ព័ត៌មានអន្ដរជាតិ
មេណាតូ៖ កូរ៉េខាងជើងបញ្ជូនទ័ពច្បាំងនៅអ៊ុយក្រែន ដើម្បីឲ្យរុស្ស៊ីគាំទ្រកម្មវិធីនុយក្លេអ៊ែរ
រុស្ស៊ី កំពុងផ្តល់ការគាំទ្រដល់កម្មវិធីមីស៊ីល និងនុយក្លេអ៊ែររបស់កូរ៉េខាងជើង ជាថ្នូរនឹងការដែលក្រុងព្យុងយ៉ាងបញ្ជូនកងទ័ពទៅប្រយុទ្ធក្នុងសង្គ្រាមជាមួយអ៊ុយក្រែន។ នេះជាការលើកឡើងរបស់ប្រធានអង្គការណាតូ លោក Mark Rutte កាលពីថ្ងៃទី៤ខែធ្នូឆ្នាំ២០២៤។
លោក Rutte បានប្រាប់អ្នកសារព័ត៌មានបន្ទាប់ពីកិច្ចប្រជុំរដ្ឋមន្ត្រីការបរទេសអង្គការណាតូថា៖ «ជាថ្នូរនឹងកងទ័ព និងសព្វាវុធ រុស្ស៊ីកំពុងផ្តល់ការគាំទ្រដល់កូរ៉េខាងជើងសម្រាប់កម្មវិធីមីស៊ីល និងនុយក្លេអ៊ែរ។ ការវិវឌ្ឍទាំងនេះ អាចធ្វើឲ្យឧបទ្វីបកូរ៉េអស្ថិរភាព ហើយថែមទាំងគំរាមកំហែងដល់សហរដ្ឋអាមេរិកទៀតផង»។
កន្លងមក អ៊ុយក្រែន និងសម្ព័ន្ធមិត្ត បាននិយាយថា កូរ៉េខាងជើងបានបញ្ជូនទាហានទៅរុស្ស៊ី ដើម្បីប្រយុទ្ធជាមួយកងកម្លាំងក្រុងកៀវនៅក្នុងតំបន់ Kursk។
ប្រធានអង្គការណាតូ បានជំរុញសមាជិកណាតូឲ្យបញ្ជូនអាវុធគ្រប់គ្រាន់ទៅកាន់អ៊ុយក្រែន ដើម្បីផ្លាស់ប្តូរស្ថានភាពជម្លោះ ខណៈដែលរុស្ស៊ីកំពុងវាយសម្រុកខ្លាំងនៅតាមជួរមុខ។
បន្ថែមពីនេះ លោក Rutte បានសង្កត់ធ្ងន់លើហានិភ័យដែលសម្ព័ន្ធភាពរវាងទីក្រុងមូស្គូ និងទីក្រុងព្យុងយ៉ាងបង្កឡើងចំពោះសហរដ្ឋអាមេរិក មុនពេលលោក ដូណាល់ ត្រាំ ចូលកាន់តំណែងជាប្រធានាធិបតី។
ខណៈស្ថានការណ៍នៅជួរមុខកាន់តែអាក្រក់ឡើងសម្រាប់អ៊ុយក្រែន បូករួមទាំងកង្វះខាតការផ្គត់ផ្គង់សព្វាវុធ និងកងកម្លាំងផងនោះ សម្ព័ន្ធមិត្តរបស់អាមេរិកបាននិងកំពុងព្យាយាមស្វែងរកវិធី ដើម្បីបញ្ចុះបញ្ចូលលោក ត្រាំ ឲ្យរក្សាការគាំទ្រចំពោះអ៊ុយក្រែន។
លោក Rutte បានរៀបរាប់ថា៖ «ការបង្កើនសម្ព័ន្ធភាពនៃប្រទេសរុស្ស៊ី ចិន កូរ៉េខាងជើង និងអ៊ីរ៉ង់ បង្ហាញពីលក្ខណៈសកលនៃការគំរាមកំហែងដែលយើងប្រឈមមុខ រួមទាំងគ្រោះថ្នាក់កាន់តែខ្លាំងឡើងនៃសង្រ្គាមដែលកំពុងបន្តនៅក្នុងប្រទេសអ៊ុយក្រែន»៕
ដោយ៖ ឈាង
-
ព័ត៌មានអន្ដរជាតិ២ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៤ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
អត្ថាធិប្បាយ១ សប្តាហ៍ agoសេចក្ដីអធិប្បាយលើសុភាសិតខ្មែរ៖«អណ្តាតជាអាទិ៍កន្លង បានសុខទុក្ខផងពីព្រោះអណ្តាត»
-
កីឡា៥ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេដ្ឋកិច្ច៧ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
សន្តិសុខសង្គម៣ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម