ជីវិតកម្សាន្ដ

តារាកំប្លែង Jo Se Ho ឈប់តាមដាន Kim Soo Hyun លើ IG ភ្លាមៗ ចំពេលផ្ទុះរឿងអាស្រូវបន្តបន្ទាប់

បានផុស

១ year មុន

នៅ

ថ្ងៃពុធ ១២ មីនា ២០២៥

ដោយ

តារាសម្ដែង Kim Soo Hyun នាពេលនេះកំពុងតែលង់ជ្រៅទៅក្នុងពាក្យចចាមអារ៉ាមថា មានទំនាក់ទំនងស្នេហាជាមួយអតីតតារាសម្ដែង Kim Sae Ron ប៉ុន្តែលោកបែរជាបដិសេធ។ ចំពេលមានភាពចម្រូងចម្រាស តារាកំប្លែង Jo Se Ho ស្រាប់តែ Unfollow នៅលើ Instagram របស់តារាប្រុសរូបនេះ ដែលធ្វើឲ្យមានការចាប់អារម្មណ៍ជាសាធារណៈ។

គិតត្រឹមថ្ងៃទី ១២ ខែមីនា មហាជនជាច្រើនស្រាប់តែលែងឃើញ Jo Se Ho លែងតាមដាន Kim Soo Hyun នៅលើប្រព័ន្ធផ្សព្វផ្សាយសង្គមទៀតហើយ។ ប៉ុន្តែមុនពេលរឿងទាំងនេះកើតឡើង កាលពីថ្មីៗនេះអ្នកទាំងពីរបានបង្កើតទំនាក់ទំនងតាមរយៈកម្មវិធីជាច្រើនរបស់ MBC ដែលមានចំណងជើងថា “Good Day” ដែលពួកគេបានបង្ហាញខ្លួនជាមួយនឹងក្រុម “88z” រួមមាន G-Dragon, Jung Hae In, Lee Soo Hyuk, Im Si Wan និង Hwang Kwang Hee ។ គួរកត់សម្គាល់ថា Jo Se Ho គឺជាមនុស្សតែម្នាក់គត់ក្នុងក្រុមដែលមិនបានតាមដាន Kim Soo Hyun ដូច្នេះ ទើបបង្កឲ្យមានការរំពឹងទុកអំពីជម្លោះឬបញ្ហាណាមួយត្រៀមននឹងកើតឡើង។

ជាពិសេស រឿងរ៉ាវដលកំពុងកើតឡើងនេះបាននាំឲ្យមានការពិភាក្សាតាមអ៊ីនធឺណិតអំពីថាតើ Jo Se Ho កំពុងឃ្លាតឆ្ងាយពី Kim Soo Hyun ដោយសារតែភាពចម្រូងចម្រាសដែលកំពុងបន្តលើអ៉ិនធើណេតឬយ៉ាងណា។ ទោះជាយ៉ាងណាក៏ដោយ អ្នកផ្សេងទៀតប្រកែកថា ការឈានទៅដល់ការសន្និដ្ឋានដោយគ្មានភស្តុតាងច្បាស់លាស់ អាចជារឿងមិនសមហេតុផល និងជាការប៉ាន់ស្មានដែលមិនគួរឲ្យកើតមាននៅក្នុងអំឡុងពេលនេះឡើយ៕