​ទស្សនិកជនចំហមាត់ភ្ញាក់ផ្អើល ក្រោយឃើញសម្រស់ឪពុក​ Fan Bingbing ​ក្នុងវ័យ ៧៣ ឆ្នាំ

នៅថ្ងៃខួបកំណើតគម្រប់ ៧៣ ឆ្នាំរបស់ឪពុក កំពូលតារាចិន Fan Bingbing បានបង្ហោះរូបថតគ្រួសារមួយ ដែលធ្វើឲ្យកក្រើកអ៊ីនធឺណិតចាប់អារម្មណ៍ ទៅលើឪពុករបស់នាងគឺលោក Fan Tao ដែលមានមុខក្មេងជាងវ័យសឹងមិនគួរឲ្យជឿទាល់តែសោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះបីជាមានអាយុ ៧៣ ឆ្នាំក៏ដោយ ប៉ុន្តែលោក Fan Tao មើលទៅក្មេងជាងវ័យជាច្រើនទសវត្សរ៍ ជាមួយនឹងស្បែករលោង និងមានក្លិនក្រអូបប្រហើរដូចបុរសវ័យក្មេង ដែលនោះបានធ្វើឲ្យអ្នកលេងអ៊ីនធឺណិតជាច្រើនសឹងមិនជឿនឹងភ្នែករបស់ពួកគេ។

អ្វីដែលកានតែចាបអារម្មណ៍បន្ថែមទៀតនោះ អ្នកដែលឈរក្បែរនោះគឺជាម្តាយរបស់ Fan Bingbing គឺលោកស្រី Zhang Chuanmei ដែលមានអាយុ ៦៩ ឆ្នាំ ក៏បានធ្វើឲ្យអ្នកគាំទ្រភ្ញាក់ផ្អើល ជាមួយនឹងសម្រស់ដ៏ស្រស់ស្អាតរបស់គាត់មិនខុសពីស្វាមីដែរ។

ជាងនេះទៅទៀត អ្នកគាំទ្រជាច្រើនបន្ទាប់ពីបានឃើញសម្រស់របសឪពុកម្ដាយតារាសម្ដែងជួរមុខប្រចាំ្រទេសចិន ម្នាក់ៗបានចូលទៅបញ្ចេញមតិលើកសរសើរយ៉ាងព្រោងព្រាតក្នុងន័យខុសៗគ្នា។ អ្នកខ្លះថា ឪពុករបស់ Fan Bingbing មើលទៅមិនសមនឹងវ័យ៧៣ឆ្នាំឡើយ មិនថាទម្រង់មុខ និងរូបរាងនោះទេ។

មិនតែប៉ុណ្ណោះ អ្នកផ្សេងទៀតបានលើកឡើងថា ទាំង Fan Bingbing និង Fan Chengcheng ដែលជាប្អូនប្រុស ច្បាស់ណាស់បានទទួលមរតកហ្សែនពីឪពុកម្ដាយពួកគេ។ ដូច្នេះហើយទើបធ្វើឲ្យអ្នកទាំងពីរមានសម្រស់ស្អាត នឹងទទួលបានភាពល្បីល្បាញក្នុងនាមជាតារាសម្ដែង។

យោងតាមប្រភពសារព័ត៌មាន ការកើនឡើងនៃភាពជាតារារបស់ Fan Bingbing ត្រូវបានគាំទ្រយ៉ាងខ្លាំងពីឪពុកម្តាយរបស់នាង។ លោក Fan Tao ដែលធ្លាប់ជាតារាចម្រៀងក្នុងក្រុមសិល្បៈសម្តែងកងទ័ពជើងទឹក បាននាំយកនូវវិន័យ និងការប្តេជ្ញាចិត្តនៃជីវិតយោធា ជាមួយនឹងចរិតលក្ខណៈដែលមានឥទ្ធិពលយ៉ាងខ្លាំងទៅលើកូនស្រីរបស់គាត់។ សូម្បីតែបន្ទាប់ពីចូលនិវត្តន៍ គាត់នៅតែសកម្មក្នុងកម្មវិធីវប្បធម៌ក្នុងស្រុក។

ទន្ទឹម​នឹង​នោះ​ម្តាយ​របស់​នាង​ដែល​ជា​អតីត​អ្នក​រាំ​ បាន​ឆ្លង​កាត់​ទេពកោសល្យ​សិល្បៈ​និង​ភាព​ស្រស់​ស្អាតតាំងពីវ័យក្មេង។ នៅពេលដែល Fan Bingbing ចូលពិភពកម្សាន្ត ឪពុកម្តាយទាំងពីរបានផ្លាស់ទៅទីក្រុងប៉េកាំង ដើម្បីគាំទ្រអាជីពរបស់កូន។ ជារឿយៗ តួឯកស្រីក្នុងរឿង «មហិច្ឆតាអ៊ូមុីនាង» តែងតែសរសើរពីភាពជោគជ័យផ្ទាល់ខ្លួន ទៅលើប្រវត្តិសិល្បៈ និងការគាំទ្ររបស់គ្រួសារនាងមករហូត៕

អត្ថបទ៖ សាង ស្រីល័ក្ខ

ចុចអាន៖ ទស្សនាវដ្ដី Forbes រំលេចសមិទ្ធិផលរបស់ V ក្រុម BTS ចំនួន ២០ ពេលបំពេញកាព្វកិច្ចយោធា