កីឡា

អ្នកប៉ះសេ Alessia ឈ្នះពានកីឡាការិនី ឆ្នើមបំផុតប្រចាំព្រឹត្តិការណ៍បាល់ទះនារីពិភពលោក

បានផុស

៨ ខែ មុន

នៅ

ថ្ងៃចន្ទ ៨ កញ្ញា ២០២៥

ដោយ

កីឡាការិនីលើកបាល់ទះជម្រើសជាតិ អ៉ីតាលី Alessia Orro បានឈ្នះពានឯកត្តជនចំនួន ២ ម្នាក់ឯង បន្ទាប់ពីបានជួយក្រុមនារី អ៉ីតាលី ឈ្នះជើងឯកបាល់ទះនារីពិភពលោក ឆ្នាំ ២០២៥។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាការិនី Alessia Orro បានដើរតួនាទីយ៉ាងសំខាន់ក្នុងការលើកបាល់ឲ្យមិត្តរួមក្រុមផ្តាច់រកពិន្ទុតាំងពីវគ្គសន្សំពិន្ទុក្នុងពូល រហូតដល់វគ្គផ្តាច់ព្រ័ត្រ។ ក្រុមនារី អ៉ីតាលី មិនស្គាល់បរាជ័យឡើយពោលគឺឈ្នះ ៣ លើកនៅវគ្គសន្សំពិន្ទុក្នុងពូល លើ ប៊ែលហ្ស៊ិក គុយបា និងស្លូវេនី។ នៅវគ្គ ១៦ ក្រុមចុងក្រោយ ពួកគេបាន ឈ្នះ អាល្លឺម៉ង់ ៣-០, វគ្គ ៨ ក្រុមចុងក្រោយ ឈ្នះ ប៉ូឡូញ ៣-០ និងវគ្គពាក់កណ្តាលផ្តាច់ព្រ័ត្រ ឈ្នះ ប្រេស៊ីល ៣-២ មុនពេល វគ្គផ្តាច់ព្រ័ត្រ ឈ្នះ តួកគី ៣-២។

ដូច្នេះ ពួកគេបានឈ្នះជើងឯកបាល់ទះនារីពិភពលោក ឆ្នាំ ២០២៥ និងជាការឈ្នះជើងឯកលើកទី២ក្នុងប្រវត្តិសាស្ត្ររបស់ខ្លួន បន្ទាប់ពីពួកគេបានឈ្នះលើកទី១ កាលពីឆ្នាំ ២០០២។ តួកគីទទួលបានចំណាត់ថ្នាក់លេខ ២ និងប្រេស៊ីលលេខ៣ ខណៈជប៉ុន លេខ ៤ អាមេរិកលេខ៥។

បើនិយាយពីពានឯកត្តជនវិញគឺកីឡាការិនី Alessia Orro ពានឈ្នះពាន ២ ម្នាក់ឯងគឺពានកីឡាការិនីឆ្នើមបំផុតប្រចាំព្រឹត្តិការណ៍ និងពានអ្នកប៉ះសេល្អបំផុត។ ពានស្មាត់ស្តាំល្អបំផុតបានទៅកីឡាការិនីប្រេស៊ីល Gabriela Guimaraes និងកីឡាការិនីជប៉ុន Mayu Ishikawa ខណៈ ពានស្មាត់ឆ្វេងល្អបំផុតបានទៅកីឡាការិនីតួកគី Melissa Vargas ហើយពានអ្នកការពារកណ្តាលល្អបំផុតបានទៅកីឡាការិនី តួកគី Eda Erdem និងកីឡាការិនីអ៉ីតាលី Anna Danesi ហើយចុងក្រោយពានលីប៊ើរ៉ូល្អបំផុតបានទៅកីឡាការិនីអ៉ីតាលី Monica De Gennaro។