វប្បធម៌ ជំនឿ

ជំនឿលេខ ៩ នាំសំណាងឆ្ពោះទៅរកភាពរីកចម្រើន និងតំណាងឲ្យនិរន្តរភាពក្នុងជីវិត

បានផុស

២ years មុន

នៅ

ថ្ងៃសុក្រ ១ តុលា ២០២១

ដោយ

លេខ ៩ នៅពេលអានឬស្តាប់ ក៏ធ្វើឲ្យមានអារម្មណ៍ល្អមកជាមួយដែរ។ យោងទៅតាមជំនឿនៃជនជាតិអាស៊ី លេខ ៩ តំណាងឲ្យនិរន្តរភាពក្នុងជីវិត និងសុភមង្គលពេញលេញ បើបុគ្គលណារើសយកលេខនោះ មកធ្វើការងារអ្វីមួយ ឬពិធីផ្សេងៗ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លេខ ៩ យោងទៅតាមជំនឿរបស់ប្រជាជនថៃ

នៅប្រទេសថៃ លេខ ៩ ត្រូវបានចាត់ទុកថាជាលេខសំណាង ព្រោះមានអត្ថន័យដែលមានន័យដូចពាក្យដែលល្អ វឌ្ឍភាពភាពរីកចម្រើន ឬឆ្ពោះទៅមុខរហូត។ បន្ថែមពីនេះ វាក៏ជាលេខដែលត្រូវបានគេនិយមប្រើសម្រាប់ឱកាសផ្សេងៗ នៅក្នុងព្រឹត្តិការណ៍នាំសំណាងផ្សេងៗ ដែលមានន័យថាពេលវេលាល្អ ឬពេលត្រឹមត្រូវថ្ងៃផងដែរ។

លេខ ៩ យោងទៅតាមជំនឿរបស់ជនជាតិចិន

ចំពោះលេខ ៩ តាមជំនឿរបស់ជនជាតិចិន វាក៏ត្រូវបានគេចាត់ទុកថាជាលេខដែលមានអត្ថន័យល្អផងដែរ ពីព្រោះលេខ ៩ នៅពេលដែលបញ្ចេញសំឡេងត្រូវនឹងពាក្យ 久 ដែលមានន័យថាវែង តំណាងឲ្យនិរន្តរភាព។ វាក៏ជាលេខល្អ ដែលពេញនិយមប្រើក្នុងពិធីមង្គលការផងដែរ។

លេខ៩ល្អ ចុះបើផ្គុំចូលគ្នាបានជាលេខ ៩៩

៩៩ គឺជាលេខមួយទៀតនៅក្នុងន័យល្អ ពីព្រោះ ៩៩ តំណាងឲ្យអំណាចនៃការយល់ដឹង ថាមពលពិសេស និងការមើលឃើញជាមុន ដោយភាពជាក់លាក់។ ជាពិសេសលេខនេះ នឹងធ្វើឲ្យមនុស្សមានប្រាជ្ញាពិសេស មានអំណាចខាងវិញ្ញាណ ធ្វើអ្វីៗតែងមានព្រះការពារពីក្រោយ មានភាពរុងរឿង និងមានសុភមង្គល មានទ្រព្យសម្បត្តិហូរហៀរជានិច្ច៕

ប្រែសម្រួល៖ សាង ស្រីល័ក្ខ

ចុចអាន៖លេខ ៤៩ ក្នុងជំនឿអាស៊ីផ្សារភ្ជាប់ជាមួយភាពអពមង្គល និងពពួកអមនុស្ស

ចុចអាន៖ជំនឿបុរាណដែលចាស់ៗតែងផ្ដាំ និងហាមមិនឲ្យធ្វើ សុទ្ធតែបញ្ជាក់អត្ថន័យ ខាងក្រោមនេះទាំងអស់

Related Topics:អបិយជំនឿ