ព័ត៌មានអន្ដរជាតិ
ក្រោយឥណ្ឌាផ្អាកផ្គត់ផ្គង់ទៅ COVAX វៀតណាម ស្នើការគាំទ្រពីបរទេសសម្រាប់ទទួលបានវ៉ាក់សាំងកូវីដ
ប្រទេសវៀតណាមបានអំពាវនាវដល់អ្នកការទូតមកពីសហរដ្ឋអាមេរិក សហភាពអឺរ៉ុប (EU) និងជប៉ុនឲ្យជួយខ្លួនក្នុងការផ្គត់ផ្គង់វ៉ាក់សាំងការពារជំងឺកូវីដ ១៩ ដែលជាផ្នែកមួយនៃកិច្ចខិតខំប្រឹងប្រែងដើម្បីទទួលបានវ៉ាក់សាំងចំនួន ១៥០ លានដូសសម្រាប់ចាក់ដល់ប្រជាជនពេញវ័យរបស់ខ្លួន ។
រហូតមកដល់ពេលនេះប្រទេសវៀតណាមបានទទួលវ៉ាក់សាំងរបស់ក្រុមហ៊ុន AstraZeneca ប្រហែល ៩៣០,០០០ ដូស ប៉ុន្តែប្រទេសនេះក៏ចង់ទិញវ៉ាក់សាំងបន្ថែមពីក្រុមហ៊ុន Pfizer, Johnson & Johnson, Moderna, Sinovac របស់ចិន និងវ៉ា់ក់សាំង Sputnik V របស់រុស្ស៊ី ជាដើម ។
ក្រសួងសុខាភិបាលបាននិយាយនៅក្នុងសេចក្តីថ្លែងការណ៍មួយកាលពីថ្ងៃសុក្រថា លោក Nguyen Thanh Long រដ្ឋមន្រ្តីក្រសួងសុខាភិបាលបានស្នើសុំឲ្យស្ថានទូតជប៉ុនជួយក្នុងការផ្ទេរបច្ចេកវិទ្យាសម្រាប់ការផលិត និងការធ្វើតេស្តវ៉ាក់សាំងនៅក្នុងប្រទេសវៀតណាម ។
សេចក្តីថ្លែងការណ៍បាននិយាយថា លោក Long ក៏បានស្នើឲ្យឯកអគ្គរដ្ឋទូតសហរដ្ឋអាមេរិកជួយក្នុងការពន្លឿនយុទ្ធនាការចាក់វ៉ាក់សាំងរបស់វៀតណាម និងការទទួលបានវ៉ាក់សាំងពីក្រុមហ៊ុនផលិតឱសថអាមេរិក ហើយបានប្រាប់អ្នកតំណាងសហភាពអឺរ៉ុបថា លោកសង្ឃឹមថា ក្រុមហ៊ុនឱសថអឺរ៉ុបនឹងពិចារណាការវិនិយោគបន្ថែមទៀតនៅវៀតណាម ។
កិច្ចប្រជុំនេះបានធ្វើឡើងមួយថ្ងៃ បន្ទាប់ពីលោក Long កាលពីថ្ងៃពុធបានជួបជាមួយអ្នកការទូតចិន ឥណ្ឌា និងរុស្ស៊ីដើម្បីពិភាក្សាអំពីវ៉ាក់សាំងទាំងនេះ ។
ទន្ទឹមនោះប្រទេសវៀតណាមក៏នឹងទទួលបាននូវវ៉ាក់សាំងចំនួន ៤.១ លានដូសតាមរយៈគម្រោង COVAX នៅចុងខែឧសភា ប៉ុន្តែត្រូវបានពន្យារពេលបន្ទាប់ពីឥណ្ឌាផ្អាកការផ្គត់ផ្គង់ទៅកាន់យន្តការដែលដឹកនាំដោយអង្គការសុខភាពពិភពលោក (WHO) ។
បន្ថែមពីនេះក្រុមហ៊ុនវៀតណាមចំនួន ៤ ក៏បានចូលរួមស្រាវជ្រាវ និងផលិតវ៉ាក់សាំងផងដែរ ខណៈដែលក្រុមហ៊ុនចំនួន ២ ទៀតស្ថិតក្នុងដំណាក់កាលសាកល្បងលើមនុស្ស ហើយវ៉ាក់សាំងផលិតក្នុងស្រុកដែលមានឈ្មោះថា Nanocovax ត្រូវបានគេរំពឹងថានឹងត្រូវប្រើប្រាស់នៅឆ្នាំ ២០២២ ។
គួរបញ្ជាក់ថា គិតត្រឹមពេលនេះប្រទេសវៀតណាមមានករណីឆ្លងជំងឺកូវីដ ១៩ ចំនួន ២,៦៦២ ករណីនិងមានអ្នកស្លាប់ចំនួន ៣៥ នាក់ ៕
ប្រែសម្រួលដោយ ៖ ជីវ័ន្ត
ប្រភព ៖ CNA
ចុចអាន ៖ វៀតណាម ផ្តល់ជំនួយ២០ម៉ឺនដុល្លារអាមេរិកជូន កម្ពុជា ប្រយុទ្ធប្រឆាំងជំងឺកូវីដ ១៩
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»