Connect with us

វប្បធម៌ ជំនឿ

រឿងដល់ទៅ២ទៀត កើតឡើងស្តែងៗដូចទំនាយលោកយាយ Baba Vanga ក្នុងឆ្នាំ២០២២នេះ

បានផុស

នៅ

មានមនុស្សមិនតិចទេ ដែលស្គាល់លោកយាយពិការភ្នែក និងដឹងពីសមត្ថភាពទស្សន៍ទាយដ៏ឆុតរបស់គាត់ ទោះបីពេលនេះ លោកយាយបានទទួលមរណភាពទៅហើយក្តី។

លោកយាយ Baba Vanga

លោកយាយ Baba Vanga ឈ្មោះពិត Vangelia Gushterova សញ្ជាតិប៊ុលហ្គារី ត្រូវពិការភ្នែកនៅអាយុ១២ឆ្នាំ ហើយនៅពេលនោះ គាត់អះអាងថា គាត់បានទទួលអំណោយដ៏កម្រពីព្រះ ដោយអាចមើលឃើញអនាគត។

កន្លងមក មានរឿងជាច្រើនដែលលោកយាយបានទស្សន៍ទាយត្រូវ ហើយសម្រាប់ឆ្នាំ២០២២នេះ មានព្រឹត្តិការណ៍ខ្លះហើយ ដែលបានកើតឡើងដូចទំនាយរបស់គាត់។

លោកយាយ Baba Vanga

ក្នុងឆ្នាំ២០២២នេះ លោកយាយបានទស្សន៍ទាយថា ពិភពលោកនឹងជួបគ្រោះរញ្ជួយដីនិងរលកយក្សស៊ូណាមិ, ជំងឺរាតត្បាតមួយទៀត, ខ្វះទឹកផឹក, ការឈ្លានពានរបស់មនុស្សភពផ្កាយ, ប្រទេសឥណ្ឌាញាំញីដោយរឿងចង្រៃ និង Virtual Reality (VR) នឹងកាន់កាប់ផែនដី។

ក្នុងចំណោមទំនាយទាំងនេះ មានរឿងខ្លះបានកើតឡើងស្តែងៗរួចទៅហើយដូចជាពិភពលោកជួបគ្រោះរញ្ជួយដីជាដើម។ ហើយរឿងចំនួន២ទៀត ដែលកើតឡើងពិតដូចជាទំនាយរបស់លោកយាយ Baba Vanga នោះគឺ ពិភពលោកខ្វះទឹកផឹក និងរឿងចង្រៃញាំញីប្រទេសឥណ្ឌា។

ក្នុងទំនាយ លោកយាយទស្សន៍ទាយថា នៅឆ្នាំ២០២២នេះ ទីក្រុងជាច្រើននឹងត្រូវរងគ្រោះដោយការខ្វះខាតទឹកផឹក។ ដូច្នេះ នេះ​នឹង​មាន​ផល​វិបាក​ខាង​នយោបាយ ខណៈ​រដ្ឋ​ជា​ច្រើន ​នឹង​ត្រូវ​បង្ខំ​ចិត្ត​ស្វែង​រក​ដំណោះ​ស្រាយ​ផ្សេង​ទៀត។

ជាក់ស្តែង ក្នុងប្រទេសបារាំង ទីក្រុងជាង១០០នៅតែគ្មានទឹកផឹក ដោយសារតែគ្រោះរាំងស្ងួត។

គ្រោះរាំងស្ងួត មានសភាពកាន់តែធ្ងន់ធ្ងរឡើងៗ ដោយសារតែរលកកម្តៅដ៏សាហាវ ដែលធ្វើឲ្យសីតុណ្ហភាពនៅក្នុងតំបន់ខ្លះនៃប្រទេសនេះ កើនឡើងដល់ ៤០ អង្សាសេ ហើយបណ្តាលឲ្យមានមានភ្លើងឆេះព្រៃ ការជម្លៀសមនុស្ស និងការស្លាប់ដោយសារកម្តៅ។

នាយករដ្ឋមន្ត្រីបារាំង លោកស្រី Elisabeth Borne និយាយថា គ្រោះរាំងស្ងួតពេលនេះ គឺ អាក្រក់បំផុតមិនធ្លាប់មានសោះ នៅក្នុងប្រវត្តិសាស្ត្ររបស់ប្រទេស ហើយអះអាងថា វាក៏ជះឥទ្ធិពលយ៉ាងធ្ងន់ធ្ងរដល់សេដ្ឋកិច្ចផងដែរ ដោយសារតែវាបានបំផ្លិចបំផ្លាញកសិករបារាំង ព្រោះដំណាំរបស់ពួកគេបានក្រៀមស្វិតក្រោមកម្តៅថ្ងៃ។

