នារីវៀតណាមម្នាក់ ត្រូវអាជ្ញាធរខេត្តហៅទៅអប់រំ ណែនាំ បន្ទាប់ពីរាំដោះអាវបញ្ចេញដើមទ្រូងក្នុងសង្ក្រាន្តស្វាយរៀង

នៅក្នុងសង្ក្រាន្តខេត្តស្វាយរៀងកាលពីថ្ងៃទី១៤ ខែមេសា ឆ្នាំ២០២៥ ដែលមានប្រជាពលរដ្ឋមកយ៉ាងច្រើនកុះករចូលរួមលេងការបាញ់ទឹក រាំលេងកម្សាន្ត នៅរង្វង់មូលក្រុងស្វាយរៀង និងមានការប្រគំតន្រ្តីផងនោះ ស្រាប់តែមាននារីម្នាក់ដែលសមត្ថកិច្ចខេត្តស្វាយរៀងបញ្ជាក់ថា ជាជនជាតិវៀតណាមនោះ បានរាំហើយដោះអាវចេញបញ្ចេញដើមទ្រូង។ អាជ្ញាធរខេត្តស្វាយរៀង បានហៅនារីវៀតណាមម្នាក់នោះ ទៅណែនាំអប់រំកុំឱ្យធ្វើសកម្មភាពបែបនេះទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងហេតុការណ៍នោះ មានអ្នកថតជាវីដេអូជាប់បានបង្ហោះចែកចាយពេញបណ្តាញសង្គម និងមានអ្នកចូលមកបញ្ចេញមតិ រិះគន់ អ្នកខ្លះជេ អ្នកខ្លះចង់ឲ្យសមត្ថកិច្ចពាក់ព័ន្ថស្វែងរកអត្តសញ្ញាណ។ នៅព្រឹកថ្ងៃទី១៥ ខែមេសា ឆ្នាំ២០២៥នេះ លោក កែវ សុថា ស្នងការរងនគរបាលខេត្តស្វាយរៀង និងជាប្រធានប្រចាំគោលដៅរង្វង់មូលខេត្តស្វាយរៀង បានបកស្រាយថា នៅត្រង់ចំណុចរង្វង់មូលខេត្តស្វាយរៀងទល់មុខកន្លែងប្រគំតន្ត្រី មាននារីម្នាក់ជាជនជាតិវៀតណាមម្នាក់បានឆ្លងដែនចូលមកលេងក្នុងសង្ក្រាន្តស្វាយរៀង ដោយភាពសប្បាយពេក បានជាគាត់ដោះអាវបញ្ចេញសាច់សរខ្ចី។

លោកស្នងការរង បានបន្តទៀតថា នារីជនជាតិវៀតណាមនេះ គឺគាត់ពាក់អាវ២ជាន់ ដោះអាវក្រៅចេញនៅអាវក្នុងពណ៌សាច់(អាវហ្គេននារី) មើលទៅដូចសាច់ពិតៗតែតាមពិត គឺអាវហ្គេន និងមានបិទបាំងចុងសុដន់។ ក្រោយពីនារីជនជាតិវៀតណាមរាំដោះអាវចេញនោះ សមត្ថកិច្ចបានហៅគាត់ចុះមកធ្វើការអប់រំណែនាំកុំឱ្យគាត់ធ្វើសកម្មនេះបន្តទៀត៕

ដោយ៖ ភក្ដី