ព័ត៌មានជាតិ
លោក កើត ឆែ ៖ ការអនុវត្ត ថវិកាកម្មវិធី ត្រូវផ្សារភ្ជាប់លទ្ធផលសម្រេចបាន «ចាយឱ្យចំគោលដៅ ចាយឱ្យទទួលបានលទ្ធផល»
រដ្ឋបាលរាជធានីភ្នំពេញ ក្នុងឋានៈជាអង្គភាពថវិកា បាននិងកំពុងអនុវត្តនូវ «ថវិកាកម្មវិធី» ដែលត្រូវបានរៀបចំឡើង ដោយផ្អែកលើកម្មវិធី ច្បាស់លាស់ ដើម្បីឈានទៅសម្រេចគោលបំណងគោលនយោបាយរបស់ក្រសួង-ស្ថាប័ន ដែលមានចែងក្នុងវិស័យនីមួយៗ។ ថវិកាកម្មវិធី គឺ ត្រូវផ្សារភ្ជាប់ទៅនឹងលទ្ធផល ឬសមិទ្ធកម្ម (ផលដែលសម្រេចបាន) ឬនិយាយម្យ៉ាងទៀត «ចាយឱ្យចំគោលដៅ, ចាយឱ្យទទួលបានលទ្ធផល»។
នេះជាប្រសាសន៍លើកឡើងរបស់ លោក កើត ឆែ អភិបាលរង នៃគណៈអភិបាលរាជធានីភ្នំពេញ ខណៈលោកជាតំណាង លោក ឃួង ស្រេង អភិបាល នៃគណៈអភិបាលរាជធានីភ្នំពេញ និង លោក សាវឿន សុកុល អគ្គនាយករង នៃអគ្គនាយកដ្ឋានហិរញ្ញវត្ថុរដ្ឋបាលថ្នាក់ក្រោមជាតិ អញ្ជើញក្នុងពិធីបើក «វគ្គបណ្ដុះបណ្ដាលស្ដីពីការរៀបចំផែនការយុទ្ធសាស្ត្រថវិកា ឆ្នាំ ២០២៦-២០២៨ ការរៀបចំគម្រោងថវិកាឆ្នាំ ២០២៦ និងការគ្រប់គ្រង ការចាត់ចែង និងការកំណត់មុខសញ្ញាចំណាយថវិកាសេវាសង្គម និងអនាម័យបរិស្ថាន នាព្រឹកថ្ងៃទី ៧ ខែកក្កដា ឆ្នាំ ២០២៥ នេះ នៅសាលារាជធានីភ្នំពេញ។
លោក កើត ឆែ បានបន្តថា វគ្គបណ្ដុះបណ្ដាលនេះធ្វើឡើងក្នុងគោលបំណងធ្វើបច្ចុប្បន្នភាពចំណេះដឹងពាក់ព័ន្ធនឹងលិខិតបទដ្ឋានគតិយុត្តិថ្មីៗ ដាក់ចេញដោយក្រសួងសេដ្ឋកិច្ច និងហិរញ្ញវត្ថុ សំដៅពង្រឹងសមត្ថភាពដល់មន្ត្រីទទួលបន្ទុកការងារហិរញ្ញវត្ថុ នៃរដ្ឋបាលរាជធានីភ្នំពេញ រដ្ឋបាលខណ្ឌ និងរដ្ឋបាលសង្កាត់ ពាក់ព័ន្ធនឹងនីតិវិធីហិរញ្ញវត្ថុ។
លោកបន្តទៀតថា «វគ្គបណ្តុះបណ្តាលនេះ ត្រូវបានរៀបចំឡើងជាទៀងទាត់នៅក្នុងដំណើរការ នៃការរៀបចំផែនការថវិកា សម្រាប់ឆ្នាំបន្ទាប់ N+1 ស្របតាមអភិក្រមដូចមានកំណត់ក្នុងសារាចរណែនាំ លេខ ០១១ ចុះថ្ងៃទី ៩ ខែមិថុនា ឆ្នាំ ២០២៥ របស់ក្រសួងសេដ្ឋកិច្ច និងហិរញ្ញវត្ថុ ស្តីពីការរៀបចំផែនការយុទ្ធសាស្ត្រថវិការាជធានី-ខេត្ត ឆ្នាំ ២០២៦- ២០២៨ និងនីតិវិធីបច្ចេកទេស នៃការរៀបចំគម្រោងថវិការបស់រដ្ឋបាលថ្នាក់ក្រោមជាតិឆ្នាំ ២០២៦។
