ព័ត៌មានអន្ដរជាតិ

ប៉ូឡូញបង្ហាញបំណងជំរុញថាមពលនុយក្លេអ៊ែរ និងមានបច្ចេកវិទ្យានុយក្លេអ៊ែរ

បានផុស

៨ ខែ មុន

នៅ

ថ្ងៃពុធ ១៧ កញ្ញា ២០២៥

ដោយ

ខណៈពេលដែលភាពតានតឹងផ្នែកយោធាជាមួយមហាអំណាចនុយក្លេអ៊ែររុស្ស៊ី និងដែលត្រូវបានលើកខាងលិចនិទស្សន៍ថា រុស្ស៊ីអាចវាទីប្រទេសជាសមាជិកអង្គការណាតូ លើសពីទឹកដីអ៊ុយក្រែន នៅពេលដែលរុស្ស៊ីឈ្នះសមរភូមិនោះ ប្រធានាធិបតីប៉ូឡូញ បានបង្ហាញពីបំណងផលិតអាវុធនុយក្លេអ៊ែរ មិនត្រឹមតែសម្រាប់ថាមពលស៊ីវិលទេ ថែមទាំងបច្ចេកវិទ្យានុយក្លេអ៊ែរយោធាផងដែរ។

ប្រធានាធិបតីប៉ូឡូញ Karol Nawrocki។ REUTERS

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងពេលផ្តល់បទសម្ពាសន៍ដល់ទូរទស្សន៍ LCI របស់ប្រទេសបារាំង ប្រធានាធិបតីប៉ូឡូញ លោក Karol Nawrocki បាននិយាយជាសាធារណៈថា ប្រទេសប៉ូឡូញគួរតែអភិវឌ្ឍសមត្ថភាពនុយក្លេអ៊ែររបស់ខ្លួន ខណៈពេលដែលប្រទេសប៉ូឡូញកំពុងទទួលបានការគាំទ្រយ៉ាងខ្លាំងពីប្រទេសមហាអំណាចអឺរ៉ុប និងសម្ព័ន្ធមិត្តណាតូ ក្នុងពេលដែលមានជម្លោះកើនឡើងជាមួយមហាអំណាចនុយក្លេអ៊ែររុស្ស៊ី។

រុស្ស៊ីបានរងការចោទប្រកាន់ពីសំណាក់ប្រទេសប៉ូឡូញ និងសម្ព័ន្ធមិត្តអឺរ៉ុបថា បានបង្ហោះយន្តហោះគ្មានមនុស្សបើក (ដ្រូន) ចំនួន១៩គ្រឿងកាលថ្ងៃទី៩និងថ្ងៃទី១០ខែកញ្ញានេះ ចូលដែនអាកាសប្រទេសប៉ូឡូញ ដោយបង្កឲ្យមានប្រតិកម្មយ៉ាងខ្លាំងពីសំណាក់ប្រទេសប៉ូឡូញ និងសម្ព័ន្ធមិត្តណាតូ។

ទោះបីជាយ៉ាងណា មានការលើកឡើងថា ប្រធានាធិបតីប៉ូឡូញ កំពុងនិយាយអំពីថាមពលនុយក្លេអ៊ែរស៊ីវិល រួមទាំង រ៉េអាក់ទ័រខ្នាតតូច (SMRs) និងការបើកទ្វារសម្រាប់ការធ្វើជាម្ចាស់ផ្ទះអាវុធនុយក្លេអ៊ែរបរទេសក្រោមការរៀបចំ «ចែករំលែក» របស់ណាតូ មិនមែនជាកម្មវិធីអាវុធនុយក្លេអ៊ែរជាតិឯករាជ្យនោះទេ។

លោក Karol Nawrocki ត្រូវបានស្រង់សម្តីដូចនិយាយថា៖ «ជាប្រធានាធិបតីប៉ូឡូញ ខ្ញុំជឿជាក់ថា ខ្លួនគួរតែចូលរួមក្នុងកម្មវិធីចែករំលែកនុយក្លេអ៊ែរ» ដោយនិយាយបន្ថែមថា ប្រទេសរបស់គាត់គួរតែមានបច្ចេកវិទ្យានុយក្លេអ៊ែរផ្ទាល់ខ្លួន រួមទាំងថាមពលអាតូមិកផងដែរ។ នេះយោងតាមការចេញផ្សាយរបស់សារព័ត៌មាន TASS របស់រុស្ស៊ី។

យោងគេហទំព័រ montel.energy ប្រធានាធិបតីប៉ូឡូញ បានសន្យាថា នឹងគាំទ្រការសាងសង់រោងចក្រនុយក្លេអ៊ែរចំនួនបីរហូតដល់ឆ្នាំ២០៤៥ ដែលរោងចក្រទីមួយត្រូវសាងសង់នៅឆ្នាំ២០៣៥។ ប្រសិនបើចក្ខុវិស័យរបស់ Nawrocki ត្រូវបានក្លាយជាការពិត នោះវានឹងនាំទៅដល់ការនាំយករោងចក្រដំបូងក្នុងរយៈពេល២ ឆ្នាំ និងឈានដល់ថាមពល 4.8 GW នៅក្នុង SMRs៕