បណ្ដើរគ្នាស្អិតរមួតបេះមិនចេញ V និង Park Bo Gum ត្រូវគេប្រដូចថា ជាគូស្នេហ៍ BL

កាលពីពេលថ្មីៗនេះ V សមាជិកក្រុម BTS និងតារាសម្ដែងប្រុស Park Bo Gum បានមកចូលរួមកម្មវិធី Paris Fashion Week ជាមួយនឹងកាយវិការដ៏គួរឲ្យស្រលាញ់របស់ពួកគេ បានបង្ហាញដល់ភ្នែកសាធារណជននោះ បានបញ្ឆេះការប្រៀបធៀបទៅនឹងភាពយន្ត ក្រុមបុរសស្រលាញ់បុរស (BL dramas)។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការចេញក្រៅសាធារណៈចុងក្រោយបង្អស់របស់តារាកូរ៉េនៅទីក្រុងប៉ារីស បានធ្វើឲ្យប្រព័ន្ធផ្សព្វផ្សាយសង្គមមានភាពច្របូកច្របល់យ៉ាងខ្លាំង។ តារាទាំងពីរបច្ចុប្បន្នកំពុងតែស្ថិតនៅទឹកដីនៃប្រទេសបារាំង សម្រាប់ព្រឹត្តិការណ៍របស់ Celine ក្នុងកម្មវិធី BTS Fashion Week ត្រូវបានថតជាបន្តបន្ទាប់នូវភាពស្និទ្ធស្នាលដ៏ផ្អែមល្ហែម និងគួរឲ្យភ្ញាក់ផ្អើលដែលអ្នកគាំទ្រកំពុងហៅ ចេញពីស្គ្រីបរឿង BL (BL នៅទីនេះតំណាងឲ្យស្នេហាប្រុសឬ ស្នេហាភេទទី៣) ។

ជាពិសេស ខណៈពេលដែលអ្នកទាំងពីរបានមកដល់កម្មវិធីដោយឡែកពីគ្នានោះ ពួកគេត្រូវបានគេប្រទះឃើញចាកចេញជាមួយគ្នា ដោយ V ជាអ្នកនាំផ្លូវដោយទំនុកចិត្ត ហើយ Park Bo Gum ដើរតាមពីក្រោយដោយអោបដៃមិត្តល្អបំផុតរបស់គាត់យ៉ាងជិតស្និទ្ធបំផុត។ នៅពេលដែលតារាសម្ដែងដើរថយក្រោយមួយសន្ទុះ តារាចម្រៀង V បានងាកមកវិញ ចាប់ដៃរបស់គាត់ថ្នមៗដូចជាស្នេហាប្រុសស្រីយ៉ាងដូច្នោះ។

ការផ្លាស់ប្តូរដ៏ខ្លី ប៉ុន្តែគួរឲ្យចាប់អារម្មណ៍នេះ បានរីករាលដាលភ្លាមៗ ដោយជំរុញឲ្យមានរលកនៃខ្លឹមសារដែលធ្វើឡើងដោយអ្នកគាំទ្រ និងសាច់រឿងដែលរំពឹងទុកថាពួកគេនឹងអាចសម្ដែងភាពយន្តប្រភេទនេះរួមគ្នា។ អ្នក​ម​លេង​អ៊ីនធឺណិត​ម្នាក់​បាន​និយាយ​ថា សេណារីយ៉ូ 7749 BL ទើប​តែ​សរសេរ​ខ្លួន​ឯង។

ទន្ទឹមនឹងនោះ តារាទាំងពីរមើលទៅស្អាតឥតខ្ចោះ ដោយ V បញ្ចេញនូវភាពទាក់ទាញ និងម៉ូដដ៏អង់អាចរបស់គាត់ ខណៈដែល Park Bo Gum បង្ហាញភាពឆើតឆាយទន់ភ្លន់។ បន្ថែមពីនេះ នេះមិនមែនជាលើកទីមួយទេ ដែលអ្នកទាំងពីរ ធ្វើឲ្យមានការភ្ញាក់ផ្អើល ព្រោះប៉ុន្មានថ្ងៃមុននេះ គេឃើញអ្នកទាំងពីរ ទៅជប់លៀង នៅក្នុងក្លឹបរាត្រី ទីក្រុងប៉ារីស ជាមួយគ្នា ដោយបង្ហាញភាពស្និទ្ធស្នាលជាសាធារណៈ តាំងពីចាប់ដៃគ្នា ឱបគ្នាលេង សើចសប្បាយជាមួយគ្នាជាដើម៕

អត្ថបទ៖ សាង ស្រីល័ក្ខ

ចុចអាន៖Taemin ក្រុម SHINee សុំទោសប្រជាជនជប៉ុន ដែលនិយាយលេចសើចពីគ្រោះរញ្ជួយដី