ដោយឡែក របាយការណ៍ពីគណៈកម្មការអឺរ៉ុប ដែលចេញផ្សាយកាលពីចុងខែកក្កដាបានបង្ហាញថា ជិតពាក់កណ្តាលនៃសហភាពអឺរ៉ុប ត្រូវរងផលប៉ះពាល់ទៅនឹងកម្រិតព្រមានអំពីគ្រោះរាំងស្ងួត ខណៈ ១១% នៃប្លុកនេះ អាចប្រឈមនឹងកម្រិតប្រកាសអាសន្នខ្ពស់។

ទន្ទឹមនោះ ក្រុមមន្ត្រីទីក្រុងវ៉ាស៊ីនតោន បាននិយាយថា រដ្ឋមួយចំនួនរបស់សហរដ្ឋអាមេរិក ត្រូវតែកាត់បន្ថយការប្រើប្រាស់ទឹក ដើម្បីចៀសវាង “ការដួលរលំដ៏មហន្តរាយ” នៃទន្លេ Colorado ខណៈគ្រោះរាំងស្ងួតជាប្រវត្តិសាស្ត្រ កំពុងកើតឡើង។

ថ្វីបើមានការព្រមានជាច្រើនឆ្នាំមកហើយក៏ដោយ រដ្ឋដែលពឹងផ្អែកលើទន្លេនេះ មិនអាចកាត់បន្ថយតម្រូវការរបស់ពួកគេឲ្យបានគ្រប់គ្រាន់នោះទេ ហើយកាលពីថ្ងៃអង្គារ រដ្ឋាភិបាលសហព័ន្ធនិយាយថា ខ្លួនកំពុងចាត់វិធានការកាត់បន្ថយការប្រើប្រាស់ទឹកទន្លេ។

ភាគខាងលិចនៃសហរដ្ឋអាមេរិក កំពុងរងទុក្ខវេទនាដោយសារគ្រោះរាំងស្ងួត ដែលឥឡូវនេះឈានដល់ឆ្នាំទី២៣ហើយ និងជាគ្រោះរាំងស្ងួតអាក្រក់បំផុតក្នុងរយៈពេលជាង១០០០ឆ្នាំ។

ទន្លេ Colorado

រឿងមួយទៀត! លោកយាយ Baba Vanga ទាយថា សីតុណ្ហភាពនៅក្នុងប្រទេសឥណ្ឌានឹងឡើងដល់៥០អង្សាសេ ដែលនឹងធ្វើឲ្យសត្វកណ្តូបនិងសត្វល្អិត វាយប្រហារលើដំណាំ និងដីកសិកម្ម បង្កឲ្យមានគ្រោះទុរ្ភិក្សដ៏សម្បើម។

ពិតណាស់ ប្រទេសឥណ្ឌា​ កំពុងញាំញីដោយរឿងចង្រៃ មែន។ 

បន្ទាប់ពីសីតុណ្ហភាពបានកើនឡើងដល់៥០អង្សាសេ នៅផ្នែកខ្លះនៃប្រទេសឥណ្ឌា កាលពីប៉ុន្មានខែមុន ពេលនេះមនុស្សរាប់ពាន់នាក់ដែលរស់នៅក្នុងរដ្ឋ Tamil Nadu ភាគខាងត្បូង និយាយថា ពួកគេកំពុងរងទុក្ខវេទនាថ្មីទៀត ដោយសារតែសត្វស្រមោចពណ៌លឿងកំពុងលុកលុយខ្លាំង។

សត្វស្រមោចពណ៌លឿង

សត្វ​ល្អិត​ទាំងនេះ ​បាន​វាយប្រហារ​ហ្វូង​សត្វចិញ្ចឹម​របស់​ពួកគេ និង​ប៉ះពាល់​ដល់​ទិន្នផល​ដំណាំ ដែល​ធ្វើ​ឲ្យ​ជីវភាព​របស់​ពួកគេ​ស្ថិតក្នុង​គ្រោះថ្នាក់​។

ស្រមោច​លឿង ​ស្ថិត​ក្នុង​ចំណោម​ប្រភេទ​សត្វ​ឈ្លានពាន​ដ៏​អាក្រក់​បំផុត​របស់​ពិភពលោក​។ ពួកវាមិនខាំ ឬទិចទេ ប៉ុន្តែបាញ់អាស៊ីត Formic ដែលអាចបង្កឲ្យមានប្រតិកម្ម៕

ប្រែសម្រួល៖ Vann Vann

ចុចអាន៖ ទំនាយរបស់លោកយាយពិការភ្នែក Baba Vanga សម្រាប់ឆ្នាំ២០២២ ពិតជាគួរឲ្យខ្លាច

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម