ព័ត៌មានជាតិ

ចំពោះចំណាត់ការឆ្លើយតបរបស់ រាជរដ្ឋាភិបាលកម្ពុជា លើការគំរាមផ្សេងៗ របស់ថៃ ពលរដ្ឋគាំទ្រពេញទំហឹង

បានផុស

១ year មុន

នៅ

ថ្ងៃសុក្រ ១៣ មិថុនា ២០២៥

ដោយ

ប្រជាពលរដ្ឋនៅទូទាំងប្រទេស គាំទ្រយ៉ាងពេញទំហឹងចំពោះចំណាត់ការឆ្លើយតបដ៏ម៉ឺងម៉ាត់របស់រាជរដ្ឋាភិបាលកម្ពុជា លើការគំរាមផ្សេងៗ របស់ថៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្មីៗ នេះ សម្តេចតេជោ ហ៊ុន សែន ប្រធានព្រឹទ្ធសភាជាតិ និងជាប្រធានគណបក្សប្រជាជនកម្ពុជា និង សម្តេចធិបតី នាយករដ្ឋមន្ត្រី បានដាក់ចេញគោលជំហរយ៉ាងម៉ឺងម៉ាត់ ក្នុងការឆ្លើយតបទៅកាន់ភាគីថៃ ដោយរាជរដ្ឋាភិបាលមិនបន្តការទិញបណ្ដាញអគ្គិសនី , បញ្ឈប់ការប្រើប្រាស់ប្រព័ន្ធទូរស័ព្ទ និង អ៊ីនធឺណិតថៃ , បញ្ឈប់ការចាក់បញ្ចាំងភាពយន្តថៃលើកញ្ចក់ទូរទស្សន៍ , រួមជាមួយការមិនបន្តនាំចូលទំនិញថៃមកកាន់កម្ពុជាផងដែរ ក្រោយថៃបានយកចំណុចផ្សេងៗ ជាច្រើន មកគំរាមកម្ពុជា បន្ទាប់ពីកើតមានបញ្ហាជម្លោះព្រំដែនរួចមក។

ប្រជាពលរដ្ឋ បានបង្ហាញការគាំទ្រ និងលើកឡើងថា កម្ពុជា ជាប្រទេសដែលបានតស៊ូក្រោកចេញពីសង្គ្រាម និងបានខិតខំកសាងខ្លួនរហូតក្លាយជាប្រទេសមានការអភិវឌ្ឍខ្លាំងក្លាផងដែរ។ ដូច្នេះហើយ ប្រទេសកម្ពុជា មិនត្រូវការជាតិសាសន៍ ឬប្រទេសទាំងឡាយណា ដែលយកចំណុចផ្សេងៗ មកគំរាមកម្ពុជានោះឡើយ ពិសេសប្រទេសថៃ។

ប្រជាពលរដ្ឋ លើកឡើងទៀតថា បច្ចុប្បន្ន កម្ពុជា មិនបានពឹងផ្អែកលើប្រទេសជិតខាងទាំងស្រុងនោះទេ គឺអាចបង្កើន ផ្គត់ផ្គង់ សម្រាប់ប្រទេសខ្លួនឯង ដោយឯកឯងបាន ទាំងវិស័យកសិកម្ម ផលិតផល ទំនិញប្រើប្រាស់ផ្សេងៗ។ បន្ថែមទៀតនោះ កម្ពុជា មានភាពចាស់ទុំ មិនបំពានអ្នកណាឡើយ តែបើគេបំពានឈ្លានពាន យើងការពារបូរណភាពទឹកដីរបស់ខ្លួន។

សូមបញ្ជាក់ថា ចំណាត់ការដ៏ម៉ឺងម៉ាត់របស់ថ្នាក់ដឹកនាំកម្ពុជា ធ្វើឡើងក្រោយប្រទេសថៃ បានបន្តរុករានមកកម្ពុជា ដោយរកចំណុចផ្សេងៗ ជាច្រើន និងជាបន្តបន្ទាប់ តាំងពីការកើតមានបញ្ហាជម្លោះប្រដាប់អាវុធនៅតំបន់ព្រំដែនប្រទេសទាំង ២ កាលពីចុងខែឧសភា រួចមក។ ក្នុងនោះ ភាគីថៃ មិនបានងាកមករកដំណោះស្រាយ ឬចរចាដោយសន្តិវិធីជាមួយកម្ពុជានោះឡើយ ផ្ទុយទៅវិញ ថៃបានបន្តពង្រីកបញ្ហាឱ្យកាន់តែធំឡើងៗ ដែលជាផ្នែក នៃការធ្វើឱ្យកិច្ចសហការទំនាក់ទំនងរវាងប្រទេសទាំង ២ កាន់តែតានតឹង៕

អត្ថបទ ៖ សុភា