ព័ត៌មានជាតិ

សម្ដេចធិបតី៖ កុំធ្វើប្រសិនជាការអភិវឌ្ឍណាបំផ្លាញនូវផលប្រយោជន៍ និងជីវភាពរស់នៅរបស់សហគមន៍

បានផុស

១ year មុន

នៅ

ថ្ងៃអង្គារ ២០ ឧសភា ២០២៥

ដោយ

នាយករដ្ឋមន្ត្រី សម្ដេចធិបតី ហ៊ុន ម៉ាណែត បានបញ្ជាក់ថារាល់ការអភិវឌ្ឍន៍ទាំងអស់ត្រូវដាក់ប្រជាពលរដ្ឋជាគោល ហើយប្រសិនជាការអភិវឌ្ឍណាដែលធ្វើឱ្យប៉ះពាល់ដល់ប្រជាពលរដ្ឋសហគមន៍នោះសូមកុំធ្វើឱ្យសោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងពីខេត្តកំពង់ស្ពឺក្នុងពេលអញ្ជើញសម្ពោធបើកឱ្យដំណើរការ រោងចក្រផលិតស៊ីម៉ង់ត៍ខនស៍ ព្រឹកថ្ងៃទី២០ ខែឧសភា ឆ្នាំ២០២៥ សម្ដេចធិបតី ហ៊ុន ម៉ាណែត បានលើកឡើងពីក្ដីបារម្ភរបស់ប្រជាសហគមន៍ដែលបានលើកឡើងថា ការចូលមកវិនិយោគរបស់ក្រុមហ៊ុនឯកជនមួយចំនួននៅសហគមន៍ទេសចរណ៍មិនអាចធ្វើជីវភាពប្រជាសហកមន៍ប្រសើរទេ មានតែធ្វើឱ្យពិបាកវិញ ដោយសម្ដេចបានសម្រេចថា ទោះបីជាការអភិវឌ្ឍន៍មានអទិភាពយ៉ាងណាក៏ដោយសូមកុំធ្វើប្រសិនជាធ្វើឱ្យប៉ះពាល់ដល់ប្រយោជន៍និងការរស់នៅរបស់ពលរដ្ឋមូលដ្ឋាននោះ។

សម្ដេចថា៖ «ការអភិវឌ្ឍត្រូវដាក់ប្រជាពលរដ្ឋនៅមូលដ្ឋានជាគោល។ ទោះជាការអភិវឌ្ឍន៍មានអទិភាពអ្វីក៏ដោយគឺកុំធ្វើប្រសិនជាវាបំផ្លាញនូវផលប្រយោជន៍ និងជីវភាពរស់នៅរបស់សហគមន៍តែផ្ទុយទៅវិញធ្វើអីក៏ដោយត្រូវលើកកម្ពស់នូវជីវភាពរបស់ប្រជាពលរដ្ឋ»។

សម្ដេចបញ្ជាក់ថារដ្ឋមិនរារាំងក្នុងការអភិវឌ្ឍទេតែចាំបាច់ការអភិវឌ្ឍទាំងនោះត្រូវរក្សាតម្លៃនៃទីតាំងដែលអភិវឌ្ឍន៍។ ជាមួយគ្នានោះសម្ដេចបានបញ្ជាក់ថាសម្ដេចបានបញ្ជាឱ្យដកអាជ្ញាបណ្ណអាជីវកម្មរបស់ក្រុមហ៊ុនឯកជនមួយចំនួនដែលគ្រោងទៅអភិវឌ្ឍន៍នៅតំបន់ខ្នងផ្សា និងតេទឹកពុះផងដែរ ដោយថាវាបានប៉ះពាល់ខ្លាំងដល់សហគមន៍ និងធម្មជាតិ។

សម្ដេចនាយករដ្ឋមន្ត្រីបានណែនាំដល់អាជ្ញាធរសូមបង្រៀនប្រជាសហគមន៍ឱ្យចេះរកស៊ីនៅទីតាំងរបស់គាត់ផ្ទាល់ ជាជាងនាំអ្នកវិនិយោគពីខាងក្រៅចូលទៅក្នុងសហគមន៍របស់គាត់៕