នយោបាយ
ក្រសួងការបរទេសច្រានចោលការចោទប្រកាន់ដែលថាទូតខ្មែរគំរាមសមាជិកសភាជប៉ុន
ក្រសួងការបរទេសកម្ពុជាបានច្រានចោលនូវការផ្សព្វផ្សាយដែលថាឯកអគ្គរាជទូតកម្ពុជាប្រចាំប្រទេសជប៉ុនលោក ទុយ រី ផ្ញើលិខិតគំរាមកំហែងដល់សមាជិកសភាជាន់ទាបជប៉ុនលោក SAKAGUCHI Naoto ដោយថាក្នុងលិខិតដែលផ្ញើចេញនោះ «គ្មានពាក្យណាមួយដែលបង្កប់នូវការគំរាមកំហែងទេ» ហើយបានផ្ញើតាមច្រកការទូតដែលបង្ហាញពីការឱ្យតម្លៃចំពោះសមាជិកសភាជប៉ុនដែរ។
ក្នុងលិខិតបំភ្លឺចុះថ្ងៃទី២៥ ខែឧសភា ឆ្នាំ២០២៥ អ្នកនាំពាក្យក្រសួងការបរទេសកម្ពុជាបានភ្ជាប់ជាមួយលិខិតបំភ្លឺរបស់ឯកអគ្គរាជទូតកម្ពុជាដែលបកស្រាយផ្ញើជូនលោក SAKAGUCHI បន្ទាប់ពីលោកបានឡើងថ្លែងពាក់ព័ន្ធនឹងបញ្ហាសិទ្ធិមនុស្សកម្ពុជាកាលពីថ្ងៃទី១៦ ខែឧសភា ឆ្នាំ២០២៥។
ក្នុងលិខិតបកស្រាយនោះបានលើកឡើងថាការថ្លែងរបស់លោក SAKAGUCHI នៅសភាជាន់ទាបអាចមានការភ័ន្តច្រលំ ខ្វះភស្ភុតាង និងមានហេតុផលនយោបាយ ដែលធ្វើឱ្យប៉ះពាល់ដល់ការពិត និងកិច្ចខិតខំប្រឹងប្រែងរបស់កម្ពុជាក្នុងការគាំទ្រប្រជាធិបតេយ្យ និងការគាំពារសិទ្ធមនុស្ស។
ក្នុងលិខិតនោះបានបញ្ជាក់ជូនសមាជិកសភាជាន់ទាបជប៉ុនពី ហេតុផលនៃការរំលាយគណបក្សសង្គ្រោះជាតិ ការបោះឆ្នោតឆ្នាំ២០១៨ ការបន្តវេនរបស់អ្នកដឹកនាំជំនាន់ក្រោយ ការអភិវឌ្ឍន៍និងសន្ដិភាព ករណីរបស់អតីតប្រធានគណបក្សកម្លាំងជាតិលោក ស៊ុន ចន្ធី បញ្ហាទាក់ទងនឹងសេរីភាពសារព័ត៌មាន និងទំនាក់ទំនងកម្ពុជា-ជប៉ុន។
ក្រសួងការបរទេសកម្ពុជាបានបញ្ជាក់ថាលិខិតរបស់ឯកអគ្គរាជទូតកម្ពុជាគ្មានពាក្យណាមួយបង្កបនូវការគំរាមកំហែងឡើយ។
ក្នុងសេចក្ដីបំភ្លឺនោះបញ្ជាក់ថា៖ «ការពន្យល់បកស្រាយបំភ្លឺអំពីជំហរពីការពិតជាក់ស្ដែងស្ដីពីស្ថានភាពសិទ្ធិមនុស្ស និងប្រជាធិបតេយ្យនៅកម្ពុជា ហើយនិងជាសំណូមពរតាមបែបលក្ខណៈការទូត ដោយមិនមានបង្កប់នូវន័យគំរាមកំហែង និងប៉ះពាល់ដល់កិត្តិយសរបស់ឯកឧត្តម SAKAGUCHI Naoto ទេ»។
បើតាមក្រសួងការបរទេសលិខិតបកស្រាយរបស់អគ្គរាជទូតខ្មែរនេះត្រូវបានជនអគតិមួយចំនួនបានយកទៅបកប្រែបំផ្លើសធ្វើជាអាជីវកម្មនយោបាយបង្កឱ្យមានការយល់ច្រលំ ដោយក្រសួងចាត់ទុកថាជាសកម្មភាពមួលបង្កាច់ និងបង្ខូចកេរ្តិ៍ឈ្មោះប្រទេសកម្ពុជា បង្កឱ្យមានការយល់ច្រឡំធ្វើឱ្យប៉ះពាល់ដល់ទំនាក់ទំនងកម្ពុជាជប៉ុន។
