ព័ត៌មានអន្ដរជាតិ

វៀតណាម រកឃើញទីតាំង៣កន្លែង ប្រើសារធាតុគីមី ត្រាំត្រយ៉ូងចេក

បានផុស

១១ ខែ មុន

នៅ

ថ្ងៃពុធ ៩ កក្កដា ២០២៥

ដោយ

ប៉ូលិសទីក្រុងហូជីមិញ កាលពីថ្ងៃទី៨ ខែកក្កដា បានរកឃើញត្រយ៉ូងចេកដែលចិតរួចរាប់រយគីឡូក្រាម ត្រាំក្នុងទឹកដែលមានសារធាតុបូរ៉ាក់ (Borax) និងសារធាតុ bleaching នៅទីតាំងចំនួនបី កំពុងរង់ចាំត្រៀមដាក់លក់និងចែកចាយនៅលើទីផ្សារ។

ផ្កាចេកត្រូវបានត្រាំក្នុងធុងគីមីក្នុងសង្កាត់ Binh Dong ទីក្រុង HCMC។ រូបថតរបស់ Police

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាម នាយកដ្ឋានប៉ូលិសសេដ្ឋកិច្ច (PC03) បានប្តឹងករណីប្រឆាំងនឹងទីតាំងចំនួនបី នៅក្នុងតំបន់លំនៅដ្ឋាន Ben Luc ក្នុងសង្កាត់ Binh Dong ខណ្ឌទី ៨ ពីបទប្រើប្រាស់សារធាតុគីមីពុលក្នុងអាហារ។ សារធាតុគីមីធ្វើឲ្យពួកវាមើលទៅកាន់តែមានពណ៌សស្អាត មានរសជាតិស្រួយ និងកាន់តែរក្សារទុកបានយូរ។

យ៉ាងណា ក្រុមប៉ូលិសបានឆ្មក់ចូលក្នុងពេលដំណាលគ្នានឹងកន្លែងទាំងបី ហើយបានរកឃើញកម្ទេចកម្ទីផ្លែត្រយ៉ូងចេកជាច្រើនដើម ដែលត្រាំក្នុងធុងប្លាស្ទិកចំណុះ ២០០ លីត្រ ដែលពោរពេញទៅដោយសាធារធាតុពណ៌ស។ នៅក្រុមហ៊ុនមួយ ទៀត ដែលមានបុគ្គលិកច្រើននាក់ ពួកគេបានរកឃើញត្រយ៉ូងចេកដែលចិតរួច ៦០គីឡូក្រាម ត្រាំក្នុងធុងដែលពោរពេញទៅដោយល្បាយនៃុសារធាតុ sodium metabisulfite, alum និងបូរ៉ាក់។

ម្ចាស់រោងចក្រមួយបាននិយាយថា អាជីវកម្មនេះមិនបានចុះបញ្ជីទេ ហើយគាត់មិនមានលិខិតបញ្ជាក់សុវត្ថិភាពអាហារទេ។ ជាទូទៅ គាត់បានទិញត្រយ៉ូងចេកប្រហែល ៥០០ គីឡូក្រាមក្នុងមួយថ្ងៃក្នុងតម្លៃ ៨ពាន់ដុង ហើយត្រាំវាម្តងហើយម្តងទៀតក្នុងទឹកដែលបានលាយគីមីរួចជាស្រេច។ ក្រោយពីចិតរួច បន្លែទាំងនោះត្រូវប្រមូលបាន២០០គីឡូក្រាម ហើយលក់ទៅលក់ដុំក្នុងតម្លៃ២ម៉ឺន-៣ម៉ឺនដុងក្នុងមួយគីឡូក្រាម ។

ក្រោយមក ទើបប៉ូលិសរឹបអូសបានម្សៅក្រាមពណ៌សជាង ១១៥ គីឡូក្រាម និងម្សៅក្រាមពណ៌គីមីរាប់សិបគីឡូក្រាមពីកន្លែងទាំងបី។

ត្រយ៉ូងចេកត្រូវបានប្រើប្រាស់ក្នុងមុខម្ហូបវៀតណាមជាច្រើន ដើម្បីបង្កើនរសជាតិ និងធ្វើជារបសកែច្នៃជាច្រើនទៀត។ នៅប្រទេសវៀតណាម ការប្រើប្រាស់សារធាតុ borax ត្រូវបានហាមឃាត់ក្នុងការផលិត និងកែច្នៃអាហារ ដោយសារវាជាសារធាតុគីមីពុលដែលអាចប៉ះពាល់ដល់សុខភាពរយៈពេលវែង និងអាចនាំឲ្យថយចុះការយល់ដឹង។ ប៉ុន្តែអ្នកផលិតដែលគ្មានសីលធម៌មួយចំនួនបន្តប្រើវាក្នុងអាហារ។

ជាពិសេស ពួកគេបានប្រើលើសពីកម្រិតដែលអនុញ្ញាត សូដ្យូមមេតាប៊ីស៊ុលហ្វីតអាចបណ្តាលឲយមានរោគសញ្ញាចាប់ពីកម្រិតស្រាល ឈឺពោះ រាគ ប្រតិកម្មអាឡ័កស៊ី ឬអាចរហូតដល់ធ្ងន់ធ្ងរ ពិបាកដកដង្ហើម ហៀរសំបោរ ខូចថ្លើម និងតម្រងនោម និងរហូតដល់ស្លាប់៕