មកស្គាល់ពីតួប្រុសសង្សារចាស់ នៅក្នុង MV ចម្រៀងរបស់ ROSÉ

ប្រិយមិត្តច្បាស់ជាបានដឹងរួចមកហើយថា ROSÉ គឺជាតារាចម្រៀងស្រីម្នាក់ដ៏ល្បីល្បាញ និងជាសមាជិកក្រុម Blackpink ដែលជាក្រុម K-pop ដ៏មានឥទ្ធិពលជុំវិញពិភពលោក។ ថ្មីៗនេះដែរ នាងបានចេញអាល់ប៊ុមទោលមួយ ដែលនៅក្នុងនោះ នាងបានចេញវីដេអូចម្រៀងបទ Apt និង បទ Toxic till the end ដែលកំពុងតែទទួលបានចំណាប់អារម្មណ៍យ៉ាងខ្លាំងពីអ្នកស្ដាប់។

ជាមួយគ្នានោះ​​​ បទ Toxic till the end របស់ ROSÉ ដែលជាចម្រៀងនិយាយរៀបរាប់អំពីរឿងរ៉ាវឈឺចាប់របស់នាង ជាមួយនឹងអតីតគូស្នេហ៍ ដែលកន្លងផុត២ឆ្នាំហើយ ប៉ុន្ដែនាងនៅតែមិនអាចបំភ្លេចរូបគេបាន។ ទន្ទឹមនឹងនោះ​ តួប្រុសដែលសម្ដែងជាសង្សារចាស់របស់ ROSÉ ក៏កំពុងតែត្រូវបានគេចាប់អារម្មណ៍ជាខ្លាំង។

តាមរយៈសកម្មភាពដ៏ស្និទស្នាល អោប ថើប របស់ Evan Mock សម្ដែងជាមួយតារាចម្រៀងស្រីរាងតូចច្រឡឹងរូបនេះ ធ្វើឲ្យអ្នកទស្សនាមានការចង់ស្គាល់បន្ថែមអំពីរូបលោកជាខ្លាំង។ តួយ៉ាង Evan មិនមែនជាមនុស្សប្លែកអំពីវិស័យសម្ដែងនេះទេ រូបលោកក៏ធ្លាប់ទទួលបានប្រជាប្រិយភាពនៅក្នុងការសម្ដែងក្នុងរឿងភាគហូលីវូដ Gossips Girls កាលពីឆ្នាំ2021។

សង្ខេបខ្លះៗ អំពី Evan Mock:

– កូនកាត់ ហ្វីលីពីន-អាមេរិក

– អាយុ ២៧ឆ្នាំ កើតនៅថ្ងៃទី០៧ ខែមេសា ១៩៩៧

-​ មានកម្ពស់ 1.78cm

– ជាតារាម៉ូដែល តារាសម្ដែង និង ជាអ្នកលេងស្គីក្ដាដ៏ជំនាញម្នាក់

Evan ហាក់ដូចជាស្និទស្នាលខ្លាំងជាមួយ rosé ទាំងក្នុង MV និងនៅក្រៅផងដែរ គេបានឃើញ rosé បណ្ដើរ Evan ចូលក្នុងកម្មវិធីជប់លៀងរបស់នាងទៀតផង៕