សេដ្ឋកិច្ច
រដ្ឋមន្រ្តីទេសចរណ៍៖ រយៈពេល២ថ្ងៃខេត្តព្រះសីហនុទទួលភ្ញៀវជិត ៤ម៉ឺននាក់ខ្ពស់ជាងខេត្តដទៃ
ត្រឹមតែរយៈពេល២ថ្ងៃប៉ុណ្ណោះ ពោលគឺថ្ងៃទី ០៦-០៧ ខែវិច្ឆិកា ខេត្តព្រះសីហនុទទួលបានភ្ញៀវទេសចរទៅលំហែកម្សាន្តចំនួន ៣៧,៦៤១ នាក់ គឺខ្ពស់ជាងបណ្តាខេត្តមួយចំនួន រួមទាំងរាជធានីភ្នំពេញ។ នេះបើតាមរដ្ឋមន្រ្តីក្រសួងទេសចរណ៍លោក ថោង ខុន។
លោករដ្ឋមន្រ្តីបានបញ្ជាក់ថា ចរន្តភ្ញៀវទេសចរ ដែលចេញដើរកម្សាន្តនៅទូទាំងប្រទេសនៅតែមានការកើនឡើង ចាប់ពីថ្ងៃទី០៦-០៧ ខែវិច្ឆិកា ឆ្នាំ២០២១ កម្ពុជាទទួលបានភ្ញៀវសរុប ១៧៤,៥៤៣នាក់ ក្នុងនោះភ្ញៀវទេសចរជាតិ ១៦៩,៥៣២នាក់ និងភ្ញៀវបរទេសផ្ទៃក្នុង ៥,០១១នាក់។
បើតាមលោក ថោង ខុន ទោះបីពុំមានថ្ងៃឈប់សម្រាកបុណ្យជាតិ ប៉ុន្តែចរន្តភ្ញៀវទេសចរណ៍ផ្ទៃក្នុងនៅតែមានភាពសកម្មរៀងរាល់ចុងសប្តាហ៍។
លោកបានបន្តថា រមណីយដ្ឋានទេសចរ និងគោលដៅទេសចរទូទាំងប្រទេស បានបើកដំណើរការទទួលភ្ញៀវទេសចរ ខណៈដែលមូលដ្ឋានអាជីវកម្មទេសចរណ៍ ដែលបានផ្អាកសកម្មភាពកន្លងមក ក៏បានរៀបចំដើម្បីទទួលភ្ញៀវទេសចរណ៍ផងដែរ ពិសេស ជាពិសេសត្រៀមខ្លួនទទួលភ្ញៀវទេសចរនាពេលថ្ងៃឈប់សម្រាកព្រះរាជពិធីបុណ្យអ៊ុំទូកខាងមុខនេះ។
ទន្ទឹមនឹងនេះ លោក ថោង ខុន បានកត់ស្គាល់ឃើញថា ម្ចាស់មូលដ្ឋានអាជីវកម្ម និងភ្ញៀវទេសចរ មានការយល់ដឹងកាន់តែប្រសើរ និងបានចូលរួមអនុវត្តវិធានការនានា កាន់តែសកម្ម ពិសេសវិធានការ «៣កុំ និង ៣ការពារ» ស្របពេលដែលរដ្ឋបាលរាជធានី-ខេត្ត មន្ទីរទេសចរណ៍ បានបន្តជំរុញការអនុវត្តវិធានសុវត្ថិភាពទេសចរណ៍ និងនីតិវិធីប្រតិបត្តិស្តង់ដាអប្បបរមា (SOP) ឲ្យបានគ្រប់មូលដ្ឋានអាជីវកម្ម៕
អត្ថបទ៖ ទួន សុផល
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