លោកបានបន្ថែមថា ការគ្រប់គ្រងហិរញ្ញវត្ថុសាធារណៈ ទាំងនៅថ្នាក់ជាតិ និងថ្នាក់ក្រោមជាតិ គឺជាផ្នែកមួយដ៏សំខាន់ នៃការអនុវត្តកម្មវិធីកំណែទម្រង់ហិរញ្ញវត្ថុសាធារណៈ សំដៅធានានូវការគ្រប់គ្រង និងចាត់ចែងថវិកា ឱ្យចំទិសដៅ និង ទាន់សភាពការណ៍ ឆ្លើយតបទៅនឹងតម្រូវការជាក់ស្តែងរបស់ប្រជាពលរដ្ឋ និងដំណើរវិវឌ្ឍសង្គម-សេដ្ឋកិច្ចជាតិ និង ដើម្បីសម្រេចបាននូវលទ្ធផលរំពឹងទុក ជាដំណាក់កាលៗ នៃសសរស្ដម្ភកំណែទម្រង់នោះគឺ «ភាពជឿទុកចិត្ត នៃថវិកា», «គណនេយ្យភាពហិរញ្ញវត្ថុ», «ការផ្សារភ្ជាប់ថវិកា ទៅនឹងគោលនយោបាយ» និង «ថវិកាសមិទ្ធកម្ម»។ សម្រាប់ការរៀបចំគម្រោងថវិកាឆ្នាំ ២០២៦, រដ្ឋបាលរាជធានីភ្នំពេញ បានរៀបចំកិច្ចប្រជុំផែនការចំណូល- ចំណាយ និងកិច្ចប្រជុំប្រមូលធាតុចូលសម្រាប់រៀបចំផែនការយុទ្ធសាស្ត្រថវិការាជធានីភ្នំពេញ (២០២៦-២០២៨) នាពេលកន្លងមក ហើយនឹងធ្វើការពិនិត្យលម្អិតចុងក្រោយ មុននឹងដាក់ឆ្លងកិច្ចប្រជុំក្រុមប្រឹក្សារាជធានីភ្នំពេញ នាពេលខាងមុខនេះ ឱ្យស្របតាមនីតិវិធីផងដែរ។ ការរៀបចំផែនការគម្រោងចំណាយរបស់រដ្ឋបាលខណ្ឌ-សង្កាត់ លោកស្នើឱ្យរដ្ឋបាលខណ្ឌ និងរដ្ឋបាលសង្កាត់ទាំងអស់ ត្រូវធ្វើការប្រជុំពិនិត្យមើលលើគម្រោងអាទិភាពនៅក្នុងមូលដ្ឋានរបស់ខ្លួន ឱ្យបានម៉ត់ចត់ ដូចជា គម្រោងអភិវឌ្ឍន៍នៅតាមបណ្តាខណ្ឌ ស្ថិតនៅកណ្តាលរាជធានីភ្នំពេញ គម្រោងអភិវឌ្ឍន៍នៅតាមបណ្តាខណ្ឌជាយរាជធានីភ្នំពេញ ដោយត្រូវគិតគូរបញ្ចូលនូវសំណើ-សំណូមពររបស់ប្រជាពលរដ្ឋ ដែលបានលើកឡើងក្នុងវេទិកាសាធារណៈ។ លើសពីនេះ រដ្ឋបាលខណ្ឌ-សង្កាត់ ក៏ត្រូវយកចិត្តទុកដាក់លើមុខសញ្ញាចំណាយថវិកាសេវាសង្គម និង អនាម័យបរិស្ថាន ផងដែរ៕
អត្ថបទ ៖ ស្រីរ័ត្ន
លោក កើត ឆែ ៖ ការអនុវត្ត ថវិកាកម្មវិធី ត្រូវផ្សារភ្ជាប់លទ្ធផលសម្រេចបាន «ចាយឱ្យចំគោលដៅ ចាយឱ្យទទួលបានលទ្ធផល»