កម្ពុជាបានបញ្ជាក់ជាថ្មីថាកម្ពុជាផ្ដល់តម្លៃខ្ពស់ចំពោះមិត្តភាព និងកិច្ចសហប្រតិបត្តិការទ្វេភាគីរវាងប្រទេសទាំងពីរ គោរពគ្នាទៅវិញទៅមកក្នុងការដោះស្រាយបញ្ហារួមគ្នា៕
អត្ថបទដោយ ហ៊ុន សិរីវឌ្ឍន៍
ជោគជ័យលើសពីការរំពឹងទុក! OPPO Reno14 Series 5G First Sale Event មានមនុស្សចូលរួមច្រើនធ្វើឲ្យកក្រើកពេញផ្សារ AEON MALL តែម្តង
អភិបាលខេត្តក្រចេះ ៖ ការចូលរួមបរិច្ចាគធនធានពីពលរដ្ឋគ្រប់ទិសទី ជាថាមពលផ្តល់កម្លាំងចិត្តកងទ័ព
រដ្ឋមន្ត្រីកសិកម្ម ណែនាំឱ្យកសិករភ្នំគូលែន សិក្សាលទ្ធភាពចិញ្ចឹមមាន់ស្រែ និងជ្រូក ដែលកំពុងមានតម្រូវការ
អភិបាលខេត្តប៉ៃលិន អំពាវនាវដល់ព្រះសង្ឃ និងមន្ត្រីរាជការចូលរួមថែរក្សា និងលើកកម្ពស់វប្បធម៌ក៏ដូចជាវិស័យព្រះពុទ្ធសាសនា ដែលជាដួងព្រលឹងជាតិ
ជនកំសាកថៃ អួតខ្លួនថា វាយទាហានកម្ពុជាដើម្បីការពារទឹកដី, ចុះរត់ធ្វើអីបើក្នុងដីខ្លួនមែន?
ព្រះអង្គម្ចាស់អារ៉ាប៊ីសាអូឌីត ដែលសន្លប់២០ឆ្នាំ ពេលនេះ សោយទិវង្គតហើយ
គួរឲ្យសរសើរអាយុ ៤៦ឆ្នាំ Pacquiao ស្មើម្ចាស់ខ្សែក្រវាត់ Barrios ក្រោយប្រកួត១២ទឹកពេញ
សោកនាដកម្មលិចទូកទេសចរណ៍នៅវៀតណាម រកឃើញមនុស្សស្លាប់ ដល់ ៣៤នាក់
ជនកំសាកថៃ អួតខ្លួនថា វាយទាហានកម្ពុជាដើម្បីការពារទឹកដី, ចុះរត់ធ្វើអីបើក្នុងដីខ្លួនមែន?
ថៃ អះអាងរកឃើញមីនថ្មីរាប់រយគ្រាប់ក្នុងដីខ្លួន, តើនរណាចូលទៅដាក់ ឬថៃដាក់ខ្លួនឯងរួចចោទកម្ពុជា?
-
ព័ត៌មានជាតិ២ ថ្ងៃ agoអគ្គនាយកស៊ីម៉ាក់បង្ហាញរូបភាពទ័ពថៃជីកដីដាក់មីនខណៈនៅឡាំប៉ាចោទកម្ពុជា
-
បច្ចេកវិទ្យា៥ ថ្ងៃ agoOPPO Reno14 Series 5G សម្ពោធផ្លូវការហើយ ជាមួយស្ទីលរចនាបថកន្ទុយទេពមច្ឆា និងមុខងារ AI សំខាន់ៗ
-
ព័ត៌មានអន្ដរជាតិ១៥ ម៉ោង agoព្រះអង្គម្ចាស់អារ៉ាប៊ីសាអូឌីត ដែលសន្លប់២០ឆ្នាំ ពេលនេះ សោយទិវង្គតហើយ
-
ព័ត៌មានអន្ដរជាតិ៧ ថ្ងៃ agoថៃ អះអាងថា ជនកំសាកដែលលួចវាយទាហានកម្ពុជា គឺជាទេសចរ ប៉ុណ្ណោះ
-
ព័ត៌មានជាតិ៧ ថ្ងៃ agoកម្ពុជា រងឥទ្ធិពលពីព្យុះមួយទៀត គឺជាព្យុះទី៥ ឈ្មោះ ណារី (Nari)
-
ព័ត៌មានអន្ដរជាតិ៥ ថ្ងៃ agoរដ្ឋមន្ត្រីក្រសួងថាមពលថៃ ប្រាប់ពលរដ្ឋកុំជ្រួលច្របល់ បើសង្គ្រាមផ្ទុះឡើង អ្នកខាតធំគឺខ្លួនឯង
-
ព័ត៌មានអន្ដរជាតិ៧ ថ្ងៃ ago«នាយករដ្ឋមន្ត្រី៣នាក់ក្នុងពេល៣ថ្ងៃ» ជារឿងដែលមួយពិភពលោក មិនអាចធ្វើបានដូចថៃ
-
សន្តិសុខសង្គម២ ថ្ងៃ agoជនមិនស្គាល់មុខ លីបារី ១០៥ សុង ឆ្លងកាត់ច្រកអន្តរជាតិភ្នំដី ត្រូវកម្លាំងគយចាប់បាន