ក្រសួងបរិស្ថាននឹងប្រារព្ធទិវាអនាម័យបរិស្ថានជាតិ ២៣ វិច្ឆិកា នៅខេត្តមណ្ឌលគិរី

ក្រសួងបរិស្ថាន សហការជាមួយរដ្ឋបាលខេត្តមណ្ឌលគិរី នឹងប្រាព្ធពិធីស្តីពី ទិវាអនាម័យបរិស្ថានជាតិ ២៣ វិចិ្ឆកា ឆ្នាំ២០២២ ក្រោមប្រធានបទ៖ “មាតុភូមិយើង កាតព្វកិច្ចយើង ស្អាត និងបៃតង”។ ទិវានេះនឹងប្រព្រឹត្តទៅនៅថ្ងៃទី ២២ ខែវិច្ឆិកា ឆ្នាំ២០២២ វេលាម៉ោង ៧:៣០ ដល់ម៉ោង ៩:៣០នាទីព្រឹក នៅក្រុងសែនមនោរម្យ ខេត្តមណ្ឌលគិរី។

ទិវាអនាម័យបរិស្ថានធ្វើឡើងក្នុងគោលបំណង លើកកម្ពស់ការយល់ដឹងអំពីបរិស្ថាន ដល់សាធារណជនទូទៅដូចជា ប្រជាជន សិស្ស និស្សិត ជំរុញនិងលើកទឹកចិត្តឱ្យមានការការពារបរិស្ថាន អភិរក្សជីវៈចម្រុះ និងការរស់នៅប្រកបដោយចីរភាព៕

ដោយ​អំពាវនាវដល់សាធារណជនទាំងអស់ ស្ថាប័នពាក់ព័ន្ធ រួមមានអ្នកសារព័ត៌មានជាតិ និងអន្តរជាតិផងនោះ ចូលរួមទិវានេះឱ្យបានច្រើនកុះករ ដើម្បីឈ្វេងយល់ពីកាតព្វកិច្ច ការពារបរិស្ថានបន្ថែមទៀត និងឆ្ពោះទៅរកភាពល្អប្រសើរឡើង ជាមួយគ្នានេះ​ក្រសួងក៏បានក្រើនរំលឹកដល់សាធារណជនដែលចូលរួមព្រឹត្តិការណ៍នេះ កុំភ្លេចការណែនាំរបស់ក្រសួងសុខាភិបាលនូវវិធានការការពារកូវីដ-១៩ “៣កុំ ៣ការពារ” ផងដែរ៕

ដោយ៖ អុន ស្រីមាន