ព័ត៌មានជាតិ

រដ្ឋមន្ត្រីក្រសួងបរិស្ថានថា ដាំដើមត្នោតមានតម្លៃសេដ្ឋកិច្ចជាងដាំដូងប្រេង

បានផុស

២ ខែ មុន

នៅ

ថ្ងៃចន្ទ ១៩ ឧសភា ២០២៥

ដោយ

រដ្ឋមន្ត្រីក្រសួងបរិស្ថានបានធ្វើការប្រៀបធៀបរវាងអត្ថប្រយោជន៍នៃការដាំដើមត្នោត និងការដាំដូងប្រេង ដែលដើមត្នោតផ្តល់គុណប្រយោជន៍ជួយថែរក្សាអត្តសញ្ញាណជាតិ រួមទាំងផ្តល់គុណតម្លៃខ្ពស់ដល់សេដ្ឋកិច្ចបើធៀបការដាំដូងប្រេង។

ផ្តល់បទសម្ភាសន៍ដល់អ្នកសារព័ត៌មាន ក្នុងឱកាសចូលរួមកម្មវិធី មាគ៌ាបៃតងនៅព្រឹកមិញនេះ លោក អ៊ាង សុផល្លែត រដ្ឋមន្ត្រីក្រសួងបរិស្ថានបានថ្លែងថា បើប្រៀបធៀបការដាំដើមត្នោត និងដូងប្រេង ដើមត្នោតផ្តល់ផលប្រយោជន៍ក្រៅពីជារុក្ខជាតិតំណាងជាតិ ក៏ជួយបង្កើនតម្លៃដល់សេដ្ឋកិច្ច។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកថា ទឹកត្នោតអាចប្រើប្រាស់កែច្នៃជាផលិតផលផ្សេងៗបានទាំងស្ករ ទឹកត្នោតជូរ ស្រា ទឹកសេរ៉ូម និងអាចកែច្នៃជាផលិតផលផ្សេងៗជាច្រើនទៀត។

បើតាមលោករដ្ឋមន្រ្តី តាមការសិក្សារបស់លោក ទឹកត្នោតអាចទាញយកផលប្រយោជន៍ផ្នែកពាណិជ្ជកម្មបានច្រើនជាងការដាំដូងប្រេង ហើយបើដាំជាចម្ការធំៗ ក៏នឹងបង្កើនតម្លៃខ្ពស់ដល់សេដ្ឋកិច្ច។

ពាក់ព័ន្ធការដាំដើមត្នោតនេះដែរ លោក អ៊ាង សុផល្លែត រដ្ឋមន្រ្តីក្រសួងបរិស្ថានក៏កំពុងជំរុញការដាំដើមត្នោតនៅតាមបណ្ដោយព្រំដែនកម្ពុជាវៀតណាម ស្ថិតនៅក្នុងខេត្តត្បូងឃ្មុំ ដែលមានប្រវែងជាង ១០០ គីឡូម៉ែត្រ ដែលជាផ្នែកមួយក្នុងជួយការពារអត្តសញ្ញាណជាតិតជំនាន់ទៅមុខទៀត៕