ហាងឆេងមាសធ្លាក់ចុះ នៅដើមសប្ដាហ៍នេះ
រដ្ឋមន្ត្រីមហាផ្ទៃ ធ្វើទស្សនកិច្ចនៅសិង្ហបុរី ដោយត្រៀមចុះ MOU ពាក់ព័ន្ធការប្រឆាំងឧក្រិដ្ឋកម្មឆ្លងដែន
ត្រាំ ពន្យារពេលចាប់ផ្ដើមអនុវត្ត «ពន្ធបដិការ» ដល់ថ្ងៃ ១ សីហា
ថ្នាក់ដឹកនាំកំពូលៗផ្ញើសារអបអរសាទរខួបលើកទី ១៧ នៃការដាក់បញ្ចូលប្រាសាទព្រះវិហារជាសម្បត្តិបេតិកភណ្ឌពិភពលោក
ក្រោយស្បថចូលកាន់តំណែងរដ្ឋមន្ត្រីក្រសួងវប្បធម៌ ផែថងតាន ចង់ដើរតាមគន្លងកូរ៉េខាងត្បូង
មន្ត្រីជំនាញស្ទាក់ចាប់សាច់បង្កកជាង៨តោននាំចូលពីប្រទេសវៀតណាមខុសច្បាប់
Elon Musk អបអរការបង្កើតគណបក្សថ្មី ចំថ្ងៃតែមួយ ដែលលោកត្រាំចេញច្បាប់ដ៏ចម្រូងចម្រាស
កម្ពុជា រងឥទ្ធិពលពីព្យុះចំនួន២ក្នុងពេលតែមួយ ចាប់ពីថ្ងៃនេះដល់ថ្ងៃទី៩កក្កដា
អ៊ីស្រាអែល បើកប្រតិបត្តិការ «Black Flag» នៅយេម៉ែន វាយប្រហារក្រុមហ៊ូធី ចាស់ដៃ
-
ព័ត៌មានអន្ដរជាតិ៣ ថ្ងៃ agoGoogle នឹងមិនប្តូរផែនទីនៅលើកម្មវិធី Maps តាមសំណើរបស់ថៃ ឡើយ
-
សេចក្ដីជូនដំណឹង៣ ថ្ងៃ agoអ្នកឧកញ៉ា ឡេង ណាវ៉ាត្រា ចាត់ក្រុមការងារសហព័ន្ធយុវជនបូជាការពារយុត្តិធម៌ ទាំងយប់ចុះជួបវីរកងទ័ពកម្ពុជាដ៏អង់អាចក្លាហាន ដេញកងទ័ពថៃឈ្លានពាន ចេញនៅចំណុចភ្នំខ្មោច
-
ព័ត៌មានអន្ដរជាតិ៤ ថ្ងៃ agoថៃ ខឹង Google Map ពេលឃើញដៅទីតាំង ប្រាសាទតាមាន់ធំ នៅក្នុងដីខ្មែរ
-
ព័ត៌មានជាតិ៣ ថ្ងៃ agoកម្ពុជា រងឥទ្ធិពលពីព្យុះមួយទៀត គឺជាព្យុះទី៣ ឈ្មោះ មូន(Mun)
-
ជីវិតកម្សាន្ដ៥ ថ្ងៃ agoពីអ្នកប្រើចុងប៊ិច ប្តូរមកប្រើចុងកាំភ្លើង ដើម្បីការពារបូរណភាពទឹកដីជាតិខ្មែរ
-
ព័ត៌មានអន្ដរជាតិ៦ ថ្ងៃ agoក្រុមមនុស្សយកស្លាកលេខរថយន្ត ថាក់ស៊ីន ចាក់ឆ្នោត ខណៈលោកចូលខ្លួនទៅតុលាការ
-
ព័ត៌មានជាតិ៤ ថ្ងៃ agoនាយករដ្ឋមន្ត្រីសិង្ហបុរី គាំទ្រឱ្យកម្ពុជា-ថៃ ដោះស្រាយជម្លោះព្រំដែនដោយប្រើយន្តការច្បាប់អន្តរជាតិ
-
ព័ត៌មានអន្ដរជាតិ៤ ថ្ងៃ agoថៃ ត្រៀមស្នើទៅ Google ឲ្យយកតាមផែនទីរបស់ខ្លួនវិញ ទើបប្រាសាទតាមាន់ធំ ស្ថិតក្នុងដីថៃ