក្រោយព្យុះសង្ឃរា Francine បក់បោកផុត ហើយទិន្នន័យបង្ហាញពីឧបករណ៍ខួងអណ្ដូងប្រេងរបស់អាមេរិកកើនឡើង។ នេះបើតាមការចុះផ្សាយរបស់ទីភ្នាក់ងារសារព័ត៌មានរ៉យទ័រ។
ប្រេងឆៅនាពេលអនាគត ម៉ាក Brent បានជួញដូរនៅតម្លៃ ៧១,៦១ ដុល្លារ/បារ៉ែល ដោយធ្លាក់ចុះ ៣៦ សេន ឬ ០,៥ ភាគរយ ខណៈប្រេងឆៅអាមេរិក ម៉ាក West Texas Intermediate (WTI) បានជួញដូរនៅតម្លៃ ៦៨,៦៥ ដុល្លារ/បារ៉ែល ដោយធ្លាក់ចុះ ៣២ សេន ឬ ០,៥ ភាគរយ។
វាគឺជាការធ្លាក់ចុះជាថ្មី បន្ទាប់ពីតម្លៃប្រេងទាំង២បានកើនមកវិញតិចតួច ក្រោយតម្លៃប្រេងម៉ាក Brent បានធ្លាក់ចុះក្រោយ ៧០ ដុល្លារ/បារ៉ែល ជាលើកដំបូងក្នុងរយៈពេលជិត៣ឆ្នាំ កាលពីថ្ងៃអង្គារ។
អ្នកជំនាញបានភ្ជាប់ការធ្លាក់ចុះជាថ្មីនេះ ទៅនឹងការដកការទិញនាចុងសប្ដាហ៍របស់វិនិយោគិន នៅពេលដែលផលិតកម្ម និងសកម្មភាពចម្រាញ់នៅតំបន់ឆ្នេរឈូងសមុទ្រអាមេរិកចាប់ផ្តើមឡើងវិញ ក្រោយព្យុះសង្ឃរា Francine បានបង្ខំឱ្យផលិតកម្មប្រេងក្នុងតំបន់ប្រមាណ ៤២ ភាគរយ បិទដំណើរការជាបណ្ដោះអាសន្ន។
ជុំវិញនិន្នាការធ្លាក់ចុះតម្លៃប្រេងនារយៈពេលប៉ុន្មានសប្ដាហ៍ចុងក្រោយនេះ អ្នកជំនាញបានលើកឡើងពីកម្សោយនៃតម្រូវការប្រេងទាំងនៅសហរដ្ឋអាមេរិក និងចិន ដែលជាប្រទេសប្រើប្រេងធំជាងគេបំផុត៕
-
ព័ត៌មានជាតិ៧ ថ្ងៃ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៥ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានជាតិ១ សប្តាហ៍ agoកម្ពុជារឹតបន្តឹង និងទប់ស្កាត់សំណល់អេឡិចត្រូនិក ខណៈអាស៊ីអាគ្នេយ៍កំពុងក្លាយជាគោលដៅថ្មី
-
ព័ត៌មានអន្ដរជាតិ៣ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ៦ ថ្ងៃ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
ព័ត៌មានអន្ដរជាតិ២ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
សន្តិសុខសង្គម១ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ៤ ថ្ងៃ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង