សេដ្ឋកិច្ច

ថៃ បញ្ជាក់ពីហានិភ័យខ្វះប្រេងឥន្ធនៈប្រើប្រាស់

បានផុស

២ years មុន

នៅ

ថ្ងៃព្រហស្បតិ៍ ២៣ មិថុនា ២០២២

ដោយ

រដ្ឋាភិបាលរបស់ថៃកំពុងទប់ស្កាត់ការនាំចូលឧស្ម័នធម្មជាតិរាវ (LNG) ដោយសារតែតម្លៃឡើងថ្លៃពេក ជាហេតុអាចធ្វើឲ្យប្រទេសនេះប្រឈមនឹងការខ្វះខាតប្រេងឥន្ធនៈប្រើប្រាស់ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមពាណិជ្ជករម្នាក់បានឲ្យដឹងថា ក្រុមហ៊ុននាំចូលដែលគ្រប់គ្រងដោយរដ្ឋបានកាត់បន្ថយការទិញឧស្ម័នធម្មជាតិរាវពីទីផ្សារ ដោយសារតែតម្លៃហក់ឡើងខ្ពស់ និងបរិមាណមានកំណត់ ។

យោងតាមពាណិជ្ជករដែលសុំមិនបញ្ចេញឈ្មោះបាននិយាយថា ទោះក្រុមហ៊ុននាំចូលមានគម្រោងបង្កើនជម្រើសផ្សេងទៀតដើម្បីទិញថាមពលដែលមានតម្លៃថោក ដូចជាប្រេងម៉ាស៊ូត និងប្រេងឥន្ធនៈក៏ដោយ ក៏ឱនភាពសម្រាប់ការបន្ថយទិញឧស្ម័នអាចមានទំហំធំពេក ពោលមិនអាចបំពេញបានដោយប្រភពផ្សេងទៀតនោះទេ ។

ពាក់ព័ន្ធនឹងបញ្ហានេះដែរ លោកស្រី Rachada Dhnadirek អ្នកនាំពាក្យរងរដ្ឋាភិបាលថៃបាននិយាយឆ្លើយតបទៅនឹងសំណួររបស់អ្នកសារព័ត៌មាន Bloomberg ប្រសិនបើមានឱនភាពនេះថា “យើងនឹងមិនអនុញ្ញាតឲ្យមានការខ្វះខាតប្រេងឥន្ធនៈកើតឡើងនោះទេ ។ ប្រទេសថៃមិនពិបាកក្នុងការទទួលបានការផ្គត់ផ្គង់នេះឡើយ” ។

បច្ចុប្បន្នប្រទេសអាស៊ីមួយចំនួនដូចជា ប៉ាគីស្ថាន និងស្រីលង្កា កំពុងស្ថិតក្នុងវិបត្តិថាមពលធ្ងន់ធ្ងរ ដោយសារការកើនឡើងថ្លៃប្រេង និងឧស្ម័ន ។ តម្លៃឧស្ម័នធម្មជាតិរាវនៅតំបន់អាស៊ីខាងជើងបានកើនឡើងប្រហែល ៥០ ភាគរយក្នុងខែនេះ ដោយនាំឲ្យតម្លៃថាមពលកើនឡើងច្រើនជាង ៣ ដងធៀបនឹងឆ្នាំមុន ដោយសាការទប់ស្កាត់ការនាំចេញរបស់រុស្ស៊ីទៅកាន់អឺរ៉ុបដែលជាហេតុធ្វើឲ្យតម្លៃឧស្ម័នលើពិភពលោកឡើងថ្លៃកប់ពពក ៕

ប្រែសម្រួលដោយ ៖ ជីវ័ន្ត

ប្រភព ៖ Bangkok Post

ចុចអាន ៖ ថៃ អរគុណ កម្ពុជា ចំពោះការជួយដោះស្រាយបញ្ហាក្រុមឆបោកតាមទូរស័ព្ទ