រញ្ជួយដីបន្តបន្ទាប់អង្រួនប្រទេសហ្គាតេម៉ាឡាសម្លាប់មនុស្ស ២ នាក់

យោងតាមការចេញផ្សាយរបស់ទីភ្នាក់ងារព័ត៌មាន​ Reuters នៅថ្ងៃទី០៩ខែកក្កដានេះ ការរញ្ជួយដីជាបន្តបន្ទាប់បានកក្រើកប្រទេស ហ្គាតេម៉ាឡា ដោយជំរុញឱ្យអាជ្ញាធរស្នើឱ្យប្រជាជនជម្លៀសខ្លួនចេញពីអគារ ខណៈមនុស្ស២នាក់បានបាត់បង់ជីវិត។

រញ្ជួយដីកម្រិតពី៣.៩ ដល់ ៥.៦ រ៉ិចទ័រ បានអង្រួនភាគខាងត្បូងប្រទេសហ្គាតេម៉ាឡា ដែលមានចំណុចកណ្តាលស្ថិតនៅក្បែរទីក្រុង Amatitlan និង Alotenango ភាគនិរតីនៃរដ្ឋធានី នេះបើយោងតាមវិទ្យាស្ថានរញ្ជួយដីរបស់ប្រទេស ។

យោងតាមអាជ្ញាធរក្នុងតំបន់បានឱ្យដឹងថា មនុស្សពីរនាក់បានបាត់បង់ជីវិតដោយសារតែរថយន្តរបស់ពួកគេបានកប់ក្រោមដីក្រោយមានបំណាក់ដីលើផ្លូវហាយវេមួយក្នុងអំឡុងពេលមានរញ្ជួយដី។

មានប្រជាជនខ្លះបានរងរបួស និងបង្ខំមនុស្សរាប់សិបនាក់ឱ្យជម្លៀសអគារនានា ខណៈសំឡេងរោទិ៍ជូនដំណឹងពីរញ្ជួយដីបានបន្លឺឡើងពេញទីក្រុង៕

អត្ថបទ៖ ប៊ុន សុភាព