អាហារូបករណ៍បន្តការសិក្សានៅអូស្ត្រាលីសម្រាប់និស្សិតពុំសូវមានលទ្ធភាព បានមកដល់ហើយ

អាហារូបករណ៍បន្តការសិក្សាថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតនៅប្រទេសអូស្រ្តាលីសម្រាប់និស្សិតដែលខ្វះខាតក្នុងការសិក្សា បានមកដល់ទៀតហើយ។ នេះបើតាមការប្រកាសឲ្យដឹងរបស់ក្រសួងអប់រំ យុវជន និងកីឡា កាលពីថ្ងៃទី១៣ ខែមេសា ឆ្នាំ២០២៣ កន្លងទៅ។

អាហារូបករណ៍តាមរយៈរដ្ឋាភិបាលអូស្រ្តាលីនេះមានឈ្មោះថា “Australia Award Scholarship Intake 2024” គឺផ្តល់អាទិភាពដល់និស្សិតកម្ពុជាដែលមានជីវភាពក្រីក្រ មានពិការភាព ឬ ជនជាតិដើមភាគតិច ជាពិសេសស្រី្តមកពីតំបន់ដាច់ស្រយាល។

ឱកាសអាហារូបករណ៍នេះ ចាប់ផ្តើមទទួលពាក្យពីថ្ងៃជូនដំណឹងរហូតដល់ថ្ងៃទី១ ខែឧសភា ឆ្នាំ២០២៣។ និស្សិតអាចដាក់ពាក្យអាហារូបករណ៍ តាមរយៈគេហទំព័រ៖ https://www.australiaawardscambodia.org/Scholarship/#apply។ សម្រាប់ព័ត៌មានលំអិត អាចចូលមើលនៅក្នុងគេហទំព័រ៖ https://www.australiaawardscambodia.org/contact/ ។

ស្របជាមួយគ្នានេះ ក្រសួងក៏បានផ្តល់ដំណឹងដល់អ្នកដែលមានចំណាប់អារម្មណ៍ចង់ចូលរួមការធ្វើបទបង្ហាញ (Briefing) ស្តីពីការផ្តល់អាហារូបករណ៍ និងរបៀបដាក់ពាក្យអាហារូបករណ៍ បានដោយទំនាក់ទំនងទៅកាន់ Australia Award Cambodia តាមរយៈលេខទូរស័ព្ទ 012 635 306/015 301 127 ឬ អ៉ីម៉ែល [email protected] សម្រាប់ចុះឈ្មោះចូលរួម៕