ព័ត៌មានអន្ដរជាតិ

មនុស្សចាស់ដែលមានជំងឺវង្វេងវង្វាន់ ប្រឈមការស្លាប់ខ្ពស់ដោយកូវីដរហូតដល់ ៩០ ភាគរយ

បានផុស

៥ years មុន

នៅ

ថ្ងៃសុក្រ ២ មេសា ២០២១

ដោយ

ការសិក្សាមួយដែលត្រូវបានចេញផ្សាយដោយ JAMA Network Open បានរកឃើញថា អ្នករស់នៅក្នុងមណ្ឌលថែទាំដែលមានអាយុ ៩០ ឆ្នាំឡើងទៅ នៅសហរដ្ឋអាមេរិកមានអត្រាស្លាប់ដោយសារជំងឺកូវីដ១៩ ជិត ៣ ដងច្រើនជាងអ្នកដែលមានអាយុ ៦៥ ទៅ ៧០ ឆ្នាំ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទិន្នន័យបានបង្ហាញថា លើសពីនេះទៀតអ្នកដែលមានជំងឺវង្វេងវង្វាន់ធ្ងន់ធ្ង រដោយមិនគិតពីអាយុប្រឈមហានិភ័យខ្ពស់ដល់ ៩០% នៃការស្លាប់ដោយកូវីដ១៩។

សាស្ត្រាចារ្យផ្នែកវេជ្ជសាស្ត្រនៃសាកលវិទ្យាល័យវេជ្ជសាស្ត្រ Texas នៅ GalvestonGoodwin បាននិយាយថា ” ការកើនឡើងអាយុ ជំងឺវង្វេង មុខងាររាងកាយចុះខ្សោយត្រូវបានផ្សារភ្ជាប់ជាមួយនឹងការកើនឡើងហានិភ័យនៃការស្លាប់ ” ។

យោងតាមតួលេខចេញផ្សាយដោយមជ្ឈមណ្ឌលត្រួតពិនិត្យនិងបង្ការជំងឺសហរដ្ឋអាមេរិកបានឲ្យដឹងថា ប្រហែលជា ៨១% នៃប្រជាជនដែលបានស្លាប់ដោយសារជំងឺកូវីដ នៅសហរដ្ឋអាមេរិកក្នុងឆ្នាំ ២០២០ មានអាយុ ៦៥ ឆ្នាំឡើងទៅ។ ទីភ្នាក់ងារបានប៉ាន់ប្រមាណថា អ្នករស់នៅមណ្ឌលថែទាំមានចំនួន ២២% នៃការស្លាប់ដែលទាក់ទងនឹងវីរុសកាលពីឆ្នាំមុន។

ការសិក្សាមួយបានវិភាគទិន្នន័យលើមនុស្សជាង ៤៨២,០០០ នាក់មានអាយុលើសពី ៦៥ ឆ្នាំរស់នៅក្នុងមណ្ឌលថែទាំជាង ១៥,០០០ក្នុងរយៈពេលចន្លោះពីថ្ងៃទី ១ ខែមេសាដល់ថ្ងៃទី ៣០ ខែកញ្ញាឆ្នាំមុន ដែលរួមបញ្ចូលទាំងរលកទីមួយនិងទីពីរនៃជំងឺរាតត្បាតនៅសហរដ្ឋអាមេរិក។

ក្នុងចំណោមអ្នករស់នៅតាមមណ្ឌលថែទាំរួមមាន ២៨% បានធ្វើតេស្តវិជ្ជមាន និង ២១% ត្រូវការការព្យាបាលនៅមន្ទីរពេទ្យ និងជាង ១៩% បានស្លាប់ដោយសារការឆ្លងមេរោគ។

អ្នករស់នៅមណ្ឌលថែទាំដែលធាត់ខ្លាំងមានហានិភ័យខ្ពស់ក្នុងការឆ្លងជំងឺដល់ទៅ ១៩% និងហានិភ័យនៃការចូលសម្រាកក្នុងមន្ទីរពេទ្យមានចំនួន ៤០ %បើធៀបនឹងអ្នកដែលមានទម្ងន់រាងកាយមានសុខភាពល្អ។ អ្នករស់នៅតាមមណ្ឌលថែទាំបុរសមានហានិភ័យខ្ពស់ជាង ៣២ % ធៀបនឹងអ្នករស់នៅជាស្ត្រី ខណៈអ្នកមានជំងឺតម្រងនោមនិងទឹកនោមផ្អែមដោយមិនគិតពីភេទ មានហានិភ័យខ្ពស់ជាង ២០% សម្រាប់ការចូលសម្រាកក្នុងមន្ទីរពេទ្យ។ មានតែអ្នកអាយុ ៩០ ឆ្នាំឬចាស់ជាងនេះ ហើយទទួលរងពីជំងឺវង្វេងស្មារតីធ្ងន់ធ្ងរ ទើបអាចបង្កើនហានិភ័យនៃការស្លាប់ខ្ពស់ក្នុងចំណោមអ្នករស់នៅមណ្ឌលថែទាំ៕

ប្រែសម្រួល៖ សាង ស្រីល័ក្ខ

ប្រភព៖UPI

ចុចអាន៖កុំបារម្ភ ទោះមានឬគ្មានអាការទាំងនេះក្រោយចាក់វ៉ាក់សាំង ក៏នៅតែមានប្រសិទ្ធភាពចំពោះរាងកាយ

ចុចអាន៖អ្នកជាសះស្បើយពីកូវីដ អាចប្រឈមបញ្ហាតម្រងនោមធ្ងន់ធ្ងរ

Related Topics:សហរដ្ឋអាមេរិក