សុខភាព

CDC អះអាងថា ជំងឺផ្ដាសាយបានឆ្លងពីបក្សីទៅថនិកសត្វ និងបារម្ភអាចឆ្លងទៅមនុស្ស

បានផុស

១ year មុន

នៅ

ថ្ងៃអាទិត្យ ២៥ ឧសភា ២០២៥

ដោយ

កន្លងមកនេះ ជំងឺផ្ដាសាយបក្សីមានការឆ្លងតែទៅលេីសត្វបក្សីព្រៃ និងឆ្លងមកបក្សីស្រុក និងឆ្លងមកមនុស្ស តាមរយៈការប៉ះពាល់ផ្ទាល់ជាមួយសត្វបក្សីឈឺឬស្លាប់។ តែកន្លងមក និងថ្មីៗនេះ មានការរកឃេីញជាបន្តបន្ទាប់នៃមេរោគផ្តាសាយបក្សី លេីប្រភេទថនិកសត្វមួយចំនួនដូចជា សត្វខ្លា ឆ្មា ឆ្កែ គោ សេះ ជ្រូកជាដើម។ នេះបើតាមនាយកដ្ឋានប្រយុទ្ធជំងឺឆ្លងនៃក្រសួងសុខាភិបាលកម្ពុជា (CDC)។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកវិទ្យាសាស្ត្រមួយចំនួន មានការព្រួយបារម្មពីការអាចងាយឆ្លងពីថនិកសត្វមកមនុស្ស និងពីមនុស្សទៅមនុស្ស និងឈានទៅរកការរាត្បាតនិងរាតត្បាតសកលជាថ្មី។

យ៉ាងណាមិញ បើតាមនាយកដ្ឋានប្រយុទ្ធជំងឺឆ្លងកម្ពុជា ផ្អែកតាមការវាយតំលៃកំរិតហានិភ័យរបស់អង្គការសុខភាពពិភពលោក (WHO) មេរោគជំងឺផ្តាសាយបក្សី H5N1 ហានិភ័យសុខភាពសាធារណៈជាសកលនាពេលបច្ចុប្បន្ននេះ នៅមានកម្រិតទាប ខណៈពេលដែលហានិភ័យនៃការឆ្លងសម្រាប់អ្នកប៉ះពាល់ផ្ទាល់ការងារមានកម្រិតពីទាបទៅមធ្យម អាស្រ័យទៅលើវិធានការកាត់បន្ថយហានិភ័យ និងលក្ខខណ្ឌការងារ។

ការវាយតម្លៃកត់សម្គាល់ទៀតថា ការឆ្លងរវាងសត្វនិងសត្វនៅតែបន្ត និងការកើនឡើងនៃការឆ្លងទៅមនុស្សនៅតែមានជាបន្តបន្ទាប់ ប៉ុន្តែផលប៉ះពាល់សុខភាពសាធារណៈជាសកលនៅតែចាត់ទុកថាតិចតួច និងមានកំតិតទាបនៅឡេីយនៅពេលនេះ។ CDC បញ្ជាក់បន្ថែម៕