សេដ្ឋកិច្ច

ខេត្តបាត់ដំបង ប្រមូលផលកៅស៊ូ បានជាង ៥ ពាន់តោនក្នុងឆ្នាំ២០២៥

បានផុស

៦ ខែ មុន

នៅ

ថ្ងៃអង្គារ ៦ មករា ២០២៦

ដោយ

យោងតាមរបាយការណ៍នៃតារាងស្ថិតិដំណាំឧស្សាហកម្ម និងសាវប្បកម្ម (រយៈពេលវែង) ប្រចាំឆ្នាំ២០២៥ បានឱ្យដឹងថា ពេញ ១ឆ្នាំ នៃឆ្នាំ២០២៥ ខេត្តបាត់ដំបង បានប្រមូលកៅស៊ូ បានជាង ៥ ពាន់តោន ដែលចំនួននេះមានការកើនឡើងជាង ១ ពាន់តោន បើប្រៀបធៀបទៅនឹងរយៈពេលដូចគ្នាកាលពីឆ្នាំ២០២៤។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរបាយការណ៍ដដែល បានឱ្យដឹងថា នៅឆ្នាំ២០២៥ ផ្ទៃដីដាំដុះក្នុងខេត្តមានចំនួន ២,៨០១ ហិតា ចំនួននេះកើនឡើង ២៧០ ហិតា ដែលកាលពីឆ្នាំ២០២៤ ផ្ទៃដីដាំដុះមានតែ ២,៥៣១ ហិតា ប៉ុណ្ណោះ។ ទន្ទឹមនេះ ផ្ទៃដីប្រមូលផលមានជាង ២,៧៤១ ហិតា ដែលក្នុងនោះទទួលបានជិត ២ តោន/ហិតា (១.៩៤៦ តោន/ហិតា) ចំនួននេះមានការកើនជាងឆ្នាំ២០២៤ ដែលមាន ១.៦០០ តោន/ហិតា។

ជាមួយគ្នានេះ សម្រាប់រយៈពេលមួយឆ្នាំពេញ នៃឆ្នាំ២០២៥ ខេត្តបាត់ដំបង ទទួលបានបរិមាណផលកៅស៊ូ សរុបជាង ៥ ពាន់តោន ( ៥,៣៣៤ តោន) កើនឡើង ១,២៨៥ តោន ដែលកាលពីឆ្នាំមុន ទទួលបានបរិមាណផលសរុបត្រឹមតែ ៤,០៤៩ តោន។

សូមជម្រាបថា កម្ពុជារកចំណូលបានជាង ៤៥៣ លានដុល្លារ ពីការនាំចេញជ័រកៅស៊ូ នៅក្នុងរយៈពេល ១០ ខែ ឆ្នាំ ២០២៥ ធ្លាក់ចុះ ៣,៩% ធៀបនឹងរយៈពេលដូចគ្នា នៅឆ្នាំ ២០២៤ ដោយសារតម្រូវការក្នុងស្រុកបានកើនឡើងខ្ពស់។

របាយការណ៍របស់អគ្គនាយកដ្ឋានកៅស៊ូ នៃក្រសួងកសិកម្មបង្ហាញថា គិតចាប់ពីខែមករា ដល់ខែតុលា ឆ្នាំ ២០២៥ ផលិតកម្មកៅស៊ូរបស់កម្ពុជា សម្រេចបានជាង ៣០ ម៉ឺនតោន (៣០៧ ៣៣២) កើនឡើង ៣,៩២% ធៀបនឹងរយៈពេលដូចគ្នានៅឆ្នាំ ២០២៤។ តម្លៃជ័រកៅស៊ូកម្ពុជាជាមធ្យម ១៧៦៣ ដុល្លារ ក្នុងមួយតោន កើនឡើង ៨,៧%៕