ព័ត៌មានជាតិ
អ្នកភ្នំពេញមិនបាច់ភ័យដាច់ភ្លើងទៀតទេ រោងចក្រអគ្គិសនី ៤០០ មេហ្គាវ៉ាត់ សង់រួចហើយនៅល្វាឯម
ប្រភពថាមពលថ្មីមួយទៀតដែលមានអនុភាព ៤០០ មេហ្កាវ៉ាត់ នៅស្រុកល្វាឯមបានបញ្ចប់ការសាងសង់ ១០០ ភាគរយ។
អ្នកនាំពាក្យក្រសួងរ៉ែ និងថាមពល បានប្រាប់កម្ពុជាថ្មីនៅព្រឹកនេះថា រោងចក្រអគ្គិសនីថ្មីនេះ នឹងជួយបង្កើនអានុភាពការពង្រីកខ្សែសង្វាក់ផ្គត់ផ្គង់អគ្គិសនី ដែលជាតម្រូការចាំបាច់របស់ប្រជាពលរដ្ឋ។
ឯកឧត្តមវិចទ័រ សូណា ប្រាប់ថា គោលនយោបាយរបស់រាជរដ្ឋាភិបាលគឺធ្វើយ៉ាងណាពង្រីកបណ្តាញផ្គត់ផ្គង់អគ្គិសនីឲ្យបានទូទាំងប្រទេស ប្រកបដោយស្ថិរភាពនិងតម្លៃសមរម្យ។
បើតាមអ្នកនាំពាក្យ គិតមកដល់ឆ្នាំ ២០២០ ភូមិឃុំ ៩៨% នៅទូទាំងប្រទេសមានអគ្គិសនីប្រើប្រាស់ ហើយអាច២០២១ ឬ២០២២ នឹងអាចគ្រប់ ១០០ ភាគរយ។
រដ្ឋមន្រ្តីក្រសួងរ៉ែ និងថាមពលឯកឧត្តម ស៊ុយ សែម ថ្លែងកន្លងទៅថា កម្ពុជានឹងមិនខ្វះអគ្គិសនីប្រើប្រាស់ទៀតទេនៅរដូវប្រាំងខាងមុខ ព្រមទាំងនៅសល់ថាមពលសម្រាប់ស្តុកទុកត្រៀមបំរុងថែមទៀតផង។
រដ្ឋមន្រ្តីបានថ្លែងបន្តថា កម្ពុជាមានប្រភពថាមពលអគ្គិសនីជាង ៣,៦០០មេហ្គាវ៉ាត់ តែប្រើប្រាស់បច្ចុប្បន្នអស់តែប្រមាណជាង ១,៧០០មេហ្គាវ៉ាត់ប៉ុណ្ណោះ ដូច្នេះនៅសល់ថាមពលអគ្គិសនី ជាងពាក់កណ្ដាលសម្រាប់ត្រៀមទុក។
សូមបញ្ជាក់ថា រោងចក្រអគ្គិសនីដើរដោយប្រេងខ្មៅនៅស្រុកល្វាឯម ខេត្តកណ្តាល បានបញ្ចប់ការសាងសង់ ដោយចំណាយថវិកាប្រមាណចំនួន ៣៨០លានដុល្លារអាមេរិក ដែលក្នុងនោះក៏មានការសាងសង់អនុស្ថានីយអគ្គិសនី ព្រមទាំងហេដ្ឋារចនាសម្ព័ន្ធផ្សេងទៀត៕
-
ព័ត៌មានជាតិ២ ថ្ងៃ agoសមត្ថកិច្ចឃាត់ខ្លួនជនសង្ស័យជនជាតិថៃ២នាក់និងខ្មែរម្នាក់ ករណីជួញដូរសារធាតុញៀន
-
ព័ត៌មានជាតិ១ សប្តាហ៍ agoទេសចរគួរដឹងអ្វីខ្លះ ពេលទៅកម្សាន្តតំបន់អេកូទេសចរណ៍រ៉ាមសារសម្រស់កោះហានក្នុងខេត្តស្ទឹងត្រែង?
-
ព័ត៌មានអន្ដរជាតិ១ សប្តាហ៍ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានជាតិ៧ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
ព័ត៌មានអន្ដរជាតិ១ សប្តាហ៍ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១៦ ម៉ោង agoស្ថានទូតអូស្ត្រាលីប្រចាំកម្ពុជាឆ្លើយតបនឹងហេតុការណ៍ទាហានថៃផ្ទុះអាវុធកាលពីថ្ងៃទី២៩ ខែមេសា
-
ព័ត៌មានជាតិ២ ថ្ងៃ agoទាហានថៃបាញ់កាំភ្លើង៩គ្រាប់ មុខអនុព័ន្ធយោធាអាម៉េរិក ចិន រុស្ស៊ី ជប៉ុន ដែលចុះសង្កេតការណ៍នៅអូរស្មាច់
-
សន្តិសុខសង្គម៧ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